العودة   منتديات المصطبة > الطريق إلى الله > القسم الإسلامى العام

القسم الإسلامى العام خاص بالمواضيع الإسلامية العامة المكتوبة التى لا تحتوى على صوتيات ومرئيات دينية

:: فرمت قلبك ..Format Ur Heart ::

كاتب الموضوع: غــنـــــوه حزيــــــــنه، فى قسم: القسم الإسلامى العام


1 
غــنـــــوه حزيــــــــنه

:: فرمت قلبك ..Format Ur Heart :: 1280433865.gif

فكرت تفرمت قلبك قبل كده ؟؟

أفرمت قلبي ؟!

آه ..

مش لما يكون في مشكلة في الجهاز بتفرمته وبيرجع تاني فاضي زي أول يوم جبته فيه

بس أنا لما جبته مكنش فاضي ..

يا رايق .. عوزين نتكلم بجد .. يعني ميكنش فيه فيروسات .. ولا ملفات تتقله ولا برامج مبتستخدمهاش ولا أي حاجة ملهاش لازمة


طيب ده الجهاز .. قلبي ماله بقى؟؟!

بردو أحنا قلوبنا محتاجة تتفرمت

خليك صادق مع نفسك

.. قلبك في كام حاجة ملهاش لزمة .. بل فيه كام حاجة متقلاه .. فيه كام أغنية , فيه كام فيلم . فيه كام بنت , فيه كام موقع , فيه كام ..


طيب قلب بالشكل ده هل ممكن نلاقي فيه مساحة فاضيه عشان نحط فيها حب الله؟؟

حب الله ؟! حب الله نحطه في المساحة الفاضية ؟؟! انتا بتقول إيه ؟؟



مش قلنا خليك صادق .. مش هو ده الواقع .. مش انتا اللي وصلت قلبك للحاله دي ..




لما صاحبتك ترن عليك عشان تنزلها
.. وفي نفس الوقت لما المؤذن يقول حي على الصلاة عشان تقابل ربك .. بتستجيب لمين ؟؟


طيب لو بيلموا تبرعات للمسجد وانتا ممعكش غير حق تذكرة السينما .. بتدفعها فين ؟؟

طيب أنت سعيد بحياتك ؟؟

سعيد باصحابك وصحباتك والخروجات والفسح و الأغني و...

طيب حتى لو عشت اللحظة وقضيت وقت جميل .. بعدها بيكون حالك إيه ؟؟
ربنا قال
(وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا)




:: فرمت قلبك ..Format Ur Heart :: 0101po.gif


مش بتحس بخنقة وكآبة وأي حد يكلمك تتعصب عليه ؟؟

مش اللي بتبات فيه بتصحى فيه ؟؟

ومشاكل كتير مع أهلك ومع الناس مش لاقي لها حل ..
خايف من المستقبل ..


وهتتجوز ازاي ؟؟

وهتصرف منين ؟؟

هي دي عيشة ؟؟!

هي دي حياة ؟؟!

إيه اللي مصبرك على الوضع ده ؟؟

مفكرتش تغير حياتك ؟؟

مفكرتش تعيشها صح ؟؟

مفكرتش تعيشها لله ؟؟





بس .. دي مش سكتي .. مقدرش أعيش من غير أغاني ؟؟ ازاي أسيب أصحابي ؟؟ ازاي ..

تفتكر إيه اللي ممكن يصبر الملتزمين على عيشتهم لو كانت لا تطاق



:: فرمت قلبك ..Format Ur Heart :: rihaan8.gif


.. هما لو مش لقيوا السعادة في طريق ربنا أكيد كانوا تركوه من زمان !!

يعني هو ايه اللي يخليه ميسمعش أغاني ؟؟

أكيد وجد الأجمل منها

ليه ترك الحب الحرام ؟؟((مش الحب الحقيقى الحب الحرام ))


أكيد وجد حب الله

ياااه حب الله .. جربت قبل كده تفرمت قلبك ومتحملش عليه غير حب الله

.. جربت ان قلبك ميكنش فيه غير حب الله .. مفيش حب دنيا ولا ناس ولا أي حاجة غير حب الله ..

تصحى من النوم مفيش على لسانك غير ذكر الله

.. تجري على المسجد عشان تقابل حبيبك .. الإمام يسلم تقوم بسرعة تصلي السنة .. تخلص

صلاة تجري تدور على أي مصحف عشان تقرأ كلام حبيبك .. مش عاوز تخلص عاوز تختمه في

قاعده واحده .. مبقتش عاوز تسمع كلام غير كلام الله .. مش عاوز تكلم حد غير ربنا .. في كل

مكان حاسس ان ربنا قريب منك

.. والله نفسي بس .. أنا حاسس ان ربنا مش هيقبلني ..


مش هيقبلك !
ربنا .. أزاي تقول كده .. هو في حد أرحم بك منه .. صحيح زنوبنا كبيرة .. لاكن رحمته أكبر هو القائل
(وَرَحْمَتِى وَسِعَتْ كُلَّ شَيءٍ)



:: فرمت قلبك ..Format Ur Heart :: d15.jpg

مش بس يرحمك .. وكمان يدافع عنك


ربنا قال في الحديث القدسي :
(من عادى لي وليا فقد آذنته بالحرب) عارف يعني إيه .. يعني ربنا هو اللي هيدافع عنك ..


أنا ؟!

آه عنك أنتا لو رجعتله بجد وكنت من أوليائه .. ياااه تخيل لما ربنا يدافع عنك .. مين يقدر يقف في طريقك ؟؟



ممكن تخاف من حد وأنتا مع الله ؟!


ده أنتا لو في حماية مسؤل ولا ملك من ملوك الدنيا هتمشي كده بقلب جامد ومحدش يقدر يكلمك .. فما بالك لو كنت في حماية الله .. ايه اللي ممكن تخاف منه ..


افتح معايا المصحف على سورة هود (الآية 55) شوف سيدنا هود من ثقته في الله بيقول للكفار إيه
(فكيدوني جميعا ثم لا تنظرون)


فكيدوني ؟؟! بالسهوله دي .. ده حتى مقلش فكدني .. ده قال فكيدوني جميعا .. وبعدين خلي بالك .. دول كفار وممكن يعملوا فيه أي حاجة ..

ياربي جاب الثقة دي منين ؟!

شوف الآية اللي بعدها بيقول إيه:
(اني توكلت على الله ربي وربكم)

هي دي .. لما توكل على حد توكل على الله ربه وربهم ورب كل شيء .. توكل على القوي القادر على انه ينصروا عليهم وعلى الدنيا كلها ..
توكل على الملك الذي بيده كل شيء ..

بيده عربيات الدنيا وقصورها وبترولها ..

بيده قلوب الناس .. قادر انه يخلي طوب الأرض يحبك


ياااه لو عرفناه وعرفنا قدرته .. مكناش خرجنا من بيته .. مكناش سبنا كتابة .. لساننا مكنش سكت لحظة عن ذكره




:: فرمت قلبك ..Format Ur Heart :: hiatk.gif


وبردوا كنا اجتهدنا فى عملنا ووفقنا فيه ويرفعنا فيه

كنا سعتها عرفنا ليه الصحابة كانوا عوزين يعيشوها صلاة وصوم لولا إن رسول الله عليه الصلاة والسلام نهاهم
صور فرمت قلبك

مش هطول عليك بس هقولك :

أنت دلوئتي قدامك الفرصة .. باب التوبة مفتوح

لكن لو مت وقلت رَبِّ ارْجِعُونِ .. هيقولك كَلَّا


..




:: فرمت قلبك ..Format Ur Heart :: tw-a-1-5-7.jpg





ليه دايما كلنا كده نقول لسه بدرى علينا؟؟

يا سيدى لسه بدرى لما نحب ونصيع حبتين فى شبابنا ولما نعجز نبقى نصلى ونصوم!!




انت شايف كده فعلا

ولما تموت نقول ياريت الى جرى ماكان بس لو ربنا يرجعنا هدنى اصلى واصوم طول عمرى




:: فرمت قلبك ..Format Ur Heart :: d13.gif


واحنا التوبه مفتحولنا وكل شى بايدينا وربنا مش طالب منك غير صلاه يعنى 5 دقايق ولا 3 دقايق من وقتك كل ساعه وهما 5 صلاوات فى اليوم

ولو زودت كرمك او تقرأ ولو 3 صفحات قران على الاقل

بدل قعادك على النت وبتقرأ ب 10000000 صفحه وبفرحه كمان

وبتسمع الاغانى وبتحفظها لو حبيت كمان

ياريت الكل يفرمط قلبه ويكون صافى من جواه وصدقنى لو مشيت

فى طريق ربك هو الى هينفعك فى الدنيا والاخره كمان





:: فرمت قلبك ..Format Ur Heart :: uaekeys34.jpg



واخيرا لابد ان تضع هذه المقولة

دائما امامك

(عش ما شئت فانك ميت!
وأحبب من شئت فانك مفارقه!
واعمل ما شئت فانك مجزى به! )

:: فرمت قلبك ..Format Ur Heart :: dwnaa.gif



2 
kenzyyy

نو كومنت
بس بجد توبيك رااااااااااائع

4 
♥ ٻـځـلم پـٵلـچـڹـﮧ‏، ♥

شوكراً ،،، توبيكـ فى غآيه الروعه
ً ,,, وجزاكى الله كل خير ،،،تقبلى مرورى


5 
غــنـــــوه حزيــــــــنه





Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.