العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

في عصر الماديات; بماذا تقاس مرتبتنا عند الناس؟

كاتب الموضوع: الرجل الغامض بسلامته، فى قسم: منتدى النقاش الجاد


1 
الرجل الغامض بسلامته

السلام عليكم ورحمة الله وبركاته

للاسف اصبحت الناس في هذا العصر تقيس مرتبة الاخرين عندها بمستوى غناهم او ماذا يملكون!!
وليس بالطبع بمدى صدقهم وطيبتهم ووفائهم......الخ
يعني وبكل بساطة اذا كنت تمتلك النقود; اكيد ستكون لديك السلطة وكلمتك مسموووعة; والاكيد الاكيد كل الناس ستحبك.
ولو كنت فقيرا.................................. اكيد لك ولنا الله;في عصر الماديات; بماذا تقاس مرتبتنا عند الناس؟ s08.gif
ان الناس اصبحت تهتم بالماديات اكتر من المشاعر والاحاسيس??
اكيد تتفقوا معايا ولا ايه النظام



2 
Abo3li

اولا تسلم علي الطرح المتميز دا
ثانيا بالنسبة للاجابة علي سؤالك
اقولك انت قلت (( الناس ))
يعني قاعدتهم الاولي الاختلاف والتفاوت
يعني هتلاقي ناس بتحكم بالمظاهر بس
وناس موضوعية جدا
ناس بتشوف بعين واحدة
وناس بتشوف بعينين
وناس عمي بعيد عنك
يعني كدا كدا هتلاقي احوال واحوال
بس اكيد هتلاقي اللي يحبك ويقدرك ويشتريك
بس صراحة الفلوس بقت اهم حاجة عند ناس كتير جدا
وللاسف بقت هي الغاية والوسيلة دلوقتي عند ناس كتير
بس اكيد مش الكل كدا

بس للامانة بردو مهما بيكون طريقة حكمي فالفلوس او الماديات حاجة اساسية في حياة اي انسان علي وجه الارض
بس انت كل اللي عليك انك تعمل اللي عليك تجتهد وتتعب وبعد كدا كله بتاع ربنا بقي

وتسلم يا ايدك يا باشا


3 
الرجل الغامض بسلامته

ايوة يا ابو على معاك في الكلام مهو مش كل الناس كويسة ومش كلهم وحشين
بس احنا هنا هنقول بنسبة تفوق ال 90 % ماديين ومش عاوز ازودها كمان
وقليلين اوى اللى مش بيحكموا بالمستوى المادى حتى لو بطريقة غير مباشرة
واحنا قاعده عامة كده مش بننظر للاستثناءات الناس اللى هم بيحكموا بالاخلاق ومش بينظروا للمال دول استثناءات والله
فكده هنقول الناس بيحكموا بالماديات
هعطيك مثل احنا دلوقتى بنقول الانسان كائن حى عاقل هل معنى كده ان كل الناس عاقلين في استثناءات
وتسلم ع المرور الرائع يا ابو علي


4 
Layla

و عليكم السلام
الظاهرة دي فعلا موجودة بس مش الكل و مش المفروض تعمم
و طبعا المال لا يشتري السعادة
و الغنا الروحي اهم
و طبعا المشاعر و الاحاسيس زي ما قلت اهم من اي مال


5 
الرجل الغامض بسلامته

اقتباس: المشاركة الأصلية كتبت بواسطة Just LeaVe Me AloNe  مشاهدة المشاركة
و عليكم السلام
الظاهرة دي فعلا موجودة بس مش الكل و مش المفروض تعمم
و طبعا المال لا يشتري السعادة
و الغنا الروحي اهم
و طبعا المشاعر و الاحاسيس زي ما قلت اهم من اي مال

احم
ماشيز هرد عليك
اولا انا قولت ان قليل اوى اللى مش بيحكم على الناس باموالهم
وانا اتحداك بقي اذا كنتى يا ليلي مش بتنظري للشخص على اساس مستواه المادى ومظهره الخارجى ها
ياريت يا جماعه احنا عاوزين نغير من مجتمعنا كل واحد يصلح من نفسيته الاول مش عاوزين نعيش دور المثاليين معندناش اخطاء !!
شكرا يا لولا على المرور


6 
rawan roony

انا معاك ان الموضوع ده منتشر وبكثره الايام ديه

بس ربنا خلق الناس طبقات عشان يكملوا بعض

بس الغلط ان الواحد يستقل بالتاني او يستتفهوا

لان كل شخص له دور فعال في المجتمع اللي احنا عايشين فيه

وكمان ممكن بعد الثوره الموضوع ده يقل


تقبل مرور


7 
الرجل الغامض بسلامته

اقتباس: المشاركة الأصلية كتبت بواسطة rawan roony  مشاهدة المشاركة
انا معاك ان الموضوع ده منتشر وبكثره الايام ديه


بس ربنا خلق الناس طبقات عشان يكملوا بعض

بس الغلط ان الواحد يستقل بالتاني او يستتفهوا

لان كل شخص له دور فعال في المجتمع اللي احنا عايشين فيه

وكمان ممكن بعد الثوره الموضوع ده يقل



تقبل مرور

مهو ربنا خلقنا طبقات علشان نكمل بعض ده المفروض اللى يحصل
لكن مين دلوقتى بينفذ تعاليم ربنا كما يجب ان تكون !!
دلوقتى الفقير هيتجوز فقيرة وابنه هيبقى فقير والعكس
ولحد دلوقتى كل حاجة بنقول بعد الثورة بعد لاثورة تتغير ما احنا اهو بعد الثورة ومفيش اى حاجة اتغيرت ولا هو بعد الثورة لسه مش جه ؟
ثانكس ع المرور منورة


8 
Layla

تتحداني ازاي
طبعا الجوهر عندي اهم و بلاش ترمي الكلام و انت فاهم و انا فاهمة
اه عارفة انو الواحد لازم يصلح من نفسو و اولهم صاحب التوبيك


9 
rawan roony

اقتباس:
دلوقتى الفقير هيتجوز فقيرة وابنه هيبقى فقير والعكس

ليه ابنه يطلع فقير مهو ممكن يطلع حاجه كوبسه
احنا بس اللي بنشوف الدنيا سوده

اقتباس:
ولحد دلوقتى كل حاجة بنقول بعد الثورة بعد لاثورة تتغير ما احنا اهو بعد الثورة ومفيش اى حاجة اتغيرت ولا هو بعد الثورة لسه مش جه ؟

لا لسه الوضع مهداش في مصر لسه نظام مبارك شغال لسه بتطلع مظاهرات لسه فيه فتنه طائفيه .... مصر مش هتعدل قبل سنتين


10 
الرجل الغامض بسلامته

اقتباس: المشاركة الأصلية كتبت بواسطة just leave me alone  مشاهدة المشاركة
تتحداني ازاي
طبعا الجوهر عندي اهم و بلاش ترمي الكلام و انت فاهم و انا فاهمة
اه عارفة انو الواحد لازم يصلح من نفسو و اولهم صاحب التوبيك

هههههههههههه
ضحكتيني يا ليلي والله
على الاقل انا بعترف بأخطائى خليني بحكم بالماديات ده هنفرض يعنى
طب انا هعمل التوبيك ده ليه ؟ الا لو كنت بعترف بانى غلط ودى بداية التصحيح او انى مش كده والحمد لله
الدور والباقي على اللى مش بيعترف بالخطأ يا جماعه ولا ايه



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.