العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

فاقد الشى لا يعطيه !!

كاتب الموضوع: ملكة بكبريائى، فى قسم: منتدى النقاش الجاد


1 
ملكة بكبريائى

السلام عليكم ورحمه الله وبركاته

وانا قاعدة كدا جت فى دماغى جمله
فاقد الشى لا يعطيه
؟؟
كلمه تحمل معانى كثيرة
وفى ناس تؤيدها وناس مش هتؤيدها

انا حبيت اناقشكم فى الموضوع دا
هل انت/ ى مع مقوله فاقد الشى لا يعطيه
بمعنى الفاقد للحنان او الحب
لا يعطيه
ولماذا؟؟
ام انت /ى ضد هذة المقوله
ولماذا؟؟؟؟



2 
سندريلا القلوب

بصى تبع الشخص
يعنى ممكن حد يبقى فاقد للحب والحنان بس تلاقيه حنين وحبوب جدا علشان فقدهم عايز يعيشهم حتى لو مش حسهم من حد
وممكن حد تانى فقدهم فمش حاسسهم اصلا فبالتالى مش عارف يعنى ايه حب وحنان؟ علشان كدا مش بيعرف يعطيهم



ثانكس



3 
ملكة بكبريائى

شكرا لرايك الجمييييييييل
تسلمى ياقمر


4 
mido

دى الحقيقه فعلا
تسلم ايدك


6 
RoOma ZaMalek

فاقد الشيء لا يعطيه
طبعا جملة مش محتاجه شرح لانها بتشرح معناها
بس الغريب يا جماعه ان فى امثلة كتيرة على اشخاص مثلا فقدوا اهلهم وهما صغيرين ومع ذلك مربيين اولادهم كويس وبيعاملوهم بطيبه وبحنيه
يعنى فقدوا الحنان وماشافوش يوم واحد حنان طول حياتهم ومع ذلك بيعاملوا ولادهم بكل حنان
واباء كتير اهاليهم كانوا بيقسوا عليهم ومع ذلك بيعاملوا ولادهم بكل بلطف وحنية الاباء
لانهم مش عايزين اولادهم يشوفوا اللى هما شافوه وامثلة كتيرة اوى على مواقف كتيرة اكيد كلنا شفناها وقابلناها
ومثال على كدا
النساء المحرومه من الانجاب بنلاقيهم فيهم طيبه وحنان وعطف مع كل الاطفال ويمكن اكتر من النساء اللى عندهم اطفال
واللى بيتحرم من الفلوس مثلا او بيعيش عمره فى ذل وهوان وهو صغير اكيد ما بيتمناش لولاده انهم يشوفوا اللى هو شافه
دى امثله كلنا شفناها
ودا مثل برضو كلنا سمعناه
فاقد الشيء لا يعطيه



7 
ملكة بكبريائى

مرسى مرورك ياريهام يعنى انتى رايك فاقد الشى يعطيه
مش لا يعطيه
وان الى فقد الشىء دا بيكون اكثر عطفا واكثر حبا اذا كان فقدة سابقا

مرسى نورتينى


8 
عيون حائره

انا مع وضد
يعني الانسان اللي بيفقد احترامه لنفسه مستحيل يقدر يحترم غيره والانسان الغير صادق مع نفسه بردو عمره ماهيبقي صادق مع اللي حواليه
وضد في مثلا لو حد فقد الاحساس بالعدل عمره ما يظلم غيره لانه داق الاحساس ده وعرف قد ايه هو صعب
واللي فقد الاحساس بالحنان اكيد هيعوض ده في انه يحن علي غيره
تسلمي علي الموضوع الجميل


9 
ملكة بكبريائى

معاكى حق ياقمر
تسلمى على مرورك الاكثر من رائع ياروحى



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.