العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

فهل أنا بلا شخصية ؟؟

كاتب الموضوع: Abo3li، فى قسم: منتدى النقاش الجاد


1 
Abo3li

السلام عليكم ورحمة الله وبركاته

بسم الله الرحمن الرحيم


الموضوع دا انا بعاني منه فعلا فحبيت اشارك الكل بيه
واعرف رأيكم ورؤيتكم ..


كثيرا جدا ما نجد هنا في المنتدي او حتي باي منتدي
وغالبا بكل المواقع الاجتماعية
مواضيع وبوستات اختبارات الشخصية
وتجد كاتب الموضوع يحلل بدقة ويصفني (كما يري هو ) بادق التفاصيل
وقد يدخل ايضا في ادق تفاصيل التفاصيل بحياتي :

ويعرف ذلك من خلال لوني المفضل
او يوم الاسبوع المفضل عندي
او اغنيتي المفضلة
او حتي مطربي المفضل
او اكثر حيوان احبه
او عن رأيي الفلسفي في البحر
او رايي بكل الوان الورود
أو .. أو .. أو ......الخ

حقيقة انا لا امتلك اي من هذه الاشياء

فانا لا عندي لون مفضل مطلقا
فانا احب كل الالوان
ولا اكره لون واحد حتي
كل الالوان عندي سواء
كل الايام عندي ( زي بعض )
كل الحيوانات جميلة و ( حاجة في قمة الابداع )
وانا مش عمري ما هحب اغنية واقول ان دي احسن اغنية سمعتها في حياتي
وكدا كدا انا مش بسمع مغني انا بسمع اغنية بس ( لحن + كلمات ) واكيد صوت كمان
بس مستحيل اسمع لواحد معين كل اغانيه
لانه كدا كدا لازم يبقي وحش في مرة واتنين وتلاته
دا الطبيعي .. دي الدنيا
بحب كل الورود
والبحر عندي بقمة فلسفتي هو البحر فهل أنا بلا شخصية ؟؟ s11.gif
لا شيء اخر

والان : بما اني لا استطيع الاجابة علي سؤال واحد من أسئلة محلل الشخصية هذا
فتكون الاجابة :

أنا بلا شخصية ..!!

فهل أنا بلا شخصية فعلا ..؟؟

اترك لكم مساحة الرد والرأي الكافية جدا لتقولوا كل ما تريدون

ولكن لاكون أمينا معكم في رأي :

هؤلاء هم المنجمون
(( كذب المنجمون ولو صدقوا ))

وخاصة الناس اللي بيحللوا شخصية كل واحد فينا من خلال يوم ميلاده (( الأبراج اللعينة )) ..!!

كلامي انتهي لحد هنا
ومستني بكل شوق رأيكم وتعليقكم

أخوكم : أبوعلي
فهل أنا بلا شخصية ؟؟ s07.gif




2 
I'm JuSt Me

لأ أنت مش كده , بس الناس كلها مش شبه بعضها و ساعات بتكون مختلف تماما عن الناس في كل حاجه
بس ساعات بيكون ده تميز كمان
ده رأيي و محدش يتتريء عليا هههههههههههه


3 
Abo3li

اقتباس: المشاركة الأصلية كتبت بواسطة i'm just me  مشاهدة المشاركة
لأ أنت مش كده , بس الناس كلها مش شبه بعضها و ساعات بتكون مختلف تماما عن الناس في كل حاجه
بس ساعات بيكون ده تميز كمان
ده رأيي و محدش يتتريء عليا هههههههههههه

والله كلام جميل وعلي عيني وراسي كمان هههههههههه
تسلمي ويسلم مرورك


5 
Abo3li

والله كلامك فعلا معقول
بس صراحة هو ليه احتمالين :
الاول : ان الانسان دا يكون مختلف فعلا ودي في رأيي بتكون اكبر ميزة وعيب فيه
واحيانا كمان الانسان في الحالة دي بيحس اوقات انه زي البشر كلهم
واحيان تانية بيحس ان دا مش زمانه او مكانه او حتي كوكبه
واحيان اخري مش بيحس بدا اصلا

التاني : انه يكون بيوهم نفسه بكدا
وفي الحالة دي طبعا لازم يكون حاسس انه مختلف تماما

شكرا ليكي ونورتي الموضوع بجد


6 
sad smile

هو ساعات الواحد بيحس انه ملوش اي لزمه ف الحياه
بس كده هو ده رائيي
احم احم
محدش يعلق ع كلامي يعني


7 
Abo3li

احيانا فعلا ودا طبيعي جدا
او هي بتبقي مرحلة في حياة كل واحد
بس من الناحية التانية لازم يكون الانسان عنده ثقة وايمان كمان بذاته
وعشان دا يتحقق لازم يكون ليكي حلم كبير
وتكوني بينك وبين نفسك اكبر منه كمان

شكرا للمرور
نورتي


8 
shere

بص يا ابو على انا هقولك ع حاجه
فيه ناس وكتير أوى كمان مفتنعه بحاجه زى دى
موضوع الابراج الالوان الكلام ده كله انا مينفعش اقول عليه كلام فاضى
مع انه مش حقيقه هوه مجرد حظ او تخمين مش اكتر
انا عن نفسى ما احبش الحجات دى ولا شخصيتك من تاريخ ميلادك ولا حتى الابراج
وموضوع ان الواحد يعرفك من حاجه زى دى فده غلط وغلط جدا كمان
متوهمش نفسك بخيال اصلا
انا عن نفسى لو صادفت معايا ان انا قرئت حاجه زى دى الابراج او كده
وطلع حاجه حلوه انا عن نفسى اتمنى ان الحاجه دى تحصل بس ما ابنيش نفسى ع التوقع ده واقول هوه ده اللى هيحصل وابدأ اظبط نفسى عليهع
لا انا احلم ماشى ان الحاجه دى هتتحقق بس فيه حاجه اسمها احلام وردية
اهه انا كده احب احلم الاحلام الوردية دى
حصلت يبأه خير وبركه محصلتش برده خير وبركه
سورى يا نجم ع الاطالة
وتسلم ايدك ع الموضووووووووووووووع


9 
روح خالتو

انت جوبت بنفسك على نفسك
"كذب المنجمون ولو صدقوا"
يسلموووووووووووو


10 
Abo3li

اقتباس: المشاركة الأصلية كتبت بواسطة shere  مشاهدة المشاركة
بص يا ابو على انا هقولك ع حاجه
فيه ناس وكتير أوى كمان مفتنعه بحاجه زى دى
موضوع الابراج الالوان الكلام ده كله انا مينفعش اقول عليه كلام فاضى
مع انه مش حقيقه هوه مجرد حظ او تخمين مش اكتر
انا عن نفسى ما احبش الحجات دى ولا شخصيتك من تاريخ ميلادك ولا حتى الابراج
وموضوع ان الواحد يعرفك من حاجه زى دى فده غلط وغلط جدا كمان
متوهمش نفسك بخيال اصلا
انا عن نفسى لو صادفت معايا ان انا قرئت حاجه زى دى الابراج او كده
وطلع حاجه حلوه انا عن نفسى اتمنى ان الحاجه دى تحصل بس ما ابنيش نفسى ع التوقع ده واقول هوه ده اللى هيحصل وابدأ اظبط نفسى عليهع
لا انا احلم ماشى ان الحاجه دى هتتحقق بس فيه حاجه اسمها احلام وردية
اهه انا كده احب احلم الاحلام الوردية دى
حصلت يبأه خير وبركه محصلتش برده خير وبركه
سورى يا نجم ع الاطالة
وتسلم ايدك ع الموضووووووووووووووع

قبل ما ارد واي حاجة انا فعلا اتشرفت بردك
بس انا ليا احتراز معين (( وممكن تعتبره نصيحة أخ ))
وليا سؤال

خليني أبدا بالسؤال :
لما كله كلام مش حقيقي وحتي الحقيقي منه حظ او صدفة زي ما حضرتك قلت
(( وع فكرة السطر دا معناه فعلا انه تنجيم مش مجرد تخمين ))
ليه بعد كل دا بتقول انك مش هتقدر تقول عليه كلام فاضي ؟؟



ومن ناحية تانية اسجل احتراز صغير كدا هامشي علي كلمة احلام وردية
طيب بدل ما يكون الكلام دا مصدر لاحلامك الوردية
ماتبني هدف حقيقي لنفسك انت عايزه من جواك
مشاعرك وافكارك بتشدك ليه ويمكن انت مش حاسس بيه
بس دور عليه جواك .. اكيد هتلاقيه واكيد هتلاقي حاجة كبيرة ويمكن تفجأك كمان
ممكن تعتبر كلامي دا انه هو الكلام الفاضي فعلا
او مجرد كلام علي مفيش يعني كلام شكله حلو وبس .. بس مين بيعمل بيه يعني

صدقني لا ... وانا متاكد انك كمان شايفه لا

بجد انا شرفني جدا ردك ومرورك
ورجاؤ ميكونش كلامي دا زعلك او ضايقك
وشكرا جدا ليك




Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.