العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

ضرورى للمناقشة

كاتب الموضوع: أحبُكَ ربى، فى قسم: منتدى النقاش الجاد


1 
أحبُكَ ربى

بسم الله والصلاة والسلام على رسول الله

معلش هاخد من وقتكم شوية بس الموضوع مهم جدا

ان شاء الله فى مقترح لمشروع رعاية اطفال فقراء وان شاء الله هيكون ليه ميزانية حسب الافكار :

المطلوب : عايز رايكم ازاى ممكن نعمل المشروع الخيرى ده لبناء جيل ينهض بالامة من الاطفال التى تمتلك الامكانيات البشرية فى القرى والمحافظات لكن لايملكون الامكانيات المادية .

يعنى مقترح كامل ازاى نختار الاطفال دول من القرى اللى هننزلها وازاى نعملهم برنامج وايه الحلم اللى ممكن نخليهم يوصلوا ليه وازاى نقدر نقيس نجاح المشروع .



2 
ملكة بكبريائى

بجد يامحمد فكرة جاااااااااااااااااااامدة اوووووى وخيريه ومفيدة جدا للاطفال وهتبقى حاجه كويسه اننا نعملها
بص شوف مين الى هينزل معاك بس دى عايزة ناس فاضيه شويه او ماهله نفسها للعمل الخيرى دا
وماديا بردوا تجمعوا فلوس من الناس بهدف الحمله دى وعلى اساسها تكتبوا مضمونها وورقه تثبت بان المال خارج للاطفال و لما تروحوا اختاروا اطفال ذو الاحتياجات والفقراء من المحافظات المستوى المادى ليها بسيط
وتقولوا للاهل على فكرة المشروع الى هتعملو ولما تتكلموا مع الاطفال شوف كل طفل بيحلم بايه ونقدر على اساسه نحدد المشروع من الاول
يعنى الاول انكم تنزلوا فى الشارع وللاطفال والبيوت وتشوفوا حلم كل طفل او ايه الحاجه الى ممكن ننميها فيهم وبكدا تشوفوا المشروع هيكون ايه بالظبط لرعايه الفقيراء من تعليم وملابس

مش انت تقصد كدا ولا تقصد شى تانى خالص


3 
Mohamed Alaa


تسلم ايدك ع الفكره الحلوه دي
رأيي من رأي العضوه : سكوتي دمر وجودي
بالتوفيق إن شاء الله




4 
RoOma ZaMalek

مممممممم
اولا ربنا يقدركم على فعل الخير ديما يااااارب
وبالنسبه للافكار هيا كتيييير


احنا عندنا فى البلد الى انا فيها
مشروح اكتشاف وتنميه الموهوبين وبتبدأ فعاليات المشروع بعمل مسابقه بين البنين والبنات فى المواهب و المهارات مثل
القران الكريم (حفظ وتلاوه)
الابتكارات العلميه
الانشاد والاصوات الجميله
الشعر
الرسم


الفكره حلوه اوووى لان فى ناس كتير بتمتلك موهبه معينه بس موش لقيين الى يشجعهم على كدا
فالمشروع دا حـيساعدهم



ردى على حسب الى فهمته من حضرتك معرفش بقى دا الى انت تقصده ولا تقصد حاجه تانيه


5 
أحبُكَ ربى

اقتباس: المشاركة الأصلية كتبت بواسطة زهره الجنون  مشاهدة المشاركة
مممممممم
اولا ربنا يقدركم على فعل الخير ديما يااااارب
وبالنسبه للافكار هيا كتيييير


احنا عندنا فى البلد الى انا فيها
مشروح اكتشاف وتنميه الموهوبين وبتبدأ فعاليات المشروع بعمل مسابقه بين البنين والبنات فى المواهب و المهارات مثل
القران الكريم (حفظ وتلاوه)
الابتكارات العلميه
الانشاد والاصوات الجميله
الشعر
الرسم


الفكره حلوه اوووى لان فى ناس كتير بتمتلك موهبه معينه بس موش لقيين الى يشجعهم على كدا
فالمشروع دا حـيساعدهم



ردى على حسب الى فهمته من حضرتك معرفش بقى دا الى انت تقصده ولا تقصد حاجه تانيه

بالظبك ياريهام شكرا ليكى جدا طيب انتى كده ممكن تفيدينا جدا ممكن تجبيلى شكل المشروع اللى عندكم كله


6 
DiNa

عليه آفضل آلصـلآة و آلسسـلآم

بجد آلفكرة دي جميلة جدآ ي َآستـآذ محمد ,, و آن ششـآء آلله ربنـآ يوفقكم لعمل آلخير :)

آممم ,, آنـآ حبيت آوي فكرة مشروع ريهـآم و عندي إضـآفة صغنونـآ عليه =)

حضرتكـ مومكـن تعمل فصول تقوية لمعظم آلموآد و تكون بشكل رمزي للمقتدرين و مجـآنـآ لغير آلمقتدرين بحيث آن

آلمشروع دآ يجمع بين آلفئتين عشـآن موش يحسسـوآ بـآلفرق ,, و بكدآ مومكـن تنميتهم علميــآً مع رعـآيتهم ,, و كمـآن كدآ

تبقى عملت حصر لكل قرية و عرفت عدد آلآسسر آلفقيرة فيهـآ ..

و كومـآن مومكـن ف آلآجـآزآت تعلموهم شوية حرف [ آعمـآل ] عششـآن لمـآ يكبروآ يعتمدوآ ع نفسسهم ,, يعني موش

تنمية مهـآرآت و بسس ,, و دآ آكيد هيكوون عمل متكـآمل من آلكل و من خـلآل جمعية خيرية =)

دآ قد فهمي لموضوع حضرتكـ و لو لقيت فكرة كومـآن هـآبقى آقولهـآ آن ششـآء آلله =)


8 
crazy but not easy

اللهم صلي وسلم وبارك عيك يا سيدى يا حبيبي يا رسول الله
موضوع رائع يا محمد
ربنا يجازيك خير الجزاء ويوفقك فيه يارب
بالتوفيق


9 
samasemo

بجد فكره جميله اوي
ممكن تعملو مكان لتعليم القراءه والكتابه وتحفيظ القرأن الكريم والاحاديث
وكمان تعملو تشجيع للاطفال البنات والولاد
تشجيع معنوي ومادي
وكمان تعملو مسابقات تكتشفو من خلالها مواهب الاطفال وكمان تنموها
لان بجد في اطفال عندهم مواهب مش لاقين حد يكتشفها
وعندي اقتراح
ان الفكره بتاعتكم دي تعرضوها على اكتر من جامعه والطلاب يسهمو في كده وان كل طالب عارف قريه فقيره يجتمع مع عدد من الطلابه وينفذو فكره زي دي
بحيث تنتشر الفكره في كل مصر
وجزاكم الله كل خير


10 
RoOma ZaMalek

اقتباس: المشاركة الأصلية كتبت بواسطة أحبُـــك ربـــى  مشاهدة المشاركة
بالظبك ياريهام شكرا ليكى جدا طيب انتى كده ممكن تفيدينا جدا ممكن تجبيلى شكل المشروع اللى عندكم كله

بص هوا المشروع دا عاملاه حزب الحريه والعداله عندنا
عاملين منشورات وبيوزعوها فى البلد والى عنده موهبه من دى بيكتب اسمه ورقم تليفونه فى مكان هما محددينه وبعد كدا هما حيتصلوا بيه ويشوفوا موهبتوا علشان يقدروا ينموها
انا معايا ورقه من الى بيوزعوها وحكتبها لحضرتك




*يسر أمانة الشباب بحزب الحرية والعدالة ان تدعوكم فى مشروع اكتشاف وتنميه الموهوبين وتبدأ فعاليات المشروع بعمل مسابقه بين الشباب (بنين وبنات) فى المواهب والمهارات التالية:
1- القران الكريم (حفظ - تلاوه)
2- الابتكارات العلميه
3- الانشاد والاصوات الجميله
5- الشعر
6- الرسم



ياريت تكون فهمت منى حاجه ولو حضرتك عايز اى استفسار انا فى الخدمه



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.