العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

ليه بس يا زمن

كاتب الموضوع: مسافر بلا عنوان، فى قسم: منتدى الشعر والخواطر


1 
مسافر بلا عنوان


ليه بس يا زمن ماعدش فيك اخوات
راحو كده ونسيونى ولا فاكرينلى ذكريات
وانا الضيعت عمرى عليهم وعملت ان قلبى مات
باعونى كده ونسيونى وفرحو انى مقضيها سكات
.........................
بكل ما املك فديتهم واديتهم حتى عينى
عملت كتير عشانهم ولا يوم بيفتكرونى
كانو فين هما لما كنت وحدى وسابونى
الله يسامحك يا ابويا ساعدتهم يضيعونى
.........................
ده حتى المثل بيقول يا بن ادم اهلك يا تهلك
ويوم ما تحتاج ليهم تلاقي نفسك لوحدك
ويا سلام لو تعاتب يقولك يا عم احنا ملكك
يا اخويا عايزك تصحى دانا من لحمك ودمك
.........................
يا عينى ع الكلام لما يببقه متزوق
والكل يهرب منك لما تتحط فى مزنق
.........................
دا حتى النبى يا ناس وصى على سابع جار
هونت عليك ياللى منى تسيبنى عايش محتار
المهم عملت ال عليا عشانك وربك حليم ستار
.........................

اهداء لاخويا ال من لحمى ودمى



2 
shere

الله عليك يا ليدو
بجد جميله
بس بطلب منك طلب شوف الاول اخوك ممكن انت تكون غلطان فى الحكم عليه
وربنا يديم المعروف والحب بينكم
ويهديكم لبعض


3 
مسافر بلا عنوان

تسلم يا غالى
لا يا صاحبى والله ما غلطان
انا مرتاح كده وهو بعيد ربنا يصح حاله


4 
Wana Maly

الدنيا مشاغل يا وليد زى ماكلنا عارفين واكيد برضه زى مانت عندك ظروف هتلاقيه عنده ظروف انا مش بدافع عنه وفى نفس الوقت معاك على معاتبته بس لازم تبدأ انت الاول واكيد هوا هيبدأ معاك لإن الدم عمره مايبقى ميه

كلماتك جميلة جدا ومؤثرة
احلى تقييم ليك يا ليدو
...


5 
♥ MeKo ♥

اية يا ليدو الاكتئاب ده

ربنا يصلح الحال بينك وبينة يارب

وانتو اخوات يعني المفروض مفيش بينكم الكلام ده

كلمات حلوة جدا بس مش متعودة منك علي كدة


6 
مسافر بلا عنوان

اقتباس: المشاركة الأصلية كتبت بواسطة wana maly  مشاهدة المشاركة
الدنيا مشاغل يا وليد زى ماكلنا عارفين واكيد برضه زى مانت عندك ظروف هتلاقيه عنده ظروف انا مش بدافع عنه وفى نفس الوقت معاك على معاتبته بس لازم تبدأ انت الاول واكيد هوا هيبدأ معاك لإن الدم عمره مايبقى ميه

كلماتك جميلة جدا ومؤثرة
احلى تقييم ليك يا ليدو
...

مش موضوع مشاغل يا درش ولا انا ملهوف على لقاه
انا خلاص تقريبا نسيته
ومش ظالمه والله
تسلم ايدك يا غالى ونورتنى


7 
Hinamori Amu

اقتباس: المشاركة الأصلية كتبت بواسطة مسافر بلا عنوان  مشاهدة المشاركة
مش موضوع مشاغل يا درش ولا انا ملهوف على لقاه
انا خلاص تقريبا نسيته
ومش ظالمه والله
تسلم ايدك يا غالى ونورتنى

أنا عارفا ان أكبر خناقة فى الدنيا بتكون بين الأخوات بس
بردو ميمفعش تنساه لأنه أخوك وعارفه انو عبط لما أجرى وأصالح حد
مش بيصالحنى بس بردو هوا أخوك وفيه نوعين من الأخوات اليومين دول
قابيل وهابيل و موسى وهارون ...ياترى بقى احنا مين في دول فياريت تحاول
على قد ماتقدر تصلح العلاقة مابينكوا يعنى أنا آخر واحدة أتكلم عن
العلاقة الكويسة بين الأخوات ولسه متخانقه مع أخواتى امبارح وكل يوم بس
صالحونى وجابولى دبدوب كمان أول مرة يعملوها الدزمتين
حاول تروح لأخوك وتقعدوا مع بعض وتحلوا مشاكلكوا بهداوة وهتفرق كتير
عشان خاطرى ماتخلوش إبليس يوقع مابينا أكتر من كده


8 
مسافر بلا عنوان

اقتباس: المشاركة الأصلية كتبت بواسطة mehoooo  مشاهدة المشاركة
اية يا ليدو الاكتئاب ده

ربنا يصلح الحال بينك وبينة يارب

وانتو اخوات يعني المفروض مفيش بينكم الكلام ده

كلمات حلوة جدا بس مش متعودة منك علي كدة

ان شاء الله يا ميهو
انا عارف ان احنا اخوات بس هو ال مش عارف
خلاص مش هكتب زى كده تانى


9 
مسافر بلا عنوان

اقتباس: المشاركة الأصلية كتبت بواسطة tutu monna  مشاهدة المشاركة
أنا عارفا ان أكبر خناقة فى الدنيا بتكون بين الأخوات بس
بردو ميمفعش تنساه لأنه أخوك وعارفه انو عبط لما أجرى وأصالح حد
مش بيصالحنى بس بردو هوا أخوك وفيه نوعين من الأخوات اليومين دول
قابيل وهابيل و موسى وهارون ...ياترى بقى احنا مين في دول فياريت تحاول
على قد ماتقدر تصلح العلاقة مابينكوا يعنى أنا آخر واحدة أتكلم عن
العلاقة الكويسة بين الأخوات ولسه متخانقه مع أخواتى امبارح وكل يوم بس
صالحونى وجابولى دبدوب كمان أول مرة يعملوها الدزمتين
حاول تروح لأخوك وتقعدوا مع بعض وتحلوا مشاكلكوا بهداوة وهتفرق كتير
عشان خاطرى ماتخلوش إبليس يوقع مابينا أكتر من كده

ربنا يخليكى لاخواتك يا قمر ويخلى اخواتك ليكى
انا ال بينى وبينه مش مشاكل ولا خصام
هو دمرنى واخد كل ما املك ورمانى ولا حتى بيعرفنى بتليفون
اروح اصالحه فين وانا فى السعوديه وهو ف مصر
وعلى فكره هو الصغير انا اخوه الكبير
ربنا يصلح حاله بعيد عنى


10 
أحبُكَ ربى

قالوا الشقيق بيمص دم الشقيق
والناس ماهياش ناس بحق وحقيق
قلبى رميته وجبت بداله حجر
داب الحجر .. ورجعت قلب رقيق

اول مرة اقرأ لحضرتك حاجة كلماتك فى غاية الروعة من شعور صادق وقلب ابيض
لكنها صعبة اوووووووووووووووووى

عندى اضافة اتمنى تسمعها من اخوك الصغير :

بجد الحياة اقل من اننا نخاصم حد عشانها اتمنى انكم لو زعلانين تتصالحوا حتى لو مش هتتعاملوا مع بعض

واذكر نفسى وااياك ببعض من قول الله تعالى :

قال تعالى {خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ}(199) سورة الأعراف

قال تعالى {فَاصْفَحِ الصَّفْحَ الْجَمِيلَ}(85) سورة الحجر

قال تعالى {وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ} (22)سورة النور

قال تعالى {وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ} (134) سورة آل عمران

قال تعالى {وَلَمَن صَبَرَ وَغَفَرَ إِنَّ ذَلِكَ لَمِنْ عَزْمِ الْأُمُورِ }(43)سورة الشورى.


3- وعن ابن مسعود رضي الله عنه قال: كأني انظر إلى رسول الله صلى الله عليه وسلم يحكي نبياً من الأنبياء، صلوات الله وسلامه عليهم ضربه قومه فأدموه، وهو يمسح الدم عن وجهه ويقول: (اللهم اغفر لقومي فإنهم لا يعلمون) متفق عليه.



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.