العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

مجرد كلام

كاتب الموضوع: غــنـــــوه حزيــــــــنه، فى قسم: منتدى النقاش الجاد


1 
غــنـــــوه حزيــــــــنه

أنا مش عارفة داخلة عشان اكتب إيه...حبيت اسيب ايدي تتكلم بما اني صوتي مبقاش قادر يطلع ولا قادرة اتكلم مع اي حد قلت يمكن اعرف اكتب وعارفة ان كلامي هنا ميهمش اي حد ومافيش فايدة اني اخلي حد يقرأ حاجة تضايقه ولا تنكد عليه


بس صدقوني
واعزروني
انا فعلاً ملقتش مكان اتكلم فيه غير هنا
.............
... انا صح؟؟؟
!!!!!.....معرفش
غلط؟؟؟؟
برضه معرفش
عاقلة؟؟؟؟
معرفش
مجنونة؟؟؟
احتماااال
بس اللي انا عارفاه اني مبقتش فاهمة حاجة من الدنيا حواليا خااااالص
ومش عارفة عشان هي دنيا عاملة كدة واللا عشان انا كدة فهي كدة معايا
!!!!!!!!!
طبعاً محدش فاهم حاجة
بس برضه معلش خلوني اتكلم كدة وخلاص اللي وصل لهنا ومستفادش حاجة انصحه يطلع وميحيش المدونة هنا تاني
................
المشكلة كلها اللي انا عارفاها ومتاكدة منها اني مش عارفة اتغير ولا امشي اموري ولا اكبر دماغي ولا مزعلش ولا ماحبش بقلبي اوي
عمركوا شوفتوا حد غلط عشان بيحب اللي حواليه بقلبه وبكل احساسه وبيزعل لما الناس تعامله كأنه ولا حاجة...ده يمكن الولا حاجة دي بتبقي كمان ليها قيمة عند الناس لكن هو لا
وبعدين نفضل نقول ماهو مش كل الناس
واللي مش كل الناس في لحظة بيبقوا كل الناس
والناس مش اي ناس
لا
ناس قريبين اووووي وعارفين ايه اللي بيزعلك وايه اللي بيجرحك وبرضه بيعملوه
أصعب احساس في الدنيا ان حد تبقي معتقد انه قريب منك ومش محتاج منه غير انه يكون جمبك وانت محتاجه حتى لو متكلمتوش لكن تلاقي تصرف معاكس تماما وبعد وجفاء من غير سبب اللي يضايق اكتر ان الانسان ده يعاملك بطريقة هو نفسه بيكره يتعامل بيها
المهم في كل ده
انك تطلع في الاخر غلطان
من كل النواحي
غلطان انك بتحب
وغلطان انك بتحس
وغلطان انك بتقول الحق
وغلطان انك بتتنرفز
وغلطان انك مش بتسكت وتعدي
طيب لما ابقي كدة
اتغير ازاااااااااااااااااي
الناس عايزيني اتغير
عشان انا غلط طبعاااااااااااا
وانا مش شايفة كدة
انا شايفة اني اللي يعرفني يعرفني زي ما انا
بجنوني
بعقلي
بحنيتي
بقسوتي
يحبني عشان بقول الحق ولو على رقبتي
ويحبني من غير سبب
يحبني عشان الأصحاب بجد بيعملوا كدة
ولو مش كدة يبقي برضه انا حكون غلط
عشان ببقي موهومة بعلاقاتي كلها مع الناس ومش قادرة احدد
مين يستحق اني احبه بجد ومين لا
نفسي في اخر كل الكلام ده ارجع بعد يومين اقول انا ازاي قلته والدنيا رجعت تاني حلوة وانا كنت مكبرة المواضيع بجد نفسي اقول اني قلت الكلام ده كله في لحظة يأس مكنتش اقصدها
.....لكن
.......للأسف
انا حاسة ان حاجات كتير اتكسرت
...مش بيني وبين ناس كتير
!!!....لا
حاجات جوايا اتكسرت ومش حعرف أرجعها زي الأول
...بجد انا اسفة
اسفة علي الازعاج زي ما قلتلكم المرة اللي فاتت
اسفة عشان الوحدة احيانا بتبقي افضل من اي صديق
اسفة لأي حد ضايقته أو زعلته بسبب كلامي ده واعرفوا انه غصب عني كان لازم اطلع اللي جوايا
لأني بجد كنت وصلت لمرحلة اني مبتكلمش مع حد




2 
s ! l e n c e

انصحك تسمعي فيلم جيم اوفر لانه الوحيد الي هيخرجك من الحالة الي انتي فيها
هو اول عرض ليه النهاردة.. بالتوفيق



3 
غــنـــــوه حزيــــــــنه

ومتهيئلك يااخى فيلم ويكون خلاص ونهايته وخلصت الحكايه فماهوالافضل


5 
غــنـــــوه حزيــــــــنه

مش مهم تفهم ولاترد عليا المهم انى طلعت كل الجوايا وكتبته


6 
علمتنى الحياه

تعرفى نفس اللى جوايا وبجد حاسه بكل حرف مكتوب


 من مواضيع علمتنى الحياه

7 
غــنـــــوه حزيــــــــنه

كلنـــــــــــا كده وحاسيـن بكده



9 
♥ amr ♥

انا كنت كده من 5 ايام
وخرجت من هذه الحاله والحمدلله


10 
وعد الغرام

معــ احترامى الشديد ليكى
وتقدر لاى مراحل انتى مريتى بيها
واحترامى لمشاعرك كــ انسانه رقيقه


طيب ليه انتى تاعبه نفسك بلناس الناس الناس الناس...
شوفتى انتى كتبتيها كام مره!!

ممم فــ الفون بيبقى فى قائمه البلاك لست
"القائمه السوداء"

اى حد يضاايقك حطيه فــ القائمه دى

يعنى لا تفتكريه ولا تكلميه ولا تردى عليه

تقدرى تعامليه كأن شيئ محنط مجمد كرسى!!

هيحصصل ايه يعنى لو سحبتى فرد من حياتك!؟
هتموتى !!
مش هيحصل هتفضلى عايشه

وكمان هتنسى
وغير كده قيمتك هتتعرف بعد غيابك بس وقتها مش هيفيد الكلام ولا الاعتزار
علشان انتى عززتى نفسك
اكررمتى نفسك لنفسك وهبتى نفسك وشخصيتك لنفسك

منسيش ان انتى عايشه لنفسك وبعد نفسك للناس لى تقدر نفسك


عيشى لنفسك تفكيرك لنفسك

سيبى لى يغلط يغلط
هوه كمان عنده عقل وله ناس كتير ينصحوه
انتتم مش عايشين فــ صحره

انتى عملتى لى عليكى اتكلمتى مره وحسيتى ان كلامك مخدش قدر الاهتمام لى يستحقه

يبقى توفرى الكلام والنصائح

وتبعدى عن اى انسان ممكن يتفهه من شخصيتك او يهز ثقتك بنفسك

وخليكى انتى عارفه قيمه نفسك ومقدار نفسك

وفــ يوم هتلاقى الناس لى يستاهلوا انك تتعاملى معاهم

بس قبل ما تتعاملى مع شخص بقلبك اتعاملى بعقلك

شوفى الشخصيه من نطاق العقل الشخصيه دى كويسه ولا مش كويسه؟!
تستاهل التعامل الادمى؟!

تستاهل المشاعر الصادقه والاحساس المرهف
ولا مش تستاهل


فكرى بعقلك وهترتاحى الغى مشاعرك
لحد لما تلاقيها فعلا لازم تطلع وتلاقى الانسان لى بجد يستاهل انك تعامليه بأحساس
مش بعقل

بلتوفيق يارب تكونى استفادتى حاجه

ميرسى...



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.