العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
حنين الذكريات

لماذا يلجأ البعض لكتمان همومه وأحزانه؟!؟

نطرح موضوع للنقاش اتمنى يكون لنا فيه الفائده


للنفس حركة نحن لا نراها ..... ولكن نحسها عبر تعابير الأشخاص وأحاديثهم التي تعبر عن مواقف نفسية بالغة الغنى والثراء ......


كلنا تجمعنا تلك المشاعر ..... ونذوب فيها ..... ولكننا نختلف في طريقة التعبير عنها ....

فمنا من يفصح عن ما يجول بداخله ................. ومنا من ترتسم تلك المشاعر في تعابيره وتبوح لنا بما لم يتحدث عنه.....

ومنا من لا يفصح وتبدو تعابير وجه صماء لا علاقة لها بما يدور في خلده .... ولكن ..... لماذا نختلف .... ؟؟؟

ولماذا يغلق البعض على همومه وأحزانه صندوقاً يدفنه في أغوار قلبه ؟؟؟

هل خوفاً..خجلاً..أم لعدم وجود من نفتح له قلوبنا؟؟


وجهة نظري


من الممكن انه يكون عدم الامان ممن حولنا وخاصة في زمن يقل به الثقه لا اقول معدومه ولكن نادره
دمتم بود



2 
ملكة بكبريائى

موضوع رائع ياحبيبتى
ومعاكى حق فى ناس كثيرة بتكتم مشاكلها وهمومها
انا من راى دا طبع فى الانسان اتعود من وهو صغير محدش يساله مالك
او ميرتحش للى بيسألوة
فتعود على انه ميحكيش
اصل كتم الهموم دى اسباب كثيرة منها ان فى ناس بتخاف وان زى ما قولتى مفيش امان ولا حد بيثق فى الى ادامه دلوقتى
وممكن طبع فى البنى ادم مش بيعرف يعبر عن مشاعرة ولا همومه
وفى ناس من حبها للناس ولاصدقائها مش بتحب تدايقهم بمشاكلهم
اسباب عديدة جدا


3 
♥ ٻـځـلم پـٵلـچـڹـﮧ‏، ♥

موضوع رائع جدا ي جميل
وفعلا معاكى حق فى ناس كثير جدا
بس اكيد السبب مثلا علشان ميشيلوش لحد مثلا الهم او كدا
دا مثلا ال انا بمر بيه
وفى ناس كمان موش بتحب تقول حاجه لحد يعنى اممم فى ناس كثي
تسلمى ي قمر على التوبيك دا


4 
تقى القلوب

من الممكن انه يكون عدم الامان ممن حولنا وخاصة في زمن يقل به الثقه لا اقول معدومه ولكن نادره
انتى هنا قولتى خلاصة الموضوع
الامان
ومين اللى تأمنى له ؟؟؟؟؟؟؟؟؟؟؟؟؟؟؟؟؟؟؟؟؟؟؟
الهم واسر لو طلع من بين شفايفك هاتلاقى كل الشفايف الاخرى تتداوله
مافيش غير ربنا هوا اللى لما نشكى له همومنا هيفرجها ان شاء الله
دمت ودامت مواضيعك الجميلة


6 
Gesy

بصراحة يعنى اناع سبيل المثال
مش بحب احكى حاجة لحد وبفضل
كاتمة كل مشاعري ف قلبي هو ده طبعا
مش كويس بس مين اللى هيقدر يفهمنى ومين
اللى اديلو الامان احكيلو كل حاجة انا عملت كدة مرة
بس اكتشفت ان مش لازم اثق ف حد واديلو الامان
ف الاحسن ليا انى مش احكى لحد حاجة وخلينى كدة احسن

تسلمي ياقلبي
نايس توبيك



7 
мσĦąмέđ

موضوع جميل ومميز

بس لو هنتكلم هل الافضل كتم الهموم ولا البوح بها أكيد البوح بيها

بس المشكله لما بنحكم لحد فى ناس بتاخدها على سبيل المزاح وتضحك وتقلك هتعمل فيها قيس فى حاله لو ولد وليلى فى حاله لو بنت

وفى اللى بيبقى كاتم فى نفسه ومش عارف يحل لنفسه فبالتالى مش هينفعوك

وفى اللى حضرتك قلتى عليه النوع اللى مبنثقش فيه وصعب نقلهم على حاجه

لكن الفضفضه مع النفس جميله جدا ولو بالكتابه وهتجيب نتيجه ومراجعه النفس

وفى الحل الافضل بقى ياسلام اننا نشكى ونقول همومنا لربنا سبحانه وتعالى

سُئل ذات مره النبى صلى الله عليه و سلم : أقريب ربنا فنناجيه , أم بعيد فنناديه ؟

يعنى قريب منا فلا نرفع أصواتنا فى الدعاء بل نناجيه و نشكو له حالنا و حوائجنا

أم بعيد فنناديه بأعلى صوتنا ....فنزلت الأيه

" وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ "

إذا فالله قريب منا أقرب إلينا من أنفسنا



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.