العودة   منتديات المصطبة > الأقسام الأسرية > عالم حواء والزواج

عالم حواء والزواج قسم خاص للمرأة، عالم المرأة، زواج، ثقافة زوجية، مشاكل الزواج، عادات وتقاليد


1 
cαяαмєℓ

ازيكم يا احلى زهرات ..
عاملين ايه ؟؟

النهاردة عاوزة اتكلم معاكوا فى موضوع مهم اوى وهو >>>>

الصــــــــــــــــــــــــــلاة
والصلاة لو سألنا اى زهرة بتصلى ليه وايه اهمية الصلاة
هتكون ردودها منحصرة فى :
1- بصلى لربنا.
2-عشان ربنا يحبنى.
3- عشان هى فرض
4- عشانادخل الجنة
5- عشان ربنا يوفقنى .
6-عشان مادخلش النار وربنا يزعل منى .


ومع كل الإجابات دى -وكلها صح طبع- لكن فى زهرات بردوا ما بتصليش
وفى من اللى بتصلى مش فاهمه هى بتقول ايه وليه ..

مش هاقولكم انى مثاليه جدا وفاهمه كل شيء
لكن عشان نتقدم لقدام لازم نكون صحبه مع بعض تعين بعض ونذكر بعض .
وموضوعى بذكر فيه نفسى وبذكركم
ليه بنصلى وازاى نصلى ..
وهعرض عليكم بعض المواقف فى حياتنا
ومواقف شبيهه من الصحابى قدام
الرسول صلى الله عليه وسلم ..

استنونى خليكوا معايا ..

زهرتى^_^مابتصليش ؟؟بتصلى ومش حاسه بصلاتك ؟*_* تعـــالى p-yemen4 (26).gif

اول حلقة النهاردة الآذان >>>


دلوأتى زهراء سمعت الآذان بيأذن
وهى مشغولة ،
بتذاكر
بتتفرج على التلفزيون
على النت
بتلعب مع اختها

ونسيت تردد الآذان او تقول الدعاء اللى بعده ...

زهرتى صح ولا غلط ؟؟
فكرنا مرة قبل ما نصلى نردد ونقول الدعاء
ولو كنا بنقوله فكرنا مرة نفهم معناه ؟؟

فكرنا مرة نفهم يعنى ايه الله اكبر؟؟


يعنى ايه
ان ربنا بينادى عليكي ويقولك
انا أكبر من اللى شاغلك عنى ومشغولة بيه عنى ؟؟

فكرنا مرة نفهم يعنى ايه
اشهد ان لا اله الا الله اللى معناها
انك بتشهدى بكدا وبتشهدى بدا
يعنى انتى مسلمة لربنا ومسلمه نفسك ليه
لأنه فعلا ما فيش اله غيره

فكرنا مرة يعنى ايه
انتى بتشهدى ان محمد رسول الله؟؟
فكرتى يعنى ايه انك مصدقة ان سيدنا محمد-صلى الله عليه وسلم-هو الرسول
اللى علمك يعنى ايه تصلى ويعنى ايه تعبدى ربنا ؟

فكرنا يعنى ايه :
حى على الصلاة ؟
فكرنا يعنى ايه ان ربنا بيناديكى وبيقولك لو مافهمتيش
كل المعانى اللى فاتت فربنا بيقولك تعالى يلا عشان تصلى دلوأتى ؟؟
فكرتى فى مرة الدكتور يقولك تاخدى الدوا دا الساعه كذا
وكذا وكذا
والتزمتى بمعاده عشان تخفى ..
فكرتى تلتزمى بمعاد صلواتك عشان تخففى من ذنوبك وخوفك ووحشتك ؟

طب فكرنا يعنى ايه؟؟
حي على الفلاح
فكرنا يعنى ايه ربنا بيقولك ان الصلاة دى هى فلاحك ونجاحك وحياتك
وهى اللى هتفوزى بيها !!

وفى نهاية الآذان ربنا بيقولك :
الله اكبر لأنه بيذكرك بقى انك لازم تقومى بأه لأنه أكبر من اللى معاكى ..
ولازم تقومى لأن

لاــ الـــــــــــــــه الاــ اللــــــــــــــه ..



ها يا زهرتى !!!
هاتقومى ولا لسه مكسلة ؟؟
طب لو سمحتى تعالى على نفسك وقومى وصلى
وجاهدى نفسك وصليها وانتى كارهاها
لأنك بعد كدا هاتتعودى عليها وتصليها بحب لو جاهدتى نفسك دلوأتى .

كل يوم هاكمل معاكم ان شاء الله عشان ناخد بايد بعض ونصلى من غير
ما ماما او بابا او اخونا يقولنا صلوا كل شوية ..


بكرة ان شاء الله هنحاول نفهم يعنى ايه الدعاء اللى بنقوله بعد الآذان ..


بحبكم فى الله يا زهراتى


هتقيمونى يبقى شكرا ليكم
مش هتقيمينى
بردو شكرا ليكي ..



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.