العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
RoOma ZaMalek

"امتى هانفرح بيكي بقى؟" "كبرتى و بقيتي عروسة" "عريسك عندى"



مين قال ان البنت اول ما تلف و تدور لازم تلبى نداء الطبيعة الا و هو الجواز؟
مين فرضه اصلا اول ما اتم 20 سنة لازم مشوار الالف عريس يبدأ؟
مستنى ايه من البنت تعمله و لا تؤمن بيه وسط مجتمع ذكورى
شايف الجوازة دى تجارة، و البنت بضاعة و العريس هو التاجر الشاطر اللى يشترى بأقل مبلغ من وجهة نظره و مع ذلك يذغلل عين الزبون؟
طبعا ابوها زبون، ماهو بيرمى بنته للى يدفع اكتر

"و انت يا ابنى بتشتغل ايه؟ دكتور؟ اخلاقك؟ لا يابنى احنا بنشترى راجل، على بركة الله"

اممممم، لو على كدة يبقى الشهادة هتشيل عيالها فى ايام تعبها و تأكلهم و تشربهم
الشهادة هتحتويها هى نفسها و تعاملها بما يرضى الله
الشهادة هتعمل بيت كبير اوى مليان سعادة
مش الاخلاق لا سمح الله !
يبقى اسمها -بنشترى شهادة مش راجل-

"ماما، انا نفسي اشتغل و يبقى ليا كيانى"

"تشتغلى ايه انتى اتخبلتى؟ مش شايفة بنت طنطك عفاف اتجوزت و انتى قاعدة لسة زى خيبتها كدة"

اصل البنت ملهاش غير .... جوزها و بيتها و عيالها
اصل اللى يخلف بنت فى مجتمعنا يبقى بيكتب شهادة وفاتها مع ميلادها
يعنى ايه بعد ما اهلى يدفعوا فى تعليمي دم قلبهم و اكبر عشان مستقبلى يبقى -طريقة اعداد بطاطس بصدور الفراخ- ؟!


الراجل راجل و الست ست، بس الاتنين انسان

روح ليها حلم و كيان و طموح جامح نفسه يتحقق

من فضلك، كفاية محاولة فى كيفية تحطيم دورى فى مجتمع بيرفض وجودى اصلا !



2 
mero 3yza hero

على فكرة انتى عندك حق فى كل اللى قولتية
واحنافعلا مش هنتغير الا لما المجتمع يغير نظرتة دى
اللى من ايام الفراعنة من ناحية الجواز
ومش يتبصلة على انةمصلحة والسلام..!!
ولا انتى رايك اية..!!



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.