العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
princess samar

يلا يا بنتي جهزي نفسك عشان بكره الساعه 8 جاي عريس يتفرج عليكي!!!!!!!!!!جهزي نفسك يابنتي بكره جايلك عريس الساعه 8 s15.gif

تصوروا إن الجمله دي فيه امهات بتقولها فعلا
جهزي نفسك يابنتي بكره جايلك عريس الساعه 8 s06.gifجمله بترخص اى بنت!
عجبته هيشيل
معجبتوش هيكبر
ولو مدخلتش مزاجه يدور علي غيرها ما هو مش خسران حاجه!

وفى بعض الارياف العريس يشوف العروسة ولو عجبتة يحط حاجة ذهب فى الصنيةجهزي نفسك يابنتي بكره جايلك عريس الساعه 8 s14.gif
معجبتهوش بيشرب الشاى ويمشى فى بنات كتير اعرفهم جلهم اكتئاب من كتر اللى جم شافوهم

وكرهوا الجواز والعرسان
جهزي نفسك يابنتي بكره جايلك عريس الساعه 8 s08.gif
يااااااااااااااااااه
للدرجة دي غلى الجواز ورخصت البنات!

جهزي نفسك يابنتي بكره جايلك عريس الساعه 8 s13.gif

العنوسه زادت ومش زادت وبس
لا
دي بقت الاساس والباقي اللي بيتجوز بيكون هو الاعجوبه في زمننا ده

*اسئلتي للبنات*

1_ترضي ان عريس ييجي يشوفك فى بيت اهلك وانتي عمرك ما شفتيه؟

2_وهيبقي احساسك ايه وهو هيشوفك لاول مره؟

3_ولو رفضك هتحسي بإيه؟

4_وياتري هتعيدي التجربه دي مره تانيه؟


*اسئلتي للشباب*

1_ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟

2_هيكون احساسك ايه وانت رايح تشوف عروسه لاول مره؟

3_شايف انك ممكن تكون نفسك فى كام سنه او يكون سنك اد ايه علي ما تفكر جديا فى الجواز؟



2 
5Lik Fe 7aLk

_ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟

اه اكيد موافق لان مش لازم احب عشان اتجوز الى بحبها لان تقريبا دلوقتى مبقاش فيه اى حب بينجح وبيتحول لجواز الا نادر ودا بقى شبه مستحيل اما انى اروح اتقدم لبنت مش اعرفها لمجرد انى شوفتها وعجبتنى وعجبتنى دى ليها حجات كتير عشان تعجبنى اه اكيد موافق

2_هيكون احساسك ايه وانت رايح تشوف عروسه لاول مره؟

طبعا قلقان جدا زى اى حد هيتحط فى موقف لاول مره بيمر بيه

3_شايف انك ممكن تكون نفسك فى كام سنه او يكون سنك اد ايه علي ما تفكر جديا فى الجواز؟

على لما اكون نفسى دى ممكن اعملها وانا عندى 30 سنه لان اكون نفسى يعنى شغل كويس مرتب محترم شقه كويسه عربيه نضيفه

انما للاهل دور كبير جدا طبعا

واكون جاد فى سن مثلا 25 ان انا اخطب او اتقدم

والجواز بقى ربنا يسهلها يمكن نخلص فى شهر ونتجوز محدش عارف


3 
princess samar

اقتباس: المشاركة الأصلية كتبت بواسطة ƒ а η κ ๐ ѕ н  مشاهدة المشاركة
_ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟


اه اكيد موافق لان مش لازم احب عشان اتجوز الى بحبها لان تقريبا دلوقتى مبقاش فيه اى حب بينجح وبيتحول لجواز الا نادر ودا بقى شبه مستحيل اما انى اروح اتقدم لبنت مش اعرفها لمجرد انى شوفتها وعجبتنى وعجبتنى دى ليها حجات كتير عشان تعجبنى اه اكيد موافق

2_هيكون احساسك ايه وانت رايح تشوف عروسه لاول مره؟

طبعا قلقان جدا زى اى حد هيتحط فى موقف لاول مره بيمر بيه

3_شايف انك ممكن تكون نفسك فى كام سنه او يكون سنك اد ايه علي ما تفكر جديا فى الجواز؟

على لما اكون نفسى دى ممكن اعملها وانا عندى 30 سنه لان اكون نفسى يعنى شغل كويس مرتب محترم شقه كويسه عربيه نضيفه

انما للاهل دور كبير جدا طبعا

واكون جاد فى سن مثلا 25 ان انا اخطب او اتقدم

والجواز بقى ربنا يسهلها يمكن نخلص فى شهر ونتجوز محدش عارف

ميرسيه لمرورك نورت ياقمر


4 
мσĦąмέđ

المفروض ده قسم للنقاش مش هقول ردى واجاوب على الاسئله واروح لازم تمسكينى من رقبتى وتعلقى على الاجابات


1_ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟
مفيش أى مشكله هتبقى فيه فتره خطوبه وافتكر هتبقى كفايه نتعرف فيها على بعض ونفهم حتى طباع بعض ويا أتفقنا يا أختلفنا مش شرط الأرتباط عن حب هو اللى ينجح

2_هيكون احساسك ايه وانت رايح تشوف عروسه لاول مره؟

لو أنا اللى مختار العروسه هيبقى عادى هبقى متوتر طبعا من قبول او رفض اهلها فى العادى

لو أهلى اللى مختارين العروسه هبقى بنقط ميه من كل حته

3_شايف انك ممكن تكون
نفسك فى كام سنه او يكون سنك اد ايه علي ما تفكر جديا فى الجواز؟


على حسب الشغل اللى انا فيه هحاول اجتهد على قدر مقدر عشان مذنبش خطيبتى

والله الجديه هتبقى من سن 25 وانت طالع

نايس توبيك




5 
princess samar

اقتباس: المشاركة الأصلية كتبت بواسطة мσĦąмέđ  مشاهدة المشاركة
المفروض ده قسم للنقاش مش هقول ردى واجاوب على الاسئله واروح لازم تمسكينى من رقبتى وتعلقى على الاجابات

ههههههه من عينى
1_ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟
مفيش أى مشكله هتبقى فيه فتره خطوبه وافتكر هتبقى كفايه نتعرف فيها على بعض ونفهم حتى طباع بعض ويا أتفقنا يا أختلفنا مش شرط الأرتباط عن حب هو اللى ينجح
والله كلامك زى فل
2_هيكون احساسك ايه وانت رايح تشوف عروسه لاول مره؟

لو أنا اللى مختار العروسه هيبقى عادى هبقى متوتر طبعا من قبول او رفض اهلها فى العادى

لو أهلى اللى مختارين العروسه هبقى بنقط ميه من كل حته
ياختى كميلة مكثوف يعنى
3_شايف انك ممكن تكون نفسك فى كام سنه او يكون سنك اد ايه علي ما تفكر جديا فى الجواز؟

على حسب الشغل اللى انا فيه هحاول اجتهد على قدر مقدر عشان مذنبش خطيبتى

والله الجديه هتبقى من سن 25 وانت طالع
هو ده الشاب المجاهد ياريت يكونوا كلك كدة
نايس توبيك


ميرسيه ياقمر لمرورك نورت


6 
nancy2002


1_ترضي ان عريس ييجي يشوفك فى بيت اهلك وانتي عمرك ما شفتيه؟

اه لو ماكانش فى حب فى حياتى او واحد مستنياه

2_وهيبقي احساسك ايه وهو هيشوفك لاول مره؟

هبقى مكسوفة جدا وهلبس الحتة اللى ع الحبل

3_ولو رفضك هتحسي بإيه؟

مافيش نصيب او مش مناسب ليا

4_وياتري هتعيدي التجربه دي مره تانيه؟

مش لما تيجى تجربة تانية ابقى افكر

تسلم يدك يا ملوكة


7 
ثائر الا ربع


1_ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟
لا مبدأى انى متجوزش واحده جواز صالونات يعنى واحد يقولى تعال شوفتلك عروسه واروح اشوفها لأ طبعا...ان مكنتش عارفها وعالاقل خالص اتكلمت معاها قبل كدا مره عمرى ما هروحلها ولا هتجوز بالطريقه دى ان شاء الله
2_هيكون احساسك ايه وانت رايح تشوف عروسه لاول مره؟
لو حصل وروحت هبقى مستغرب وراهب الموقف طبعا لاننا بنتعرف عشان نعيش مع بعض علطول يعنى خايف لتطلع مش اللى فدماغى خصوصا ان كل واحد فينا بيبين الحلو عنده وبس
3_شايف انك ممكن تكون نفسك فى كام سنه او يكون سنك اد ايه علي ما تفكر جديا فى الجواز؟
يعنى 24او 25 بالكتير دا كويس بالنسبه ليا اقدر اعيش شبابى معاها ومع عيالى


8 
احساس عابر

1_ترضي ان عريس ييجي يشوفك فى بيت اهلك وانتي عمرك ما شفتيه؟

لا طبعـــــــــــــــــــــــــــــــــــــا دا شئ مستحيل

2_وهيبقي احساسك ايه وهو هيشوفك لاول مره؟

هحس بالتقزز من شكلو هههههههههه

3_ولو رفضك هتحسي بإيه؟

ههههههههههههه هيبقي ليه عين يرفض دا اذا وافقت اقابلو لكن شكلي هبقي مضطرهـ اقابلو

هضربو طبعا

4_وياتري هتعيدي التجربه دي مره تانيه؟

لا ولو ضربوني ضر حرامي جزم

موضوع حلووووووو اوي بجد



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.