العودة   منتديات المصطبة > الأقسام الترفيهية > المهيسون فى الأرض

المهيسون فى الأرض إفتكاسات وتهييس "بدون زعل"، شوية فرفشة على شوية نكت على مقالب مضحكة


1 
cαяαмєℓ

ازاى تعرف المصرى من بين 1000 واحد ؟


- لو سألت سواق تاكس على عنوان وبدل ما يدلك قالك امشي ورايا .. يبقى مصري.
... وعلى فكرة ساعات بيغير اتجاهه عشان عنده رغبة صادقة يوصلك وخايف تتوه

- لو صليت في مكان وبعد الصلاة اللي جنبك مد ايده وقالك تقبل الله.. يبقى مصري

- إذا سمعته بعد أن يضحك كثيرا يقول " خير اللهم إجعله خير " .. فتأكد أنه مصري ...

- لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري

- لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا

- لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات

-و لما عربية تعمل حادثة فى الطريق الصحراوى أو الزراعى , و فى ثوانى تقف
لها خمسين عربية ينقذوا المصابين و يعدلوا العربيات و لو اضطروا يشيلوهم من
على الأرض .. هم دول المصريين

- لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر

- لما تلاقي سيدة في الرايحة والجاية عمالة تدعي لأولادها وتخلى الدنيا
تدعيلهم... تبقى دي أم مصرية وطموحاتها وأحلامها الشخصية فى الحياة إن
ولادها يبقوا مبسوطين

- لو شفت واحد وقف فجأة و هو ماشى فى الشارع
و مد ايده على حتة عيش مرمية على الأرض وقام رافعها لراسه قبل مايحطها جنب
الرصيف... يبقى ده مصرى.

- لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.

-لو اديت لواحد فلوس وبدأ يعدها بصوت عالي وبدأ بقوله الله واحد .. ومع
الورقة الثانية : مالوش تاني، ومع الورقة الثالثة: العدد ثلاثة .. يبقي
أكيد مصري ابن مصري

- لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري

- لما تلاقي خناقة فى الميكروباس والأصوات عليت كل واحد فيهم بيحلف إنه يدفع للتاني ثمن التذكرة يبقي مصريين علي حق


- لما يكون عنده ضيوف ويسلموا عشان هيمشوا ويقفوا على الباب يتكلموا ساعه يبقوا مصريين مصريين و في الخلال الساعه دي يعزم عليهم انهم يبيتوا ثلاث اربع مرات


- ولما تلاقى شعب فى اكبر ازمه بيمر بيها ... مابينساش يضحك ويطلع افيهاااات
ويضحك اللى حواليه وكل العالم يتكلم عليه وعلى خفته
يبقى انت اكيد تقصد ... شعب مصر....



2 
عازف جيتار

اكيد معرفين المصريين من بين 100 واحد
تسلم ايديكي على التوبك الجامد ده


3 
cαяαмєℓ

اقتباس: المشاركة الأصلية كتبت بواسطة عازف جيتار  مشاهدة المشاركة
اكيد معرفين المصريين من بين 100 واحد
تسلم ايديكي على التوبك الجامد ده

نورتنى يا جميل
واسعدتنى بتواجدك اطلالتك


4 
the legend sh

بجد موضوع حلو اوي
تسلم الأيادي


 من مواضيع the legend sh

5 
cαяαмєℓ

اقتباس: المشاركة الأصلية كتبت بواسطة the legend sh  مشاهدة المشاركة
بجد موضوع حلو اوي
تسلم الأيادي

انت احلى
اسعدتنى باطلالتك


6 
nona2012

صـــــــــــــــــــــــــــــ المصرين ــ وـــــــــــ بس ــــــــــــــــــــــــــــــــــــــــــــــح


7 
cαяαмєℓ

اقتباس: المشاركة الأصلية كتبت بواسطة nona2012  مشاهدة المشاركة
صـــــــــــــــــــــــــــــ المصرين ــ وـــــــــــ بس ــــــــــــــــــــــــــــــــــــــــــــــح

صووووح والله صووووووح

هههههههههههه

نورتينى بمرورك ياقمر


8 
لؤلؤة الحياة

مصرى اصيل
مافيش شعب زينا
وانا افتخر انى مصريه

تسلمى ياقمر


9 
ⓓⓡ ⓜⓞⓓⓨ

- لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري


الموضوع دا هيجننى

وساعات يتصلوا ع الرقم الأرضى ويسألونى انت فين

وساعات يقولولى انت صاحى

مش عارف ايه العالم دى


10 
cαяαмєℓ

اقتباس: المشاركة الأصلية كتبت بواسطة لؤلؤة الحياة  مشاهدة المشاركة
مصرى اصيل
مافيش شعب زينا
وانا افتخر انى مصريه

تسلمى ياقمر

والله بعد الحكم ده انا كرهت حياتى جدا

كنت فى الاول بفتخر بمصر دى جدا

لكن بعد الحكم

تأكدت ان مافيش رجالة فى البلد دى

ومش ليا الفخر انى مصرية

آسفة ياقمر انى حولت الموضوع الكوميدى لموضوع يأس

نورتينى ياقمر



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.