العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

نص حاله

كاتب الموضوع: غــنـــــوه حزيــــــــنه، فى قسم: منتدى النقاش الجاد


1 
غــنـــــوه حزيــــــــنه

نص حاله 559395_412917805386082_248207778523753_1578742_1690350480_n.jpg

نص حــــالة

بحس دايماً ان كل اللي حواليا عايشين نص حالة

نص فرحة , نص ضحكة , نص إبتسامة


في عنيهم نظرة عدم رضا بس ماعرفش عدم رضا عن مين

نفسهم
ولا اللي حواليهم
ولا افعالهم اللي بيسموها الظروف


نص الحالة دا دايماً مع الحاجات الحلوة
انما الحاجات اللي بتزعل بتاخد حقها اوووي معانا


على طول زعلان اووووي
و مكتئب اووووي
و زهقاان اووي


انما الفرحة بنقسمها
زي ما نكون مش ضامنين تيجي تاني
فـ بنخبي نصها لوقت تاني

مش بندي لنفسنا فرصة نفرّح قلبنا للآخر


لو حاجة ضحكتنا من قلبنا نخاف و نقول خير اللهم اجعله خير


ولو الضخكة غلبتنا و أخدت حقها مننا لازم نختمها بدمعة
و نقول دمعت من كتر الضحك


..


نص حاله tumblr_lrmsjtgSYS1r14nuro1_500.jpg


عندي اقتناع تام
اننا عايشين نص عيشة

و دا عشان فعلاً مش بنعمل اللي المفروض يتعمل

ماهو ربنا خلق كل واحد فينا عشان هدف يحققه طول حياته
و حاجة يوصلها و يفيد بها نفسه والناس

و بما اننا عايشين اليوم بيومه و مش بنحدد هدفنا صح
ولا في دماغنا حاجة نوصلها
فـ عشان كدا عايشين و مش راضيين

هاتحس بالرضا عن نفسك
لما ترجع شريط يومك و تفتكر اللي عملته
وتلاقيك حققت جزء من حاجة المفروض ان ربنا خلقك أصلا عشان تنفذها كاملة
!!

و طبيعي هاتصحى تاني يوم تكمل باقي هدفك
بنفس راضية
نفس عايزة تعيش عيشة كاملة
و ماترضاش بنص عيشة
..

ماتسيبش قلبكـ يرضى ويتعوّد على نص حالة





3 
تقى القلوب

ياريت
بس مش بايدينا يابنتى
هيا الدنيا كدا
نص حالة
تسلم ايديكى يا جميلة


4 
غــنـــــوه حزيــــــــنه

تسلمين اختى على روعه حضورك


5 
وعد الغرام

كلامك رائع
انا فعلا قبل لما بنام بفضل افكر يومى عدا ازاى استفدتت ايه وغلط فــ ايه!!

وده بيفدنى كتير انه مش يتكرر تانى

ناااايس

ميرسى...



 من مواضيع وعد الغرام

7 
لمسة انوثة


ماأجمل تلك المشاعر التي
خطها لنا قلمكِ الجميل هنا
لقد كتبتِ وابدعتِ
كم كانت كلماتكِ رائعه في معانيها
فكم استمتعت بموضوعك الجميل
بين سحر حروفكِ التي
ليس لها مثيل
دمت بألف خير





9 
Immigrant

هيا الدنيا كــده شويه ضحكه شويه حزن
مع الفرحه تلاقى حزن ومع الحزن تلاقى فرحــه
اغلب الناس فهموم ومشاكل بس بيحاولوا يتأقلموا على الحياه علشان امورهم تعدى

اشكرك


10 
ملكة بكبريائى

توبيك رائع ندى حبيبتى
وفعلا احنا بنعيش نص حاله سعاده وحزن وهم وبكى وفرحه و ابتسامه
دى الحياه وفعلا لو حددنا هدف شويه وليقنا وقت علشان ملأ يومنا بحاجه ايجابيه مش هنلاقى وقت حتى للدموع
والابتسامه هتبقى موجوده فى القلب مش هتقدر تتحول لدموعى لانها ابتسامه رضا
وابتسامه الرضا لا تزول



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.