العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
5Lik Fe 7aLk

بسم الله الرحمن الرحيم

كُلُّ نَفْسٍ ذَآئِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَما الْحَيَاةُ الدُّنْيَا إِلاَّ مَتَاعُ الْغُرُورِ (185)

اولا اعذرونى لو طلع منى اى لفظ خارج او شتيمه لان انا دمى مش محروق بس انا خلاص معدش فيا دم يتحرق ف اسف مره تانيه

بدايه مش عارف ابدا من فين والله ولا اقول ايه

بس ابح اقولك ايه سبب تسميه موضوعى

الثوره مستمره حتى موت الشعب المصرى (احنا مش بتوع حريه)

بدايه من قيام الثوره لحد دلوقتى اتضح ان احنا مش بتوع حريه احنا عاوزين الضرب على قفانا عشان نتصلح ويتعدل حالنا

فهمنا الحريه غلط معندناش ثقافه استماع راى الاخر كله رايى استبدادى
الى يعاضرنا نقف ضده

نعطل مرور نقفل شوارع نشل حركة الناس الى بتشوف شغلها نقفل مجلس الشعب ونعترض عليه برغم انه جاى من صوت الشعب

نقفل مجلس الوزرا نرفع الجزم فى وش العساكر الغلابه ونشتمهم بابوهم وامهم نقتل الظباط نهين الجيش ونشتم فيه

كل واحد يطلع يهاجم ويشتم يبقى ناشط زفت سياسى ملوش شغله ولا مشغله

الجيش يقبض عليه نطلع بمظاهره نقفل الطرق وقطع سكه حديد ونولع وننهب ونسرق عشان يطلع ويطلع فعلا ولما يطلع طالع يشتم ويقل ادبه مع انه غلطان اصلا ويستاهل الحرق وهو وامثاله

بقينا زى الهمج واكتر منهم كمان مع الاعتذار للبقر بقينا بقر بكلمه تودينا وكلمه تجيبنا كل واحد يصور ظابط بيضرب عيل قذر فى ثانيه يجيبه والنت ينشر والناس تتكلم وشوفوا الشرطه بتضربنا بتموتنا وحقوق الانسان وحقوق الحيوان ونطلع نجرى ونصور

وياعينى تلاقى الظابط دا او اللوا مضروب قبلها من الشاب القذر دا والصوره جت والظابط بيضربه ويتصور ويتحال للمحاكمه ويتبهدل وينداس بكرامته الارض ولو مات ملوش ديه ولا حد بيسال عنه كلب وراح

ولو عيل قذر زى دا مات ولا اتضرب حتى ننزل التحرير ويسقط يسقط حكم العسكر ونقفل ماسيبرو ونحتل الشوارع وتتبقى فوضى كالعاده

احنا مينفعاش معانا حريه حد يقولى قله مندسه والشعب مش كدا

هقوله السيئه تعمممممممم واحنا شعب طيب الصوت العالى هو الى بينفع فيه اليومين دول كل واحد عايز يشهر نفسه ويعمل شو يطلع يشتم ويبلطج هتلاقى كل الاضواء عليه والصوت الضغيف بتاع المواطن الى عايز قوت يومه بيروح ف الرجلين لان صوته ضعيف

انا كرهت الثوره والى عايز الثوره والى بدعها والى عملها وكل حاجه

الواحد كان فرحان ان بلده هتنضف من الهمج

كل يوم بنك يتسرق قتل ناس خطف بنات اغتصاب قذاره تخلف همجيه قرفنااااااااااااااااااااااااااااااااااااااااا

محدش يقول العسكر والفلول والكنبه واسفين والمخلوع والعادلى وجمال وامه وعاكشه

دى كلها مببرات ف الفاااااااااضى

يالى بتقول يسقط العسكر تخيل معايا لو الجيش مشى بكره هيحصل فينا ايه

مش هستنى لما امى او ابويا واختى او صحبى اسمع انه اتقتل وانا قاعد اتفرج مش هستنى يوم لما الاقى اختى اتخطفت فى بنك ولا فى مطعم ولا فى مول

كله دلوقتى وحق الشهدا والثوره والفلول ومرتضى منصور والجمل والمعزه ومش عارف ايه

كل دى مببرات ولاننا سورى شعب بقر مش فاهمين حاجه ومش هنفهم لاننا شعب غبى اصلا بطبعه

احنا فى مخطط لتقسيم مصر شويه اقباط وشويه ماتش كوره 75 حاله وفاه فى ساعه وكأننا فى حرب شوارع وبورسعيد متقفله بلطجيه وناس متخلفين وناس همج

وبكره هنشوف يوم اسوووووووووووووود مسيره للتحرير ومسيره لاهل الالتراس الى ماتوا ومسيره للداخليه ومسيره للمجلس الشعب وبكره هنتفرج ونعد فى الموتى بقوا 50 لا 75 لا 150 وكانها اعداد واحنا شعب بيفرح فى اللمه وواخدنها كانها فسحه والبلد مش بتموت البلد خلاص ماتت واتكتب شهاده وفاتها من زمااااااااااان

بورصه مفيش اقتصاد مات امن معدش خطف سرقه نهب اغتصاب موت سحل كل الى تحبه قوله

محدش يقولى الامن مقصر والداخليه والجنزورى لازم يمشى

المفروض رفع يافطه يسقط يسقط الشعب المصرى

الى مبقاش فاهم حاجه وبيختضر

ذنب ايه المشجعين دول ييموتوا بالطريقه البشعه دى

لو كفااااااار مكنوش اتعمل فيهم كدا

دى سياسه مدبره مش مساله امن

امن هيعملك ايه لما عسكرى يموت وظابط عياله يتيمموا من بعده؟
انت هتعمله ايه لما لوا او عقيد او نقيب يموت فى ظل الهمج دول

ولو ضرب ضربه هيقول الشرطه بيموتنا بيسحلونا بيعذبونا ويتعمل ضد الظابط دا محضر ويترمى ف السجن

هيستفيد ايه وهو روحه المعنويه فى الزباله وبيشوف زمايله فى السجون عشان بيدافعوا عن نفسهم

انت ادامك حلين يا تشوف شغلك والاخر تبقى جانى وتترمى ف السجن او تموت

الحل التانى يا تسبيها فوضى وتنجى بنفسك وتروح لعيالك سليم والشعب يموت


احنا بقينا كدا

مفيش حل تالت يجيبلك صوره ظابط بيضرب والفيس يشتغل وتويتر الله ينور ونطالب بسحل الظابط ومحاكمه ثوريه ونموته

معدش عندنا عقل نوزن الامور



ذنبهم ايه الى ماتوا دول يا كفره حسبى الله ونعم الوكيل


بكره هنشوف يوم اســـــــــــــود فى مصر بقول تانى من قبلها اهو

حسبى الله ونعم الوكيل احنا مش بتوع ديمقراطيه والله والله والله مش بتوع حريه ابدا

الحريه فى مصر تساوى الهمج والبلطجه

عندى كلام كتير اقوله بس كفايه لانى زهقت وتعبت وقرفت من كل حاجه

رحمتك يارب




3 
ملكة بكبريائى

والله يامحمود كنت لسه حالا بعمل توبيك اقول على الى حصل فى الماتش دا مذبحه ومهزله من شعب المصرى
ولما نتهان ونشتتم نسكت خالص ولا نقول امريكا ليه بتشتمنا ولا بتزفتنا مهو احنا الى جبناة لروحنا
لما 75 يموتوا و150 مصابين واكثر ولما الاعيبه الاهلى تجرى من الخوف من مصرى زي زيه
ويهربوا علشان مش يلحقوهم ولا اكنهم الاعيبه عملوا مصيبه بالرغم ان الاهلى كان خسران يعنى
ولما يموت الناس مداس عليهم موته بشعه ولما تلاقى اطفال ميتين من الخنقه ولما تلاقى ابو تريكه مات على ايدية واحد وبيقرأله الشهادة
ايه كل الى احنا فيه دا مهو فعلا من الثورة الاول كانت ثورة نبيله وطلبنا بحقوقنا وبعد كدا لقينا بلطجيه وسرقه واختصاب ونيله وقرف وبعد كدا بقينا نعمل ثورة كل يوم علشان دا مش عاجبنا ودا مش عاجبنا
مش هقول كل الى نزلوا الميدان بقر وحمير لا فى منهم كويسين جدا وفعلا عاوزين مصر تعلى وتكبر ويبقى فى حريه
وفى البعض همجى خريج اصلاحيه وسجون وفى المدسين الى عاوزين يخربوا البلد باى شكل وخلاص
والله مش عارفه اقول ايه لما اخويا يطعنى فى ظهرى ولما اخويا اخاف منه واجرى علشان مش يمسكنى ولما اخويا يدمر بيتنا الى حمينا ولما اخويا يخلى عدو لينا يدخل بينا
يبقى دا مش اخ يبقى فى حاجه غلط فينا او فى الحكومه الى كمان بالصدفه محدش فى الماتش دا جه لا المحافظ ولا حد يبقى معناة ايه وبفعل مين ؟؟؟؟؟؟؟؟؟؟؟؟؟؟؟؟؟؟

بجد يامحمود كل الكلام مش هيكفى شعورنا دلوقتى


4 
koko17

انا بصراحة مش لاقية كلام اقولة اكتر من اللي انتوا قولتوة
بس ممكن اقول ان الشعب المصري مش ينفع معاة حاجة اسمها حرية ولا ديمقراطية لازم يضربوا
علشان يفهموا معني الحرية عند البعض هي الهمجية والبلطجة وفرض الرأي
وبالذات فرض الرأي هي دي الديمقراطية عند اللي بيسموهم الثوار


5 
5Lik Fe 7aLk

ويعنى لما العيال دول هيشوفوا المحافظ هيسكتوا يعنى؟؟؟؟؟؟؟؟
دى حاجه مدبره من شويه كلاب ينزلوا فى اى حاله فوز المصرى خسارته تعادل دول كدا كدا نازلين

الشرطه مقدرتش لهم دا فى كلب لافف حزام على ايده وبيضرب عقيد النقيب بيهدى الكلب دا ومش كلمه اصل لو مسكه وضربه الكل هيصور ونذيع والشرطه بتقتلنا ولما سابه بلطج وبقى زى البقره عمال ينطح فى الناس

وعشان مفيش هيبه لشرطه او لجيش الشعب اتفرعن ووالله مصر مش هتهدى الا لما يحصل كواااااااااااااارث ولسه الجاى اكتر


6 
ملكة بكبريائى

صح معاك حق مش هنسكت ولا هنخرس الا لما حد جميل جدا يدخل ويتحكم فينا


7 
شهد الثورة

بسم الله الرحمن الرحيم

كُلُّ نَفْسٍ ذَآئِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَما الْحَيَاةُ الدُّنْيَا إِلاَّ مَتَاعُ الْغُرُورِ (185)

اولا اعذرونى لو طلع منى اى لفظ خارج او شتيمه لان انا دمى مش محروق بس انا خلاص معدش فيا دم يتحرق ف اسف مره تانيه



بدايه مش عارف ابدا من فين والله ولا اقول ايه

بس ابح اقولك ايه سبب تسميه موضوعى

الثوره مستمره حتى موت الشعب المصرى (احنا مش بتوع حريه)

بدايه من قيام الثوره لحد دلوقتى اتضح ان احنا مش بتوع حريه احنا عاوزين الضرب على قفانا عشان نتصلح ويتعدل حالنا

لاء ابدا و الله طيب ما احنا كنا بضرب ع قفانا ايام المخلوع تفتكر حلنا اتصلح؟


فهمنا الحريه غلط معندناش ثقافه استماع راى الاخر كله رايى استبدادى
الى يعاضرنا نقف ضده
يمكن ايام الموجة التانية للثورةو مجلس الوزراء وكدا
كان فيه الرأى و الرأى الاخر بس ف موضوع الثورة كان اللى ضد الثورة يبقى ضد مصر
او مع الخراب و الفساد و الظلم


نعطل مرور نقفل شوارع نشل حركة الناس الى بتشوف شغلها نقفل مجلس الشعب ونعترض عليه برغم انه جاى من صوت الشعب

تقصد حضرتك اول امس لما كان ف مسيرة؟
المسيرة دى كان فيها ناس محترمين جدا اولهم معتز مطر و الشيخ مظهر شاهين
و هما كانوا ف مسير سلمية جدا و كان الطريق عادى و ف حالة و خطين ع الجناب
مسكين اعلام بس شباب الاخوان هم اللى غلطانين اية اللى خلاهم يقفوا يحرصوا المجلس المجلس دا بتاع كل المصريين موش منحق اى حد يمنع حد تانى من دخوله و اظن ان كان فيه امن واقف هيمنع اى اعتداء

نقفل مجلس الوزرا نرفع الجزم فى وش العساكر الغلابه ونشتمهم بابوهم وامهم نقتل الظباط نهين الجيش ونشتم فيه

هى حكاية مجلس الوزاراء دى حكاية لواحدها بس الخلاصة ان زم ماكان ف واحد بيتقتل من الضباط كان فيه مكانه 10 واحد من الشعبو مئات المصابين

كل واحد يطلع يهاجم ويشتم يبقى ناشط زفت سياسى ملوش شغله ولا مشغله

دا رأيه و بيعبر عنه بس بطريقة محترمة عمرى مالقيت اى ناشت سياسى بيشتم كلهم بيطلبوا بزوق

الجيش يقبض عليه نطلع بمظاهره نقفل الطرق وقطع سكه حديد ونولع وننهب ونسرق عشان يطلع ويطلع فعلا ولما يطلع طالع يشتم ويقل ادبه مع انه غلطان اصلا ويستاهل الحرق وهو وامثاله

طبعا نطلع بمظاهرة لانهم اصلا بيبتكروا قضاية مالهاش و جود اصلا ف القانون يقولك هنقبض عليه لانه بيقول ان لسة ما فيه فساد
بالذمه دا كلام لكن المظاهرة موش بتقفل الطرق و لاحاجة بيبقى الطريق معادى عادى و دول قاعدين ف سنية التحرير مستنيين اى قناة فضائية تحن عليهم علشان ينقلوا صوتهم

بقينا زى الهمج واكتر منهم كمان مع الاعتذار للبقر بقينا بقر بكلمه تودينا وكلمه تجيبنا كل واحد يصور ظابط بيضرب عيل قذر فى ثانيه يجيبه والنت ينشر والناس تتكلم وشوفوا الشرطه بتضربنا بتموتنا وحقوق الانسان وحقوق الحيوان ونطلع نجرى ونصور

وياعينى تلاقى الظابط دا او اللوا مضروب قبلها من الشاب القذر دا والصوره جت والظابط بيضربه ويتصور ويتحال للمحاكمه ويتبهدل وينداس بكرامته الارض ولو مات ملوش ديه ولا حد بيسال عنه كلب وراح

حتى لو هو ضربة مش فيه قانون و دستور و دولة تحاكمه
هتقولى هو فين الدستور دا هى فين الدولة
بلاش قانون ضربه يبقى الضابط يضربة راجل لراجل موش راجل لكتيبة ولا راجل اعزل لراكل مسلح من كل حاجة
و لو الضابط مات بيتعامل من الحكومة احسن كمان من لما يتعامل الشهيد منها بس من ناحية الناس فالناس حرة عاوزة تقف ف صف الشهيد تقف عاوزة تقف ف صف الضابط تقف

ولو عيل قذر زى دا مات ولا اتضرب حتى ننزل التحرير ويسقط يسقط حكم العسكر ونقفل ماسيبرو ونحتل الشوارع وتتبقى فوضى كالعاده

لو انضرب و مات غدر يبقى نعتصم و ننزل التحرير بس صدقنى موش بنقفل الشوارع و لا حاجة
اهالى الشهداء من يوم الثورة و هم قاعدين ف التحرير حد حس بيهم ؟
هى فعلا البلد بتبقى فاوضة لما الشرطة تتدخل و تضرب و تسخن اكتر و بعدين المجلس العسكرى موش بينفذ حاجة الا بعد ما تقوم مليونية و الشعب يتعب و ينزل يوم الجمعة يوم راحته تفتكر هم بيتسلوا و لا موش قادرين ينسوا منظر الدم و منظر اصدقائهم لما ماتوا و اتصابوا؟


احنا مينفعاش معانا حريه حد يقولى قله مندسه والشعب مش كدا
هو فعلا ف قلة مندسة بس الشعب فعلا هو اللى بيقوم و بيتظاهر بس القلة المندسة دى هى اللى بتخرب و بتحرق.
بس احنا فعلا ينفع معانا حرية بس لازم الاول نهدم الفساد و الظلم اللى عامم ف البلد و بعد كدة نبقى نهدى و نبنى

هقوله السيئه تعمممممممم واحنا شعب طيب الصوت العالى هو الى بينفع فيه اليومين دول كل واحد عايز يشهر نفسه ويعمل شو يطلع يشتم ويبلطج هتلاقى كل الاضواء عليه والصوت الضغيف بتاع المواطن الى عايز قوت يومه بيروح ف الرجلين لان صوته ضعيف

يعنى هم نزلين التحرير بيتفسحوا؟
هم ليهم مبدأ بيجروا و راه و بيستنوا اى قناة فضائية يقدروا يوصلوا منها صوتهم موش الحكاية حكاية شهرة بس ماحدش بيعبرهم علشان يوصلوا صوتهم الا القنوات الفضائية
حتى اللى بيطلع ف التليفزيون بيبقى شاب واعى و فاهم هو بيقول اية و كلامه منطقى و يقنع

انا كرهت الثوره والى عايز الثوره والى بدعها والى عملها وكل حاجه
دى حرية حضرتك عاوز تكرة اكرة عاوز تصبرو تصمد على موقفك اصمد

الواحد كان فرحان ان بلده هتنضف من الهمج

كل يوم بنك يتسرق قتل ناس خطف بنات اغتصاب قذاره تخلف همجيه قرفنااااااااااااااااااااااااااااااااااااااااا
و حضرتك يعنى قكرك ان من غير تحرير و لا مسيرات و اعتصامات البلد هتنضف من الهمج؟
ازاى موش عاوز سرقة و قلة أدب إذا كان على بابا الحرامى الكبير مثال لهم و هو موش بيتحاكم و قاعدين يهشتكه فية و موش راضين يحاكموه و على فكرة فى مادة ف الدستور تنص على ان لو القاضى ما صدرش حكم بعد سنتين المتهم يطلع براءة

محدش يقول العسكر والفلول والكنبه واسفين والمخلوع والعادلى وجمال وامه وعاكشه
اللى حضرتك متجاهلة ان مامى سوزان سافرت برة و بتجتمع مع شوية فلول
على التخريب و الفوضى
اما بقى عكاشة فهو كان السبب ف حبس نوارة نجم و ضربها و شتمها و كان بردو ورا حبس مظهر شاهين و سبه
دى كلها مببرات ف الفاااااااااضى
دا رأى حضرتك بس هى دى الحقيقة

يالى بتقول يسقط العسكر تخيل معايا لو الجيش مشى بكره هيحصل فينا ايه

و لا هيحصل اى حاجة غير ان شكل المشير هيتغير من وجهة نظر الناس و لو نزل ف انتخابات الجمهورية هيحصل ع اصوات اكتر
و هيمسك البلد مجلس مدنى و ان شاء الله البلد هتتصلح احسن من سحل البنات ف الشوارع و اعتقال الشباب و هشتكة مبارك


مش هستنى لما امى او ابويا واختى او صحبى اسمع انه اتقتل وانا قاعد اتفرج مش هستنى يوم لما الاقى اختى اتخطفت فى بنك ولا فى مطعم ولا فى مول

كله دلوقتى وحق الشهدا والثوره والفلول ومرتضى منصور والجمل والمعزه ومش عارف ايه

كل دى مببرات ولاننا سورى شعب بقر مش فاهمين حاجه ومش هنفهم لاننا شعب غبى اصلا بطبعه

محسسنى ان حضرتك يعنى سعودى
ما حضرتك مصرى بردو


احنا فى مخطط لتقسيم مصر شويه اقباط وشويه ماتش كوره 75 حاله وفاه فى ساعه وكأننا فى حرب شوارع وبورسعيد متقفله بلطجيه وناس متخلفين وناس همج

انا مع حضرتك بس اصلا دا اية ذنبه الشعب المصرى دول كانوا شوية بلطجية متصلتين من اى فل زى ما حضرتك بتقول علشان يعملوا فوضى

وبكره هنشوف يوم اسوووووووووووووود مسيره للتحرير ومسيره لاهل الالتراس الى ماتوا ومسيره للداخليه ومسيره للمجلس الشعب وبكره هنتفرج ونعد فى الموتى بقوا 50 لا 75 لا 150 وكانها اعداد واحنا شعب بيفرح فى اللمه وواخدنها كانها فسحه والبلد مش بتموت البلد خلاص ماتت واتكتب شهاده وفاتها من زمااااااااااان

انا دايمامؤمنة بكلمام قالة الدكتور احمد عمارة قال ان كل الى بيحصل دا طبيعى علشان مصر موش هتتصلح الا اذ نزلت اوى زى الرمح كل ما قوةالجذب تزيد كل ما قوة يبعد اوى

بورصه مفيش اقتصاد مات امن معدش خطف سرقه نهب اغتصاب موت سحل كل الى تحبه قوله
كل اللى بيحصل دا بيحصل للشعب المصرى موش بيحصل بسببه!
السبب هو المجلس العسكرى علشان المفروض يحاكم مبارك حتى يكون عبرة لكل بلطجى

محدش يقولى الامن مقصر والداخليه والجنزورى لازم يمشى

المفروض رفع يافطه يسقط يسقط الشعب المصرى
الشعب موش غلط علشان بيطالب بالحرية و المساواة و الكرامة و العدالة الاجتماعية



الى مبقاش فاهم حاجه وبيختضر

ذنب ايه المشجعين دول ييموتوا بالطريقه البشعه دى

لو كفااااااار مكنوش اتعمل فيهم كدا

دى سياسه مدبره مش مساله امن
و بردو موش مسالة شعب مصرى

امن هيعملك ايه لما عسكرى يموت وظابط عياله يتيمموا من بعده؟
المفروض ان دا عمله و لا المفروض ان الشعب هو اللى عياله تتيتم
ع الاقل الضابط معاه سلاح اما المواطن اعزل

انت هتعمله ايه لما لوا او عقيد او نقيب يموت فى ظل الهمج دول

ولو ضرب ضربه هيقول الشرطه بيموتنا بيسحلونا بيعذبونا ويتعمل ضد الظابط دا محضر ويترمى ف السجن
بس الشعب مش مع البلطجة
الشعب عاوز الشرطة تقوم بوجبها

هيستفيد ايه وهو روحه المعنويه فى الزباله وبيشوف زمايله فى السجون عشان بيدافعوا عن نفسهم

انت ادامك حلين يا تشوف شغلك والاخر تبقى جانى وتترمى ف السجن او تموت

الحل التانى يا تسبيها فوضى وتنجى بنفسك وتروح لعيالك سليم والشعب يموت


احنا بقينا كدا

مفيش حل تالت يجيبلك صوره ظابط بيضرب والفيس يشتغل وتويتر الله ينور ونطالب بسحل الظابط ومحاكمه ثوريه ونموته
مش لازم يضرب و يعذب و يسحل ف حاجة اسمها سجن
و بعدين اصلا كل ماتش يحصل بين الاهلى و بورسعيد بيحصل شغب
يعنى المفروض ان الشرطة عارفة اللى هيحصل
المفروض يعملوا احتياطاتهم

معدش عندنا عقل نوزن الامور

ذنبهم ايه الى ماتوا دول يا كفره حسبى الله ونعم الوكيل

الصراحة انا موش فاهمة حضرتك
كفرة دى تعود ع مين
لو ع الشعب ف هم ذنبهم اية دى حكاية مدبرة

بكره هنشوف يوم اســـــــــــــود فى مصر بقول تانى من قبلها اهو

حسبى الله ونعم الوكيل احنا مش بتوع ديمقراطيه والله والله والله مش بتوع حريه ابدا

الحريه فى مصر تساوى الهمج والبلطجه

لو مصر مش كانت دولة غنية و لامهمة ولا حاجة ماكنتش كل الناس دول قاعدين يدبروا لتقسيمها و للفوضى

عندى كلام كتير اقوله بس كفايه لانى زهقت وتعبت وقرفت من كل حاجه

رحمتك يارب


و اخيرا احب اشكر حضرتك ع الموضوع دا لان معنى ان احنا النهاردة بنتكلم ف السياسة ان احنا اتغيرنا وان احنا بقينا واعين
رغم اختلاف الاراء إلا ان دى ف حد ذاتها اجابية منى و من حضرتك و من كل اللى ردوا و اللى هيردوا
و حاجة اخيرا احب اقول ان فعلا الثورة مستمرة طول ما الشعب المصرى عايش
بس مش معنى الثورة مستمرة ان كل يوم ف اعتصام لاء معنى الثورة مستمرة ان الشعب فاق خلاص و موش هيسكت ع الظلم تانى



8 
samasemo

بجد لو بلطجي واحد اتعدم في ميدان التحرير اودام الناس كلها هيكون عبره لغيره وكمان لو طبقنا اشد العقوبات عليهم محدش هيقدر يعمل حاجه بعد كده ولازم نعرف مين الي ورا كل الي بيحصل ياجماعه لازم الامن يرجع تاني دي مصر بلد الامن والامان مش شويه قليليآفاسدين هيخرابو البلد ويا ناس عايزين نفكر بالعقل مش عايزين نواقف حال البلد ومش كل شوايه مظاهره وربنا يكون في عون الجيش والمسؤلين عليهم ضغط كبير جدآ وحسبي الله ونعم الوكيل في الي عايز يخرب البلد دي


9 
nody

يا استاذ محمود حضرتك بجد فاهم الثوره غلط مش المصريين اللى غلط ومعنى ان احنا مختلفين فى الرأى دلوقت ان احنا عارفين معنى الحريه مالناش دعوه بالناس التانيه اللى ماشيه تخرب عارف مالناش دعوه ليه عاشين احنا من جوانا متعهدي مع نفسنا ومع اصحبنا ان احنا هنبنى البلد دى عاشين الثورة مضعش اتعهدنا هنقول راينا بصراحه بس بأدب واحترام واحترام الراى الاخر وهنذاكر وهنجتهد عاشين نبنى بلدنا صح اتعهدنا ان احنا نربى ولدنا فى المستقبل ع الحريه بس بكل احترام اتعهدنا ان هنخلى بلدنا هى اللى قائده الدول وحلمنا البلدنا كتير وكتير اووووى واتعهدنا مع كل اصحبنا بكل ده بزمتك لو كل شاب او بنت اتعهدوا بكده وسابهم من الكلام الفارغ التانى مش هيكون احسن لينا ولبلدنا بدل ما تشتم الثورة شوف انت فى ايدك ايه واعمله عشان تصلح بلدك لو انت عاوز

وطبعا كلالام شهد يغنى عن كلامى مليوون مره وانا معاها فى كلامها رغم ان احنا مختلفيين فى معظم الكلام وبنجادل بعض بكل احترام مع ملحوظه صغيره انى عمرى ما قولتلها انتى من شعب بقر ولا هى قالتلى كده فبعد اذنك بلاش الفاظ خارجه وقول رايك باحترام عاشين احنا نتقبله بكل احترام
وخليك عارف ان مصر رايتها عاليه واحنا هنعليها كمان وكمان بثورة الشعب سورى البقر زى ما حضرتك قولت


10 
5Lik Fe 7aLk

اقتباس: المشاركة الأصلية كتبت بواسطة ♥ nody ♥  مشاهدة المشاركة
يا استاذ محمود حضرتك بجد فاهم الثوره غلط مش المصريين اللى غلط ومعنى ان احنا مختلفين فى الرأى دلوقت ان احنا عارفين معنى الحريه مالناش دعوه بالناس التانيه اللى ماشيه تخرب عارف مالناش دعوه ليه عاشين احنا من جوانا متعهدي مع نفسنا ومع اصحبنا ان احنا هنبنى البلد دى عاشين الثورة مضعش اتعهدنا هنقول راينا بصراحه بس بأدب واحترام واحترام الراى الاخر وهنذاكر وهنجتهد عاشين نبنى بلدنا صح اتعهدنا ان احنا نربى ولدنا فى المستقبل ع الحريه بس بكل احترام اتعهدنا ان هنخلى بلدنا هى اللى قائده الدول وحلمنا البلدنا كتير وكتير اووووى واتعهدنا مع كل اصحبنا بكل ده بزمتك لو كل شاب او بنت اتعهدوا بكده وسابهم من الكلام الفارغ التانى مش هيكون احسن لينا ولبلدنا بدل ما تشتم الثورة شوف انت فى ايدك ايه واعمله عشان تصلح بلدك لو انت عاوز

وطبعا كلالام شهد يغنى عن كلامى مليوون مره وانا معاها فى كلامها رغم ان احنا مختلفيين فى معظم الكلام وبنجادل بعض بكل احترام مع ملحوظه صغيره انى عمرى ما قولتلها انتى من شعب بقر ولا هى قالتلى كده فبعد اذنك بلاش الفاظ خارجه وقول رايك باحترام عاشين احنا نتقبله بكل احترام
وخليك عارف ان مصر رايتها عاليه واحنا هنعليها كمان وكمان بثورة الشعب سورى البقر زى ما حضرتك قولت

انا مصر على رايى مع احترامى لرايك الى شرفنى طبعا وانا متفق معاكى فى حاجات كتيره بس مختلف معاكى اننا شعب متخلف مش بقول كدا وانا من شعب تانى يعنى لا انا من الشعب دا وبقول كدا على نفسى وعلى الى شايفه لاننا لو بنشتغل صح ومفيش فينا همج كنا هنبقى ع الاقل زى تونس الدوله المحترمه الى ماشيه فى السليم اسقطت النظام وبصى دلوقتى على اقتصادها وامنها والناس نفسها شوفيها بتفكر ازاى هناك دى دوله عربيه زينا يعنى مش هقولك بصى لبرا لا بصى لتونس دى حاجه

الحاجه التانيه انا معاكى ان لازم نشتغل ونعمل ونسوى بس احب اقولك كل اما ايد بتصلح مليون ايد بتهدم مش تقوليلى المجلس العسكرى ولا الجيش ولا الشرطه لانهم مننا واحنا منهم بلاش نلقى بالتهم وخلاص اه الامن كان سبب بس والله لو جبنا مليشيات مسلحه ووقفت عند راس كل مشجع والشعب نفسه همجى مش هيتغير حاجه حتى لو جبنا رئيس مدنى او مجلس رئاسى مش عارف ايه

ثقافه شعبنا ثقافه رجعيه خاااااااااااالص شعب همج والله وبقولها تانى دلوقتى عشان يتححقلى مكطلبى اقطع سكه قطار واوقف المرور وابلطج واحرق حتى لو فيه محترمين فهم قله قليله

يعنى فى الماتش مكنش فيه واحد بس عاقل كان بيستنكر الى حصل لما الجماهير نزلت الارض؟؟؟؟؟؟

اه فعلا مكنش فيه حد عاقل يوقف المهزله دى لاننا شعب بنحب الفوضى بسبب بقى نظان سابق او نظام حالى فالعيب كل العيب فينا احنا مش فى نظام ولا المجلس العيب فينا احنا



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.