العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
5Lik Fe 7aLk

السلام عليكم

دلوقتى بقالنا شهر بنسمع عن حاجات هتحصل يوم 25 يناير الجاى

فى ناس بتقول هنعمل ثوره تانيه و
كأن الثورات لما بتحصل بيبقى لها معاد ماذا تتوقع ليوم 25 يناير 2012 القادم؟ s14.gif

وناس تانيه بتقول هننزل مليونيه طرد المجلس العسكرى

وناس بتقول هنقتحم المركز العالمى الطبى عشان نثأر من مبارك

وناس بتقول هنقتحم وزاره الدفاع

وناس بتقول هننزل عشان نحل مجلس العشب الى احنا انتخبناه فكره بردو مع انه مش اجتمع ولا اتكون اصلا بس يلا هنحله وخلاص

وناس ماشيه بتقول يسقط الرئيس القادم

وناس كونت حرس ثورى مصرى للدفاع عن الثوره

وناس بتقول هنقتحم السجون

وناس وناس وناس .......

انت ايه رايك فى الى بيحصل دا

ومتوقع ايه الى ممكن يحصل يوم25 يناير الجاى؟



2 
eslam

مافيش حاجة من دى هتم اعتقد والله اعلم القضاء قادر يحقق الاستقرار لو حكم بعدل ورضا الناس كلها


3 
omar elgammal

متوقع اعتصام حتي رحيل المجلس العسكري عن السلطه وتسليم السلطه لمجلس انتقالي مدني


4 
5Lik Fe 7aLk

اقتباس: المشاركة الأصلية كتبت بواسطة omar elgammal  مشاهدة المشاركة
متوقع اعتصام حتي رحيل المجلس العسكري عن السلطه وتسليم السلطه لمجلس انتقالي مدني

ومين قال ان المجلس هيوافق اصلا بعد لما عملك انتخابات وماشى فى الديمقراطيه تقول اعتصام

وبعدين زهقنا من كلمه مجلس انتقالى مدنى دا بقت حاجه قديمه ومين قالك ان الى هيبقوا فى المجلس دا الشعب هيوافق عليهم

من اولها انا مش موافق ع الى هيجى بقى

وهعمل مظاهره عشان مش عايزهم

مفيش كلام من دا هيحصل بالاخص بعد لما الانتخابات خلصت وماششين فى سكه الدستور وبعدين الرئيس


6 
HOOK EL MASRY

انا متوقع مليونات سلمية زى 25 يناير اللى فات ضد المجلس العسكرى
ومش ضد الجيش
وان شاء الله البلد تكون احسن


7 
حبيبى حماده

والله ربنا يستر الواحد حاطت ايده على قلبه
بس انا اتمنا من ربى ان محدش يعمل ايه حاجه
يعنى التخريب وكدا علشان البلد مش نقصه
وبقول حاجه تانيه لشهداء خمسه وعشرين يناير
الله يرحمكم ودمكم مش هيروح هضر
ان شاء الله
وحسبنا الله ونعم الوكيل فيك يا مبارك يابن
.....................
انت ومراتك وعيالك


8 
Saroona

انا سمعت فعلا عن المواضيع ديه وانهم هيعملوا مظاهرات تانية وغير سلمية

واللى متوقعاه انهم لو عملوا مظاهرات مش هتبقى زى 2011 و مطالبهم هتكون بحل المجلس العسكرى


9 
ثائر الا ربع

انا رأى مع محمد ان اغلب جوانب الموضوع هتتوقف على المحاكمات

وطبعا الايد التالته اللى مجلسنا الموقر لسا لحد دلوقتى

ميعرفش هيا منين ولا بتيجى امتى هتعمل شغل عالى اوى

وبالنسبه للأفكار اللى هتنطرح ممكن مطلب اقالة المشير

وتسليم السلطه لمدنيين وطبعا الايد التالته هتزود مطالب هتخلى الجيش يضرب فالمتظاهرين


10 
BONDOKA

بالنسبة للاخ محمود توقعاته كلها ممكن يحصل حاجه منها لانها حصلت قبل كده تقريبا بالنسبة لتوقعاتى انه هيتجمع اقليه من الناس فالميدان لتكريم الشهداء وطبعا ناس تانيه من بتوع الطلبات اللى بتوقف حال البلد


أدوات الموضوع
انواع عرض الموضوع


مواضيع متشابهة مع: ماذا تتوقع ليوم 25 يناير 2012 القادم؟
أسر شهداء السويس يستعدون للشهادة من أجل القصاص فى يوم 25 يناير القادم من قسم أخبار مصر Egypt News
بالفيديو.. ألتراس الزمالك يهدد باقتحام "الدفاع" فى 25 يناير القادم من قسم أخبار مصر Egypt News
عاجل تفاصيل مخطط اشعال البلاد في 25 يناير القادم والذي كشفت عنه مصادر رفيعة المستوي من قسم أخبار مصر Egypt News
قبول دفعة جديدة من المجندين مرحلة يناير 2012 اعتبار من 24/9/2011 , الاوراق المطلوبة من مجندين مرحله يناير 2012 اعتبار من 24 سبتمبر2011 من قسم أخبار مصر Egypt News
نفى مصدر مسئول بالنادى الاهلى نية التعاقد مع اى حارس جديد فى شهر يناير القادم من قسم أخبار الرياضة Sports

الساعة الآن 04:09 AM.


Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.