العودة   منتديات المصطبة > الطريق إلى الله > القسم الإسلامى العام

القسم الإسلامى العام خاص بالمواضيع الإسلامية العامة المكتوبة التى لا تحتوى على صوتيات ومرئيات دينية

زمان وانا صغير شفت بعبع !!!!!

كاتب الموضوع: أحبُكَ ربى، فى قسم: القسم الإسلامى العام


1 
أحبُكَ ربى

زمان وانا صغير شفت بعبع !!!!! 1.gif



زمان وانا صغير شفت بعبع !!!!! 1326904561461.jpg



زمان و أنا صغير ..


كنت لما باشوف واحد ملتحي ماشي في الشارع ..

كنت بخاف جداً .. و بحس إنه راجل شرير و عاوز يقتلني زمان وانا صغير شفت بعبع !!!!! smile.gif



وكنت بمشي من شارع تاني !!




زمان وانا صغير شفت بعبع !!!!! 1326904561322.png


لما كبرت شوية ..

وعقلت زمان وانا صغير شفت بعبع !!!!! smile.gif


مبقيتش بخاف منهم




بقيت بترعب زمان وانا صغير شفت بعبع !!!!! SnipeR (54).gif



كانت فكرتي عنهم إنهم ناس متطرفين وفاهمين إن الإسلام كله قتل و دمار ..

بس هم ساكتين عشان بيخططوا


كبرت كمان شوية ..


لقيتهم مش بيعضوا ..


عادي يعني ..


ناس عادية زينا زيهم ..


بس فضلت حتة صغيرة ..

إني كنت متأكد إنهم ناس فاهمين الإسلام غلط
أنا مش عارف الإسلام بيتفهم صح إزاي !!
ومش عارف هم فاهمين الإسلام غلط إزاي
بس المهم إنهم غلط وخلاص


زمان وانا صغير شفت بعبع !!!!! 1326904561322.png



تعالوا نتكلم بكل صراحة

هنعمل زوووووووووووم على الناس دي و نعرف هم كويسين ولا وحشين ..

استنا اوعا تفتكر اني هدافع عنهم واقولك دي ناس زي الفل ..

شوف وجهة النظر واحكم بنفسك ..

ووجهة النظر دي طبقها على اي حد مش شرط الملتحين بس


تعالوا نشوف كده في عالمنا لو اي فئة او مجموعه او بلد .. ولا اقولك تعالى نتكلم بأمثله

شوف معايا المجموعات دي

المسلمين ( كل المسلمين ) هل كلهم كويسين ؟

لأ بالعكس ده في مسلمين بيحاربوا الاسلام أكتر من أعداء الاسلام !

هل ينفع نقول كل المسلمين وحشين او ان الاسلام ده وحش ! أو فيه عيوب مع العلم ان الاسلام بيأمر بكل معروف وبينهي عن كل منكر يبقى العيب في مين !


المصريين ( كل المصريين )

خطورة التعميم دي بتهدم وتبني في لحظة وبنصطدم مع الواقع في اول مشكلة

لما حصلت الثورة قالك شوف جمال المصريين وشوف المصريين قد ايه منظمين وعممنا ان كل المصريين زي الفل ومفهومش غلطة لكن تتفاجئ بكمية المشاكل الي بتظهر مع البلطجة والسرقة ,, إلخ من البلاوي
فهل الغلط في المصريين ككل أو في مصر في حد ذاتها ! ؟
يبقى العيب في مين ؟

زمان وانا صغير شفت بعبع !!!!! 1326904561322.png


المهندسين والأطباء والمدرسين وظباط الشرطة وكل المهن الي بتجمع فصائل كتير من المجتمع هل أخلاقيات مهنتهم في اصلها وفي دوافعها سيئة ؟ لأ بالطبع .. لكن في ناس بتلتزم بهذه الأخلاقيات وناس بتشرد لدوافع في نفسها وشخصيتها .. ساعتها العيب يعم على الناس الكويسة كلها او على المهنة نفسها ؟ ولا يبقى العيب في مين ؟

المحجبات ( كل المحجبات )

ايه رايك واكيد كلنا عندنا في اسرنا نساء وبنات محجبات
هل كل المحجبات أخلاقهم وحشة ؟ لأ طبعاً ده في ناس اللهم بارك محترميين جداً جداً

طيب هل كل المحجبات أخلاقهم كويسه ؟ أكيد لأ ده في ناس منهم والعياذ بالله ياخدوا جايزة نوبل في قلة الأدب ! وفي منهم بيعاكسوا الشباب في الشارع !

طيب وهل الحجاب اصلاً أمر الكويسة تكون كويسة ؟ هنقول اه .. طيب هل أمر الوحشة تكون وحشة ؟ هنقول لأ
يبقى العيب في مين ؟

زمان وانا صغير شفت بعبع !!!!! 1326904561322.png

الملتحين
( كل الملتحين )

في منهم ناس كويسة ؟ اه في ناس كويسه جداً جداً

طيب هل في منهم ناس وحشة آه في منهم ناس وحشة جداً جداً

طيب هل اللحية في حد ذاتها بتخلي الانسان يعمل الغلط ؟

لأ طبعاً

يبقى في منهم ناس فهمت الدين صح وطبقته صح وفي منهم ناس فهمت الدين غلط وطبقته غلط

طيب في وسط المجموعات الي ذكرتها دي في عنصرين متكررين في كل الحالات ..


العنصر الاول .. ان اصل الشيء نفسه الي بينتمي ليه الانسان بيأمره بالخير وينهاه عن الشر ..

العنصر الثاني ...ان كل الي بيحاولوا يطبقوا في الاخر هم ( بشر )

ومن بشريتهم دي انهم يغلطوا ..

تعالوا نرجع هم الصحابة مكنوش بيغلطوا ! ؟

حد ينفع لما يشوف غلط حد من الصحابة يقول دول الصحابة دول وحشين ( والعياذ بالله ) ؟ مع الفارق في الايمان طبعاً لكن في الاخر الصحابة ايضاً بشر وعشان هم بشر بيغلطوا زي ما كلنا بنغلط ..

فالإنسان الملتحي ده واحد حب يقرب من ربنا وبيحاول يعمل زي ما النبي أمره انه يتشبه بيه ويعفي لحيته تشبهاً بالنبي صلى الله عليه وسلم .

والنبي مش بس أمره باللحية ده في اوامر كتير جداً تانية مهمة جداً لازم يعملها ولا يكتفي بالشكل الخارجي فقط


لكن في منهم الي قدر يغير نفسه بسرعه من أي خـُلق وحش فيه .. وفي منهم لسا بيحاول يغير نفسه وفي منهم لسا بيتدرج بيحاول وبيقع


.. لانه بشر ..

يعني الناس دي متولدتش بلحية لأ دول عادي زينا والله دخلوا حضانة
وعملوا على روحهم وكانوا بيضربوا وكانوا بيتفسحوا ويشبطوا في لعب وهم ماشيين . ودخلوا مدارس وكانوا بيذاكروا
وفي منهم شرب سجاير ومشي مع بنات وحب وصاحب وفي منهم ممكن كان في قلبه حسد او حقد او غيره .. واي ذنوب في الدنيا ممكن يكون كان بيعملها ! الفكرة كلها ان ايمانه زاد وحب يقرب من ربنا .. وتشبه بالنبي صلى الله عليه وسلم في شيء .. وبيحاول واحده واحده يتشبه بباقي الاخلاق والصفات .. في حاجات قدر ينزعها من قلبه وفي حاجات بيحاول ينزعها ويبطلها وفي حاجات مش عارف ينزعها او يبطلها !

ليه طالبين ان الملتحي ده يكون ملاك مفهوش غلطة !!


زمان وانا صغير شفت بعبع !!!!! 1326904561322.png


ورسالتي للملتحي ايضاً انه يكون رفيق مع الناس ومينساش انه كان زيهم في يوم من الايام واوحش

كَذَلِكَ كُنتُم مِّن قَبْلُ فَمَنَّ اللّهُ عَلَيْكُمْ فَتَبَيَّنُواْ إِنَّ اللّهَ كَانَ بِمَا تَعْمَلُونَ خَبِيراً
[النساء : 94]





فتعالوا نتفق ان الانسان الي يهتم بظاهره بس وبيعمل كل وحشة ومن جواه وحش ومش بيحاول يغير من نفسه وشايف انه طالما ربى لحيته يبقى كده تمام ومفيش شيء تاني .. ده أخطر بكتير من أعداء الدين ..

بس نتفق ان مش ظاهره ده ( اللحية ) هي الي قالتله يعمل كده !


يبقى انسان باطنه كويس ولم يلتزم ظاهرياً ده أفضل من انسان إلتزم ظاهرياً ولم يلتزم باطنه والافضل من الاتنين إنسان إلتزم ظاهراً وباطناً

ومننساش زي ما اتفقنا انهم بشر والكل هتلاقيه بيغلط لكن نضع لهم المشانق .. من زمان الاعلام بيصور لنا الملتحيين دول على انهم وحوش كاسرة في اي وقت هيقتلك دايماً بيحب الفلوس دايماً بيحب ينظر للنساء دايماً بيحب ياكل ومفجوع دايماً وحش في مظهره دايماً مكشر دايماً نصّاب ... إلخ

حد يقولي بس الملتحيين بيكشروا باستمرار .. اقولك غلطان
في منهم بيكشر وفي منهم بيضحك في منهم دموا خفيف وزي العسل وفي منهم دموا يلطش زمان وانا صغير شفت بعبع !!!!! smile.gif

دي شيء في طبيعته هو كإنسان يعني هي لحيته لما طلعت مشدتش حواجبه لتحت عشان تجبره يكشر ..
لكن خلونا نتفق اننا بناخد بالنا اكتر من الي بيكشر وبنلاحظه اكتر من الي مبتسم وده لان فيه ومن زمان تشويه اعلامي



زمان وانا صغير شفت بعبع !!!!! 1326904561322.png

دايماً افلام عادل امام كانت تجيب الملتحي ده يقول ثكلتك امك ويصلي في غير وقت الصلاة ووقت الصلاة مصليش ويبص على النساء ومش كويس في عمله ومكشر للعيال الصغيره ..

فطبعاً انت اول لما تشوف ملتحي هتبقى منتظر منه اي غلطه مني دي وان عملها ( وده وارد انه يعمل غلط لانه بشر مش ملاك ) هتثبت في عقلك الصورة

وان معملش معاك حاجه غلط وابتسم ليك مثلاً هتقول د اكيد تعبان عشان كده مش قادر يكشر !

فبقينا زي ما بيقولوا بنقف على السقطة واللقطة



فدلوقتي لما الناس تشوف واحد في الشارع ملتحي بناء على الخلفية السوداء دي بتتعامل معاه من هذا المنطلق وبيحصل وقتها مشاكل ..

الناس دي عليها ضغوط كثيرة من زمان ومن كل المجتمع ..

لما نشوف حد منهم بيعمل شيء كويس نشكره ونشجعه ونحسسه بالرحمة ولما نشوف حد بيعمل حاجه غلط نقوله ( بينا وبينه على جنب ) ميصحش حضرتك ملتحي تعمل كده ..






زمان وانا صغير شفت بعبع !!!!! 1326904561322.png


كل المطلوب اننا لا نسيء الظن في مجموعة كاملة من ناس طالما أصل عملهم يأمرهم بالخير ونتأكد مليون مرة إنهم بشر في منهم ايمانه قوي ومنهم ايمانه ضعيف وفي الاخر الكل ايمانه بيزيد وبينقص ..

ومننساش ..

انسان باطنه كويس ولم يلتزم ظاهرياً ده أفضل من انسان إلتزم ظاهرياً ولم يلتزم باطنه والافضل من الاتنين إنسان إلتزم ظاهراً وباطناً


ربنا يرحمنا جميعاً ويكتب لنا التوفيق والسداد ويرزقنا الإيمان والالتزام الظاهر والباطن ويرزقنا الاخلاص ويتقبل منا جميعاً صالح الأعمال

اللهم امين .



2 
لؤلؤة مصرية

اللهم امين

والله انا اعرف ناس قرايبى ملتحين مرحين ومش معقدين ومحترمين جدا ومش مكلكعين واخدين الدنيا ببساطة جدا وبشوشين وماشيين بما يرضى الله مش عارفة ليه الناس بتحكم عشان قلة عالناس سواء بدقون او ناس عادية طالما متعاملتش مع الانسان ازاى احكم عليه بمجرد ان حد قالى دة كويس او وحش او دقنه طويلة يبقى معقد او دى بشعرها تبقى مهرجة او دى منقبة تبقى متذمتة

ربنا يهدى

بس موضوعك جميل والله


3 
ثائر الا ربع

شكر ا عالموضوع جاااااااااامد جدا


على بن ابى طالب رضى الله عنه وعن الصحابه اجمعين قال

كيف نزن بين رجل اتخذ الحق فأخفق ورجل اتخذ الباطل فأصابه


فالملتزم ممكن يخطئ لكن بيقابل الخطأ اعمال كتير فى الخير

بس فى حاجه تانيه خالص ان ناس كتير منهم بدأت تاخد طريق تانى خالص شوف كام واحد دلوقتى كان بيتقال عليه ملتزم بقى يدخل فالسياسه ويتكلم ويناقض ناس مسلمين برضه بس هما الدين ولا فارق معاهم شوف الاخوان بقوا عاملين الدين ازاى بعض السلفيين سايبين رسالتهم الاصليه اللى هيا دعوة الناس للإلتزام بكل ما أمر الله واتجهوا للسياسه وشعب مصر ما بيصدق وبشوف حاجات عالفيس بجد تزعل جدا على حال السلفيين وكلام الناس عنهم وشوف واحد ملتزم من صغره تحس انه أما كبر جاله انفتاح غير عادى عالمجتمع وشوفت كتييييييير وعلى كل لون.. بس برده فى ناس تانيه كويسه جدا ومنهم اصحابى كانوا واخدين طريق اللى يروح ميرجعش والحمد لله ربنا أكرمهم والتزموا جدا بس هيا ثقافة مجتمع وبيت بتأثر فى الفرد فلن يصلح حالنا الا بصلاح المجتمع ..والتغيير فعلا لازم يبقى الفرد الاول بس التغيير محتاج تعاون وتوفير اشياء تساعد الفرد من هذا المجتمع


4 
DiNa

آولآ .. بحب آشكركـ ع آلتوبيكـ آلجميل دآ ,, فعـلآ آسسلوبكـ رآقي جدآ ف آلآقنـآع و فيه شيء من آلمرح ,, مـآشــآء آلله =)

ثـآنيــآ .. فـعـلآ في نـآس كتيرهـ جدآ بتحكم ع آلآنسسـآن بس من منظروو آلخـآرجي من غير حتى مَ يتكلموآ معـآه آو حتى يعرفوهـ !!

وصح بجد آلآعــلآم كــآن ليه دوور آسـآآسسي ف تششويه صورة آلملتحين ,,

يعني آنــآ بجد كونت آول مَ آشوف وآحد ملتحي مـآشي ف آلشـآرع بخـآف منوو ,, كونت بفكروو آنوو مومكن يقتلني !! ,, بسس آلحمدلله بجد لمـآ شوفت كتير نـآس كويسسة منهم بقيت بحبهم و موش بخـآف منهم خـآلص ,, و آكيد زي مَ في آلحلوو في آلوحشش :)

ثــآنكسس ع آلتوبيكـ آلآكتر من رآئع بجد و يسستحق آلتقييم :]


5 
أحبُكَ ربى

اقتباس: المشاركة الأصلية كتبت بواسطة لؤلؤة مصرية  مشاهدة المشاركة
اللهم امين

والله انا اعرف ناس قرايبى ملتحين مرحين ومش معقدين ومحترمين جدا ومش مكلكعين واخدين الدنيا ببساطة جدا وبشوشين وماشيين بما يرضى الله مش عارفة ليه الناس بتحكم عشان قلة عالناس سواء بدقون او ناس عادية طالما متعاملتش مع الانسان ازاى احكم عليه بمجرد ان حد قالى دة كويس او وحش او دقنه طويلة يبقى معقد او دى بشعرها تبقى مهرجة او دى منقبة تبقى متذمتة

ربنا يهدى

بس موضوعك جميل والله

اسعدنى مشاركتك جزاكِ الله خيرا


6 
Immigrant

انا بحيك جدا على موضوعك الجميل دا

بس دا كان من مساوء النزام السابق لانهم عارفين ان الدين والاسلامين خطر عليهم
حبوا يشوههم ف الإعلام المرئى والمسموع
المسلسلات والافلام


7 
أحبُكَ ربى

اقتباس: المشاركة الأصلية كتبت بواسطة ثائر الا ربع  مشاهدة المشاركة
شكر ا عالموضوع جاااااااااامد جدا


على بن ابى طالب رضى الله عنه وعن الصحابه اجمعين قال

كيف نزن بين رجل اتخذ الحق فأخفق ورجل اتخذ الباطل فأصابه


فالملتزم ممكن يخطئ لكن بيقابل الخطأ اعمال كتير فى الخير

بس فى حاجه تانيه خالص ان ناس كتير منهم بدأت تاخد طريق تانى خالص شوف كام واحد دلوقتى كان بيتقال عليه ملتزم بقى يدخل فالسياسه ويتكلم ويناقض ناس مسلمين برضه بس هما الدين ولا فارق معاهم شوف الاخوان بقوا عاملين الدين ازاى بعض السلفيين سايبين رسالتهم الاصليه اللى هيا دعوة الناس للإلتزام بكل ما أمر الله واتجهوا للسياسه وشعب مصر ما بيصدق وبشوف حاجات عالفيس بجد تزعل جدا على حال السلفيين وكلام الناس عنهم وشوف واحد ملتزم من صغره تحس انه أما كبر جاله انفتاح غير عادى عالمجتمع وشوفت كتييييييير وعلى كل لون.. بس برده فى ناس تانيه كويسه جدا ومنهم اصحابى كانوا واخدين طريق اللى يروح ميرجعش والحمد لله ربنا أكرمهم والتزموا جدا بس هيا ثقافة مجتمع وبيت بتأثر فى الفرد فلن يصلح حالنا الا بصلاح المجتمع ..والتغيير فعلا لازم يبقى الفرد الاول بس التغيير محتاج تعاون وتوفير اشياء تساعد الفرد من هذا المجتمع

شكراً جدا نورتنى مشاركة ممتازة ربنا يبارك فيك


8 
عيون حائره

فعلا مينفعش نحكم علي حد من مظهره ومينفعش نعمم حاجه لان اكيد مش كل الملتحيين وحشين ولا كلهم كويسين
ونقطه حلوه اوي انت وضحتها ان مش اللحيه هي اللي دفعت الانسان الملتحي انه يعمل اي تصرف غلط
لا ده تصرفه هو كانسان وطبيعي ان الانسان يغلط حتي لو كان ملتحي لان دي طبيعه بشريه
موضوع رائع ووضح حاجات مهمه
جزاك الله كل خير يامحمد


9 
ahmed015

ِ بارك الله فيك


Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.