العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
nancy2002

اسفة لازعاجكم بس انا قلقانة حبيت اشاركم همومى
طبعا فى ناس عارفة ان بنت خالتى كانت بايتة عندنا تلت ايام
وانا عندى اخ وفى سنها
البنت مرحة وجميلة ورقيقة ومحترمة
و بتحب السهر واحنا ماكناش مستعدين للسهر فى الايام دىبس سهرنا برضو ماينفعش تقعد لوحدها

واخويا كمان سهر معانا
البنت قعدتها حلوة بتتكلم وتحكى وتضحك وتلعب بصراحة عسل
فى السهرة ع الفجر كده لقينا اخويا طلع البلكونة على غير عادته ووقف لوحد لما دخلنا انا وهى واختى نقف معاه وقف شوية ومشى
وهى عمالة تقول ماله وطلعت تكلمه بس ماردش
اختى نامت وسابتنا واخر ما زهقنا لعبنا انا وهى كوتشينة راح جه بعد شوية لعب معانا
كان بيضحكنا ويبين نفسه غبى عشان تضحك ويقول مش فاهم ويخسر نفسه
ويطول فى اللعبة قوى واحنا خلاص هنلعب يروح متكلم وسائلها سؤال ويرخم عليها
انا فكرت انه ممكن يكون اعجب بيها
وبالذات لان عندنا فى العيلة مابيسيبوش حد فى حاله وخالاتى الاتنين منمرين عليه
بس التانية كئيبة اكتر ومع نفسها

وفتحت دلوقتى متصفحه (انا ليا flock,وهوfire fox)
لقيت مواضيع عن الحب من اول نظرة وازاى تعرف انك بتحب وايه اللى بيعجب البنت فى الولد وكده
وهو ما بيبحثش عن موضوع غير لو محتاجة قوى
وهو كان طول عمره بيسخر من حب المراهقة ويقول احنا اللى بنخترعه ومالهوش فى كده ولا حتى مش ليه صحاب ولاد ولا بينزل مع بابا شغل على طول مع نفسه ع الكمبيوتر وقاعد معانا فى البيت

عارفة انى رغيت كتير بس انا قلقانة قوى عليه انا اصغر منه ب3 سنين واكيد عمره ما هيقولى حاجة ذى دى لان احنا صحاب فى حاجات عادية ممكن نناقش مواضيع كبيرة والبنات والشباب وحاجات الكمبيوتر بس مش قوى كده
خايفة ليحب قوى وينكسر خايفة يتعقد فى حياتهخايفة عليه بجد

ياترى بيحب فعلا ولا بيتهيألى بحثت فى جوجل مالقيتش اللى انا عايزاه اويمكن عشان بقاله يومين بس
وثقت فى رأيكم وانكو هتفهمونى فما تبخلوش عليا بمعرفتكم وخبرتكم
هو رايح 2 ثانوى



2 
nancy2002

انا عايزاه يحب ويبقى كويس
بس...
انا اصلا مش عارفة ايه اللى قالقنى اول ما شفت المواضيع دى وانا قلبى بيوجعنى وبيدق بسرعة وخايفة قوى وعمالة اعيط لوحد من غير اى حاجة
مش عارفة ايه سبب قلقى
وليه كده
اعذرونى لعدم وجود سبب لقلقى وحيرتى لكن انتم الحكم فماذا تختاروا؟


3 
wonderful*Girl

هههههه
واللهي طبيعي يحبها
لان شخصيتها حيلوة زي مابتقولي.. وانا
عن رأيي يستمر بـ الحب دهلــــو هيه كومان بتحبه..
أو ع الاقل موعجبه.. مفيهاش حاجه دي لو حبها
عاتي يابت..
متخافيش ولا تقلقي اخوكي كبير وعارف بيعمل ايه
ولو عايزة ممكن تجرجريه الكلام وتعرفي بالنهايه
اسمو اخوكي وممكن يعترفلك مشاعره يابت..

وشوكرا لأصغائك..


4 
حمزاوى

دا الحب من اول نظرة او من نظرة عين

خاصة ان البنت فيها صفات كتير حلوه

خليت اخوكى يعجب بيها وبشخصيتها اكتر

عشان كدا هو حاول يشتت انتباها ليها بانه ميردش عليكم واد تئيل بئى

بس معرفش يطول فى التئل رجع وضحك تانى

بس انا زى اما قولتلك دا الحب من نظرة عين

وهو كدا اكيد حبها وفى همزة وصل ربطتهم ببعض ناو وحاولى تتأكدى

لاننى اعتقد 100% انه ناو كلمها وصارحها بحبه ليها

واوعى تكونى انتى اللى حصل معاكى الموقف دا مش اخوكى

ارجو تكون وجهة نظرى مضايقش حد منى

دمتم بخير


5 
ҳ̸Ҳ̸ҳ ๓๏รtคŦค ҳ̸Ҳ

بصى لو زى ما حمزاوى بيقول انه صارحها
هتلاقى لاما هو لاما هى خلال يومين حد فيهم طلب يروح للتانى
وهتلاقيه قافش فى موبايله اكنه ماسك حرامى
ولو هى بتقعد على النت ويقدر يتواصل معاها ع طريقه
هترقيه مبيقمش من على الجهاز
بصى هو لو فعلاً حبها
انتى لوحدك هتلاحظى تغيرات جزريه
ربنا يسعده يا رب
بس انا عندى ملحوظه
احزرى ارتباط الاقارب لانه بيعمل مشاكل كتير اوى
وربنا يستر



6 
ملكة بكبريائى

بصى ياحبيبتى الحب ملهوش معاد ولا زمان
وداخل 2 ثانوى يعنى ناضج اوى وعارف هو بيعمل ايه وبيتصرف ازاى
بصى متخفيش عليه حاولى انتى ابدأئى بالكلام معاة
وطبعا ممكن يتهرب
جبيهاله قوليله دى حتى البت قربيتنا كانت بتقول عليك
وهو وتصرفه هيبان بيقول ايه
وألفى وحاولى تاخدى وتدى معاة كويس

اوك يا قمر
وتعرفى من قربيتك لو هى كمان معجبه بيه يقى كويس
لكن لو مش معجبه خالص
يبقى ينساها


7 
Abo3li

صراحة انا مش عارف اقول رأيي بعد الكلام اللي سبق كلامي دا
عموما انا كلامي هيبقي عقلاني اوي يعني ممكن يكون رخم سنة فبلاشه

بس هو أخوكي الكبير المفروض هو اللي يقلق عليكي مش انتي


8 
princess samar

هههههههههه اخوكى موزة ولا لا يابت عاوزة اعرف ههههههه

عموما لو حبها عادى مفيهاش مشكلة الحب مش بيعقد ولا بيتعب الواحد ولو بيحبها بجد حاولى تعرفى هى كمان بتحبه ولا لا لو خايفة عليه فاعرفى من الاول قبل مايتمسك فيها جاااامد وحاولى تكونى صحبته اكتر ياقمر وابقى قوليلى بيحبوا بعض ولالا


9 
nancy2002

اقتباس: المشاركة الأصلية كتبت بواسطة wonderful*Girl  مشاهدة المشاركة
هههههه
واللهي طبيعي يحبها
لان شخصيتها حيلوة زي مابتقولي.. وانا
عن رأيي يستمر بـ الحب دهلــــو هيه كومان بتحبه..
أو ع الاقل موعجبه.. مفيهاش حاجه دي لو حبها
عاتي يابت..
متخافيش ولا تقلقي اخوكي كبير وعارف بيعمل ايه
ولو عايزة ممكن تجرجريه الكلام وتعرفي بالنهايه
اسمو اخوكي وممكن يعترفلك مشاعره يابت..

وشوكرا لأصغائك..


هو ده اللى انا عايزاه بس حاسة انها مش بتحبه لانها بنت حلوة ومعروفة فى المنطقة عندها

اقتباس: المشاركة الأصلية كتبت بواسطة حمزاوى  مشاهدة المشاركة
دا الحب من اول نظرة او من نظرة عين

خاصة ان البنت فيها صفات كتير حلوه

خليت اخوكى يعجب بيها وبشخصيتها اكتر

عشان كدا هو حاول يشتت انتباها ليها بانه ميردش عليكم واد تئيل بئى

بس معرفش يطول فى التئل رجع وضحك تانى

بس انا زى اما قولتلك دا الحب من نظرة عين

وهو كدا اكيد حبها وفى همزة وصل ربطتهم ببعض ناو وحاولى تتأكدى

لاننى اعتقد 100% انه ناو كلمها وصارحها بحبه ليها

واوعى تكونى انتى اللى حصل معاكى الموقف دا مش اخوكى

ارجو تكون وجهة نظرى مضايقش حد منى

دمتم بخير

لا اكيد ماكلمهاش يعنى اصلا هو خجول وهادئ
ماكنت ماشى كويس ايه اللى جرالك اكيد مش انا يعنى ولو انا هقولكوا

اقتباس: المشاركة الأصلية كتبت بواسطة ҳ̸Ҳ̸ҳ ๓๏รtคŦค ҳ̸Ҳ  مشاهدة المشاركة
بصى لو زى ما حمزاوى بيقول انه صارحها
هتلاقى لاما هو لاما هى خلال يومين حد فيهم طلب يروح للتانى
وهتلاقيه قافش فى موبايله اكنه ماسك حرامى
ولو هى بتقعد على النت ويقدر يتواصل معاها ع طريقه
هترقيه مبيقمش من على الجهاز
بصى هو لو فعلاً حبها
انتى لوحدك هتلاحظى تغيرات جزريه
ربنا يسعده يا رب
بس انا عندى ملحوظه
احزرى ارتباط الاقارب لانه بيعمل مشاكل كتير اوى
وربنا يستر



ربنا يستر فعلا
وشكرا ليك


اقتباس: المشاركة الأصلية كتبت بواسطة مونى 15  مشاهدة المشاركة
بصى ياحبيبتى الحب ملهوش معاد ولا زمان
وداخل 2 ثانوى يعنى ناضج اوى وعارف هو بيعمل ايه وبيتصرف ازاى
بصى متخفيش عليه حاولى انتى ابدأئى بالكلام معاة
وطبعا ممكن يتهرب
جبيهاله قوليله دى حتى البت قربيتنا كانت بتقول عليك
وهو وتصرفه هيبان بيقول ايه
وألفى وحاولى تاخدى وتدى معاة كويس

اوك يا قمر
وتعرفى من قربيتك لو هى كمان معجبه بيه يقى كويس
لكن لو مش معجبه خالص
يبقى ينساها


حلوة حكاية التاليف دى وانا فالحة قوى فى القصص والرغى

ماهو اللى مخوفنى بقى لو ما بتحبوش وبالذات ان ده اول حب ليه بعد ماكان بيعتقده تفاهات

اقتباس: المشاركة الأصلية كتبت بواسطة Abo3li  مشاهدة المشاركة
صراحة انا مش عارف اقول رأيي بعد الكلام اللي سبق كلامي دا
عموما انا كلامي هيبقي عقلاني اوي يعني ممكن يكون رخم سنة فبلاشه

بس هو أخوكي الكبير المفروض هو اللي يقلق عليكي مش انتي


اكيد بس انا خفت عليه عشان بحبه جدا حتى اكتر من اختى مليون مرة
هو بالنسبالى احسن من صحابى كمان لازم اقلق عليه


اقتباس: المشاركة الأصلية كتبت بواسطة ملوكة وبس  مشاهدة المشاركة
هههههههههه اخوكى موزة ولا لا يابت عاوزة اعرف ههههههه

عموما لو حبها عادى مفيهاش مشكلة الحب مش بيعقد ولا بيتعب الواحد ولو بيحبها بجد حاولى تعرفى هى كمان بتحبه ولا لا لو خايفة عليه فاعرفى من الاول قبل مايتمسك فيها جاااامد وحاولى تكونى صحبته اكتر ياقمر وابقى قوليلى بيحبوا بعض ولالا


اوت يا بت انتى جاية تعاكسى اخويا عينى عينك كده
موز ياختى اطمنى وكل صفات العالم فيه ذكى عاقل هادئ خجول رخم تبت وتييييييت
ههههههه
يادزمة انا مش عارفة اكلم اخويا وانتى عايزانى اكلمها هى كمان



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.