العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

عبر عن حالتك برباعيه ( لصلاح جاهين )

كاتب الموضوع: مؤمن السوهاجى، فى قسم: منتدى الشعر والخواطر


1 
مؤمن السوهاجى



السلام عليكم و رحمه الله و بركاته
الموضوع يا جماعه ان عمنا صلاح جاهين ( فيلسوف ولاد البلد )
له مئات الرباعيات الجميله الرائعه اللي بتمسنا كلنااا
و كل وقت في حياتنا بنحس ان في رباعيه محدده تشبه حالتنا دي
هنا نكتبها و نعبر عن حالتنا اللحظيه برباعيه للمبدع ده



2 
مؤمن السوهاجى

ايـــوب رماه الباين بكل العلل
سبع سنين مرضان و عنده شلل
الصبر طيب صبر ايـوب شفاه
بس الأكاده مات بفعل الملل

عجبـــي !!!


3 
samasemo


كيف شفت قلبي و النبي يا طبيــــــــــــب

همد و مات و الا سامع له دبيـــــــــــــب

قاللي لقيته مختنق بالدمـــــــــــــــــــــوع

و ما لوش دوا غير لمسه من إيد حبيب

عجبي !!!!


5 
مؤمن السوهاجى

لا تجبر الانسان و لا تخـــــــــيره
يكفيه ما فيه من عقل بيحيــــــره
اللي النهارده بيطلبه و يشتهــــيه
هو اللي بكره ح يشتهي يغيـــــره
عجبي !!


6 
samasemo

يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!


8 
مؤمن السوهاجى

سهيــر ليالـــي و يامــــا لفيـت و طوفـت
و في ليله راجع في الضلام قومت شوفت
الخـــوف كأنه كلـب سد الطريــــق
و كنت عايــز أقتله بـــس خــوفــــــــت

عجبــــي !!!





9 
تقى القلوب

ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!


10 
تقى القلوب

عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!




Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.