العودة   منتديات المصطبة > الطريق إلى الله > القسم الإسلامى العام

القسم الإسلامى العام خاص بالمواضيع الإسلامية العامة المكتوبة التى لا تحتوى على صوتيات ومرئيات دينية

دى جنة عرضها السموات والأرض

كاتب الموضوع: غــنـــــوه حزيــــــــنه، فى قسم: القسم الإسلامى العام


1 
غــنـــــوه حزيــــــــنه

دى جنة عرضها السموات والأرض attachment.php?attachmentid=1407368&stc=1&d=1298947740

إحنا مش سكان الأرض أصلاً..
إحنا بننتمى للجنة ..

كان أبونا آدم بيسكن فيها أصلاً
واحنا نزلنا نُختبر ونُمتحَن..ونعبد اللى خلقنا...
؛
عشان نعرف نطلعها تانى
(للجَنّـَةُ)

فاعمل اللى تقدر عليه .. عشان لما تموت تروح هناك..


- الجنة مش زى الأرض..

* الجنة وااااسعة
وَسَارِعُواْ مَغْفِرَةٍ مِّن رَّبِّكُمْ وَجَنَّةٍ عَرْضُهَا كَعَرْضِ السَّمَاء وَالْأَرْضِ أُعِدَّتْ لِلَّذِينَ آمَنُوا بِاللَّهِ وَرُسُلِهِ ..


* وكمان الجنة مش هتتعب فيها..
هتفرح بس ..
( ربنا يجعلنا من أهلها )

* أما الأرض (( ممكن تفرح .. وممكن تغضب ))


لو عشت على طاعة الله هتفرح بجد .. ولو عصيته هتكون تعيس... لكن فاكر نفسَك فرحان ..

* وقتنا فى الجنة مش هيخلص نهائى ..
لكن فى الأرض وقتنا هيخلص.. وبسرعة .. (كلمح البصر) .. لنا وقت محدد .. أيآم .. أيآم ... !



فاحرص على استغلال هذه الأيام ..
فى عبادة الله وطاعته هو ورسوله ...


* ولو فى الدنيا (على الأرض) عشت : أحلى حياة فى طاعة الله ..
يبقى فى الآخرة .. هتدخل الجنـة .. وتعيش بجد.. أحلى حياة .. حياة مبتخلصش أبدًا
..تعمل كل اللى نفسك فيه ..

* كل الطرق على الأرض سرعة الناس اللى بيمشوا فيها مُراقبة ..
لكن عشان تلحق الجنة .. إجرى .. إجرى واسبق..


[ وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ .... ]

- وزى ماقولنا هنا نعمل إيه عشان ندخل الجنة .. :
كلمة التوحيد ..
وطاعة الله والرسول
وعمل الصالحات
والتقوى
والخوف من الله
والاستقامة على دين الله
وأن ترضى بالله رباً وبالإسلام ديناً وبمحمد نبيا ورسولاً ..
وإنك تحفظ أسماء الله الحسنى
والعمل بمقتضى كل اسم ...
وحب القرآن وقرائته كتير
و آية الكرسى نحافظ عليها..
ونذكر ربنا كتير أوى..
ونحافظ على دعاء سيد الاستغفار..
ونكثر من قول لا إله إلا الله كتير..
ونسبغ الوضوء..
ونقول أذكار الوضوء..
والمداومة على الصلاة
والخشوع فى الصلاة..
والترديد مع المؤذن..
وقيام الليل ..
ونكثر من السجود لربنا سبحانه وتعالى..
ونبنى المساجد ..
ونذهب إليها ونكثر الجلوس فيها ..
ونطعم الطعام
ونصل الأرحام
وإفشاء السلام ..
والصدق والوفاء
والأمانة
وحفظ الفرج
وغض البصر
وكف اليد ..
وحفظ اللسان والفرج ..
والدفاع عن عرض المؤمن..
وكظم الغيظ ..
والصدقة..
وحسن الخلُق
وترك الجدال..
وعدم الكذب..
والصدق ..
وحسن خلُق المرأة مع الزوج ..
والمرأة الصالحة لما بتؤدى الفرائض (ده من الأعمال الصالحة) ..
ولما المرأة تموت فى نفاسها _يجرها ولدها بسررها إلى الجنة_
وكفالة اليتيم..
وطاعة وبر الوالدين ..
وعيادة المريض..
وزيادة الأخ فى الله ..
وطبعاً الصحبة الصالحة ..
ومنيحة العنز
وإماطة الأذى
وطلب العلم النافع ..
وعشان تدخل الجنة كما قال الرسول (وجبت له الجنة) .. تعمل الآتى فى يوم واحد (الصوم..إتباع جنازة .. وإطعام مسكين..وعيادة المريض) ...
وعدم السرقة ..
والتوكل على الله ..
والحج المبرور ..
والعدل ..
وتربية الأخوات والبنات والإحسان إليهن..
وذو السلطان المقسط الرحيم القلب والعفيف المتعفف ذو العيال بيدخل الجنة ..
والصبر على الشدائد ..
وفى كل شىء الصبر..
والجهاد والحراسة فى سبيل الله ..
والسماحة فى البيع والشراء..
والتوبة ..
وترك كبائر الذنوب..
والتجاوز عن المعسر..
وترك سؤال الناس شيئاً..
ورحمة الحيوان والإنسان طبعاً أولاً..
والذكر الحسن فى الدنيا..
والبراءة من الكبر والغلول والدين ..
والتواضع عدم الطغيان ..
وكثرة الصيام ..
والإكثار من سؤال الله الجنة (وفى الفردوس الأعلى) ..



- مين هيسارع ؟؟
مين هيسبق التانى ؟

مين هو اللى يبقى فى الفردوس..ومين اللى هيبقى أقل أهل الجنة منزلًة ..

مين ؟؟
مين هيسبق مين ؟


مين هيدخل النار.. ومين هيدخل الجنة ؟؟
مين هيبقى فى الفردوس الأعلى من الجنة ؟ ..
ومين هيبقى أقل أهل الجنة منزلة ؟؟

- افتكروا إن كلنا هنعدّى على الصراط ..
ووقت المرور على الصراط.. مش هيكون فيه غير 3 حاجات


( الجنة - الصراط - النار )

ربنا قال :

{يَوْمَ تُبَدَّلُ الأَرْضُ غَيْرَ الأَرْضِ وَالسَّمَاوَاتُ وَبَرَزُواْ للّهِ الْوَاحِدِ الْقَهَّارِ} ..

يعنى مش هيبقى فيه غير مكانين((الجنة والنار)).. ،والصراط ..
ولازم تعدّى الصراط .. ولازم تمرّ عليه عشان تدخل الجنة .. وتلاقى الرسول هناك وكل أحبابك من الأنبياء والصديقين والشهداء وصحبتك الصالحة وأهلك اللى بتحبهم.. وووو............... إلخ..

الرسول قال عن مواصفات الصراط : * أنه أحدّ من السيف * وأدقّ من الشعرة ..
خلاصة حكم المحدث(ابن حجر العسقلانى): في إسناده لين ..

والرسول أول من يجيز الصراط .. هو وأمته ..
الرسول قال :فأكون أنا وأمتي أول من يجيز (صحيح مسلم) ..

وانت بقى هتشيل ذنوبك كلها على ظهرك.. فممكن تبقى سريع (ده لو ذنوبك قليلة) .. وممكن تبقى بطىء (لو كانت ذنوبك تقيلة وكتيرة)

{ لِيَحْمِلُوا أَوْزَارَهُمْ كَامِلَةً يَوْمَ الْقِيَامَةِ وَمِنْ أَوْزَارِ الَّذِينَ يُضِلُّونَهُمْ بِغَيْرِ عِلْمٍ أَلَا سَاءَ مَا يَزِرُونَ }


وده حديث يوضح أكتر عن وصف الصراط : عن عبد الله بن مسعود رضي الله عنه قال : يوضع الصراط على سواء جهنم ، مثل حد السيف المرهف ، مدحضة مزلة ، عليه كلاليب(خطاطيف يعنى )من نار يخطف بها ؛ فممسك يهوي فيها ؛ ومصروع ، ومنهم ، من يمرون كالبرق فلا ينشب ذلك أن ينجو ، ثم كالريح فلا ينشب ذلك أن ينجو ، ثم كجري الفرس ثم كرمل الرجل ، ثم كمشي الرجل ، ثم يكون آخرهم إنسانا رجل قد لوحته النار ، ولقي فيها شرا حتى يدخله الله الجنة بفضل رحمته ، فيقال له : تمن وسل فيقول : أي رب ! أتهزأ مني وأنت رب العزة ؟ فيقال له : تمن وسل ، حتى إذا انقطعت به الأماني قال : لك ماسألت ومثله معه
خلاصة حكم المحدث(الألبانى): صحيح لغيره.

والكلاليب (خطاطيف) دى هتجرح رجْلك وتخدشها (بتكفّر ذنبك.. من كلمة حرام،نظرة حرام،.........إلخ)..

{ وَكُلَّ إِنْسَانٍ أَلْزَمْنَاهُ طَائِرَهُ فِي عُنُقِهِ وَنُخْرِجُ لَهُ يَوْمَ الْقِيَامَةِ كِتَابًا يَلْقَاهُ مَنْشُورًا * اقْرَأْ كِتَابَكَ كَفَى بِنَفْسِكَ الْيَوْمَ عَلَيْكَ حَسِيبًا }


وهتسمع أصوات كتير للصراخ لأن معاك ناس بتزلّ قدمهم ويقعوا فى جهنم.. (يارب منكونش منهم) .. آمين

{ إِنَّهَا تَرْمِي بِشَرَرٍ كَالْقَصْر ِ }

* شرر: نار .. * قصر: بناء عظيم فى الحجم والإرتفاع..

وطبعاً زى ماحنا عارفين محدش هينفعنا غير أعمالنا الصالحة

{ يَوْمَ يَفِرُّ الْمَرْءُ مِنْ أَخِيهِ وَأُمِّهِ وَأَبِيهِ }

لو تخيلتوا الموقف ياجماعة.. موقف يفزع قلبك..
(يارب سلّم...)

وسرعة الحركة وحجم النور على حسب أعمالك الصالحة..

- فشوف إنت عملت إيه عشان تعدّى بسرعة عالصراط ..
وشوفى إنتى عملتى إيه عشان تجرى جرى عالجنة ..
.. وشوفى إيه أكبر ذنب عملتيه وتوبى لربنا بسرعة .. واستغفريه ..


لو انت اجتنبت المعاصى .. وأطعت ربنا..
هتكسب دنيا وآخرة ..

لو انتِ حافظتِ على نفسك وأطعتِ ربنا ..
هتكسبى كتير

لو اتكاسلت عن أى عمل صالح.... فافتكر الصراط والموضوع ده ..
واعمل الطاعة بسرعة وسيب المعصية

- ياترى مين هيمر بسرعة ومين ال بطىء؟؟؟
مين هيعمل عمل صالح أكتر من التانى ؟؟

الأرض دى مش ملكنا والله ..
الدنيا دار فانية ..
الجنة هتبقى فيها وتسعد أكتر من الدنيا..

ميــن هيسارع إلى مغفرة من ربنا وجنة عرضها كعرض السماء والأرض؟؟
ربنا يجرنا من النار ويدخلنا الجنة .. اللهم آمين ..

لاتنسونى من صالح الدعاء...♥



4 
غــنـــــوه حزيــــــــنه

تسلمولى نورتونى جدا



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.