العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

مقتنع تماما

كاتب الموضوع: ثائر الا ربع، فى قسم: منتدى النقاش الجاد


1 
ثائر الا ربع


أنا قناعتى تامة إننا كلنا لازم نبقى مجتمعين على أن نكون مع الثورة ومبدأها
(عيش-حريه-عداله إجتماعيه)

لانها الاحق ليك لو انت مصرى وبتفتخر بيها لان حقك مهضوم ومازال مهضوم وهيفضل مهضوم ان متحركتش وناصرت ثورتك انت مش ثورة حد تانى

الثورة اللى عملناها دى والله ما هى بتاعت شخص
مش بتاعة 6ابريل ولا البرادعى ولا حركة كفايه الثورة دى بتاعة مصر عشان مصر تبقى احسن ولو هيا مش بتاعة مصر مكناش خلعنا مبارك وكان ورثنا لابنه

الثورة دى اما قامت والفقير شاف مبارك بيتخلع كان عنده أمل ان هيكون غنى
وانه هيكون عنده مستقبل لعياله كويس ليه يضيع حلمه بسهوله كدا

الثورة حققتلنا حاجه خلتنا مبنخافش لانها قامت عشان توقف عننا الظلم والخوف

ولازم نبقى معاها للآخر ونحقق الباقى

الثورة ماكنتش سبب عشان ننزل يوم 11 فبراير اما اتقال خطاب التنحى للمخلوع السنة اللى فاتت عشان نزمر ونهيص زى ما نكون كسبنا كاس العالم

الثورة مشوار طويل جدا هيخلص لما مصر تتغير
هيخلص لما تتعدل ثقافتنا هيخلص لما شعب مصر يبقى كويس


هيخلص لما العالم كله يحترمك فى زمن نحن ابعد ما يكون من كوكب بلوتو للوصول اليه هو زمن .....العولمه

الثورة مش هتخلص برحيل العسكر ولا بكتابة دستور ولا
بانتخاب رئيس كما يدعى البعض منا

الثورة هتخلص لما نبقى عايشين فى وطــــن مش عزبة يعمل “صاحبها” فيها وفى اهلها اللى هو عايزه



2 
حبيسة كبريائى

كلامك مظبوط ولازم قبل مانفكر مين يمشى ومين يجى نفكر احنا صح فى تصرفاتنا ولا غلط لازم نحاسب نفسنا زى ماهنحاسب غيرنا ونبطل بقة كل القيم والعادات الخاطئة اللى علمهالنا النظام القديم زى الرشاوى والمحسوبيات وغيرها كتييييييييير وكمان لازم نعرف فين الحقيقة ونتأكد ان الجيش شىء مهم جدا لمصر وزى مابدأنا ايد واحدة نفضل ايد واحدة للنهاية ونعّرف الغرب مين هما المصريين
شكرا ليك ع طرح موضوعك
خالص ودى وتقديرى

3 
ثائر الا ربع

اتفق تماما على مبادئك واللى انا اقصدها فى كلامى

انهاء الرشوه والمحسوبيه واتفق على الجيش المصرى والشعب ايد واحده

لكن اختلف وأرفض واكره المجلس العسكرى (19كرسى) يد واحده مع الشعب

ممكن نقول يد واحده مع مبارك على الشعب

شكرا لمرورك واسعدنى ردك


4 
ملكة بكبريائى

بص معاك حق الثورة غيرت فينا كثير وليها سلبيات وايجابيات
سلبيات الفوضى وحاجات كثيرة والايجابيات اننا على الاقل دخلنا الظالم السجن ومسيرة هيتحاكم
وهنكون وطن جديد باختيارنا

بجد مش عارفه اقول ايه لان كلامى عن الثورة والنظام والى احنا عايزينه مش هيكفى
بتمنى من ربنا يسترها على مصر دى اهم شى


5 
ثائر الا ربع

متخافيش ان شاء الله هيسترها

انتوا عارفين انا بحب اتفرج على فيلم (رد قلبى) كتير

لانه فيه نظرة أمل غير عاديه بعيد طبعا عن الست انجى وسى على والحب الطبقى ودا كله

بشوف فيه حال مصر فى الفتره دى كان ايه والظلم والطغيان من الاتراك والاقطاعيين والفاسدين

وشوفوا الظباط الاحرار فالجيش فى يوم نهوا الكلام دا كله

عشان مصر يبقى ليها مستقبل فمهما ضاقت بمصر سبحان الله بتخرج بإذن الله سالمه

شكرا لمرووورك منورانى


6 
تامر koka

معاك حق غيرت كتير خلت كتير ما بيخفش وكتر الات الادب ووقفت شغل ناس

7 
تامر koka

معاك حق غيرت كتير خلت كتير ما بيخفش وكتر الات الادب ووقفت شغل ناس

8 
LoVe My LiFe

كلام مفيش احسن منه
بس مع احترامي الثوار االي ينزلو دلوقتي في الشارع دول بلطجيه وشويه صيع وناس فاضيه
الناس عجبها الحوار وهما هبل
انا لو سمعت ان حد منهم مات عادي بالنسبه ليا لاني شايفهم وساخه مصر


شوف يا صحبي انا مش قصدي حاجه الثوره رفعت راسنا وراس المصريين كلهم
مش بس داخليا لا بل بالعالم كله الراجل اه كان حرامي لكن كان زكي وساب الحكم
لان لقي ان الجيش هيتقلب عليه
لكن تعرف الشعب المصري ازكي
كان بيقول يريد اسقاط النظام مش اسقاط الحكم احنا شلنا مبارك لكن نظام مبارك لسه شغال وسكتيين عليه
لكن لما نزل الجيش اول ساعات الجيش موت بعض الشعب وادخل ابحث وشوف وطبعا الشعب قال الشعب والجيش ايد واحده
والجيش عقل وانقلب ع النظام

خلاص ادي فرصه للبلد مش هتبقي جنه في يوم وليله وطول ما حضرتك بالشارع بتصعب الموضوع
وهو مش حضرتكم الى انتخبتو ولا كمان تزوير في الانتخبات
روحو بيتكم
خلاص كفايه ناس الثوره الاصليين الى قامو بالثوره في بيتهم
انما الى موجديين دلوقتي ناس فاضيه ودماغتهم افضي من حالهم


تقبل راي مشكور


9 
ثائر الا ربع

اقتباس: المشاركة الأصلية كتبت بواسطة تامر koka  مشاهدة المشاركة
معاك حق غيرت كتير خلت كتير ما بيخفش وكتر الات الادب ووقفت شغل ناس



فعلا كترت قلة الادب بس بحريه وقفت شغل الناس بس بكرامه

الثورة خلت الفقير حاسس بإنه ممكن يتكلم بصوت عالى ويقول انا بنى أدم
خلت المكبوت والمقهور يفك عن نفسه قهره وذله وكبته
غيرتنا فعلا خلت بيموت مننا كل شهر دفعه بسبب المخلوع ومجلسه العار
فعلا احنا ليه ساكتين على نفسنا احنا اغبيه ومغيبين كان فى عهد المخلوع
أمين الشرطه يسب لأى حد الدين ويشتم الاب والام وبراحته كنا احنا قللات الأدب
صفوت الشريف اما كان فاتح مصر دعاره وشرم لاى حاجه كنا احنا ققلاة الادب
احنا فعلا مغييبين ومتخلفين وهبل وبلطجيه بدليل اننا بنسمع وماشين ورا كلام
(توفيق عكاشه - أحمد سبايدر -عمرو مصطفى -الشيخه ماجده )
معلش مش ذنبنا انهم علمونا فى المدارس كدا علمونا إزاى نكون هبل ومتخلفين وكلامنا أهطل منه مفيش وبنحترم المدرس قدامه ونشتمه من وراه علمونا ثقافة زباله يبقى مستنى مننا ايه

وبالنسبه للشغل عارف انك بتقول ان شباب الثورة عالم صايعه فاشله معاك حق اشتغلوا انتو بقى اشتغلوا زى ما المخلوع صاحب الانجازات الرهيبه كان مشغل مصر اشتغلوا وسيبوا فلوسكوا مسروقه طول عمرها وقولوا ما باليد حيله اشتغلوا اشتغلوا عشان تتقدموا عن عصر المخلوع اللى بشهادة التصنيف الاقتصادى العالمى ضمن أخر 56دوله متخلفه

وعلى فكره كلامك موضوحلى انك من بتوع إحنا اسفين ياريس بس دا رأيك وأحترمه

شكرا لمرورك


10 
ثائر الا ربع

اقتباس: المشاركة الأصلية كتبت بواسطة love my life  مشاهدة المشاركة
كلام مفيش احسن منه
بس مع احترامي الثوار االي ينزلو دلوقتي في الشارع دول بلطجيه وشويه صيع وناس فاضيه
الناس عجبها الحوار وهما هبل
انا لو سمعت ان حد منهم مات عادي بالنسبه ليا لاني شايفهم وساخه مصر


شوف يا صحبي انا مش قصدي حاجه الثوره رفعت راسنا وراس المصريين كلهم
مش بس داخليا لا بل بالعالم كله الراجل اه كان حرامي لكن كان زكي وساب الحكم
لان لقي ان الجيش هيتقلب عليه
لكن تعرف الشعب المصري ازكي
كان بيقول يريد اسقاط النظام مش اسقاط الحكم احنا شلنا مبارك لكن نظام مبارك لسه شغال وسكتيين عليه
لكن لما نزل الجيش اول ساعات الجيش موت بعض الشعب وادخل ابحث وشوف وطبعا الشعب قال الشعب والجيش ايد واحده
والجيش عقل وانقلب ع النظام

خلاص ادي فرصه للبلد مش هتبقي جنه في يوم وليله وطول ما حضرتك بالشارع بتصعب الموضوع
وهو مش حضرتكم الى انتخبتو ولا كمان تزوير في الانتخبات
روحو بيتكم
خلاص كفايه ناس الثوره الاصليين الى قامو بالثوره في بيتهم
انما الى موجديين دلوقتي ناس فاضيه ودماغتهم افضي من حالهم


تقبل راي مشكور


(الثوار) الى بينزلوا بلطجيه
البلطجى بيروح يقف قدام مدرعه بيقف قدام رصاصه او خرطوش يخش فى عينه يفقعها البلطجى بيقف شايل لافته مكتوب عليها مطلب وبيهتف بالفساد ...البلطجى اللى بينزل يقول عايز حق اخويا اللى مات ومعرفش يعنى ايه ايد تالته الحكومه دى بتاخد ملايين عشان تحافظ على ارواحنا

الالتراس اهلاوى بلطجيه اللى كانوا يوم جمعة الغضب الواحد كان بينضرب رصاصه بيبقى مرمى كأنه كلب والأمن بيدوس عليه تلاقى واحد ارجل ما يكون بيجرى وسط النار والرصاص وبيشيله يسعفه او يوديه لاهله ميت دول اولتراس اهلاوى

دول اللى ماتوا نتيجه انفلاتهم الامنى وفالاخر يقولك (بتحصل فى اى حته فى العالم) عادى هو اخويا عشان ازعل ولا ابويا عشان ازعل... أصل هو عمره خلص انا عارف ...بتقولوا كدا...بس استنوا اما ترخصوا اكتر مانتم رخاص استنوا اما المجلس بتاعكوا يجيبلكوا مبارك جديد استنوا لحد ما الظالم ياخد حقه من دم المظلوم استنوا الكرامه مع المجلس الموقر انا عن نفسى مش عايزها عايزهم يمرمطونى

وخليك فاكر ان الثورة قامت عشان (حريه-عيش-عداله اجتماعيه)

سنه وشهر محققناش حاجه وطول ما مجلس العار ماسك مش هنحقق وبرده هيموت مننا ناس لان مكنش فيه ثورة اساسا ومبارك فى السجن برنس زمانه وام كل واحد مات معدتش عارف تتكلم م الحسره
.....اى سفك دم ربنا هيحاسبنا عليه يبقى مش عايزنا احنا ياللى عبيد لله نحاكم المسئولين

شكرا لمرورك




Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.