العودة   منتديات المصطبة > الأقسام العامة > منتدى المواضيع العامة

منتدى المواضيع العامة أهم المواضيع والقضايا العامة التى تشغل الرأى وتهدف إلى نشر الفائدة للجميع

يعني أية كولا زيرو !!

كاتب الموضوع: محمد احمد بركة، فى قسم: منتدى المواضيع العامة


1 
محمد احمد بركة

يعني أية كولا زيرو !!!!
يعنى يقولك ان من اهم انجازات عصر ما بعد الثورة هى مجانية التعليم ...
و اى اسرة فى مصر بتبيع اللى وراها و اللى قدامها علشان الدروس الخصوصية !!



يعنى يبقى عندك ثلث أثار العالم فى مدينة واحدة بالأقصر ...
وتلاقى دولة زى تونس عدد السائحين فيها اكتر من عندك !!


يعني تترشح في الانتخابات عن فئة (العمال) ...
تنجح فتعيش عيشة (الملوك) !!


إنك تمنع التدخين جوه القطار علشان تحافظ علي أرواح الناس ...
ويروح القطار بكل اللي فيه مخيش في قطار تاني !!


يعنى ابويا يسافر و يتغرب و يوفر شقة لولاده من فلوسه محدش دفعله فيها حاجة ...
و يجى بطرس غالى يفرض عليها ضريبة عقارية !!


يعنى الحكومة تعمل سور لقتل اطفال غزه ... ويطلع واحد يقولك البرادعى عميل لاسرائيل !!


يعنى وزير مالية عمل قانون الضرائب العقارية ...
وقال هيدفع عن القصور بتاعته ويطلع بيتعالج على نفقة الدولة !!


يعنى وزير صحة شريك فى كبرى مستشفيات البلد (دار الفؤاد) ...
و مراته تتعالج على نفقة الدولة في أمريكا !!


يعنى ناس غلابة و مش لاقين الزلط حتى ...
وعضو مجاس الشعب يطلب منهم ثلث قيمة قرار العلاج على نفقة الدولة رشوة علشان يتعلجوا على نفقة الدولة !!


يعني ندي الغاز لإسرائيل مدعم لعشرين سنه جايه ...
و المصريين مش لاقيين أنبوبه بوتاجاز !!


يعني وزير الإسكان يبقي سمسار اراضي ! !
ووزير التعليم يبقي بلطجي قديم ! !
ووزير الصحه بيتعالج علي نفقة الدوله ! !


يعني تبقي عندك بحرين و نيل قناة السويس و11 بحيره
وبتستورد السمك من بره !!
كل يوم يعملوا قانون مرور جديد .....
وضحايا حوادث الطرق سنويا اعلى من نسبة اللى ماتوا فى حرب اكتوبر !!
يعنى كولا زيرو
وغاز زيرو
ومرتبات زيرو
وضمير زيرو
وتنمية زيرو
وانتخابات زيرو
و صحة زيرو
وتعليم زيرو
و دقيق زيرو
وزيرو فى المونديال


يعني مصر تفضل محتله 70 سنه ومداينه انجلترا
و في 30 سنه من حريتها تبقي مديونه لكلاب السكك
و هو ده استهبال زيرو


يعني بيقي عندك التربه و الجو الصالح لجميع المحاصيل
و تدخل الاراضي الزراعيه كردون مباني
علشان شوية معـ.........تيييت
يصحوا من النوم يبصوا علي النيل


يعني تروح الصحراء علشان تستصلح الاراضي
و تسيب الارض اللي جنب الميه


يعني تجيب شركات خاصه و مواد غاليه
علشان تعرف تبني جنب النيل


يعني ليه تدفع اقل لما ممكن تدفع اكتر
علشان تحصل ازمه و الاسعار تعلى
و في النهايه متقلش ايه ادتنا مصر


قول حندي ايه للي ماسكين مصر




ياترى ده كله ممكن يبقى فى احتمال حتى ولو صغير
انه يتغير ولا سيظل الحال كما هو عليه؟



2 
Abo3li

هههههههههههههههههه
يخرب بيت دي سنين يا راجل

بص بصراحة لازم يكون في تفائل اكتر من كدا
وباذن الله احنا اللي نحكم بلدنا
واحنا اللي نكتب مصيرها من جديد بشغلنا وتفكيرنا ووعينا
باذن الله


3 
روح خالتو

ههههههههههههههههههههههههههههههه
بصراحه على قد ماكلامك صح وبيحكى مأساه
بس برضو يهلك من الضحك
عين توبيك مش زيرو
يسلمووووووووووووووووو



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.