العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

فكروا معايا بصوت عالي

كاتب الموضوع: so crazy bnota، فى قسم: منتدى النقاش الجاد


1 
so crazy bnota

,سلام عليكو ,
واللهي هو موضوع كده شاغلني وشاغل تفكيري جدا بما اننا ف مطلع 2014 وي رب تكون سنه سعيده ع الكل :) وباقي ع سنتي الدراسيه قيمه 5 اشهر اقل بقا او اكتر فتره بسيطه يعني

كنت بفكر ف موضوع فقلت افكر معاكوا بصوت عالي ع الاقل اعرف رأيكوا ويا ترا انا بفكر صح ولا غلط ولا لسسه بدري اصلا ع تفكيري ده !!!!!!
وكأي اب مصري نفسه يشوف بنته دكتوره اد الدنيا الفكره دخلت دماغي وحاولت اقنع نفسي بيها وفعلا اقتنعت
بس للاسف بالالسلوب اللي انا ماشيه بيه ده وقله مزاكرتي ويمكن مستوايا هو مستوايا مش وحش خااااالص
بالعكس انا لو زاكرت هوصل لو بقا

المهم مش ده اموضوع ,,,,,,الموضوع هو انا حاولت افكر واركز وافتكر اكتر حاجه كنت بحبها وانا صغيره اكتر حد حبيته وكان نفسي ابقا زيه وافتكرت نفسي وانا صغير ه وانا ماسكه العصايه وعماله اشرح لانتريه بتاعنا وعماله اشرح واحاو\ل افهم واضرب
لقيت ان فعلا الحاجه اللي هلاقي فيها نفسي هيا اني ابقا مدرسه ومدرسه علوم كمان واعدادي كمان
لقيت ان ف حلم بيتولد جوايا وبيكبر كمان اني اخلص ثانوي وادخل كليه بس مش عارفه اداب احسن ولا تربيه وانهي اللي تفيدنا اكتر وفكرت كمان اني ادي دروس وانا بدرس ومن هنا بدا الحلم يكمل ومش زنبي اني ف مجتمع هيبص لاختياري ع اني جبت مجموع وحش فدخلت اداب او تربيه او ف مجتمع بيظلم كليات ع حساب كليات او ف مجتمع مش بيعترف الا بالقمه ف كل شئ
المهم
انتوا ايه رايكوا ف طريقه تفكيري دي ي ترا صح ولا غلك ي تري لسه بدري بفكر ف ده دلوقتي ليه
شوفوا انتوا عايزين تقولولي ايه وكلي اذان صاغيه



2 
chahin

أهلا ..

ليس ذنب أن يبلغ طموحنا عنان السماء ..

و ليس من المعيب أن نخطط إلى أبعد نقطة في حياتنا ..

فيقال أطلب المستحيل تنال المعقول ..

ويقال إعمل لدنياك كأنك تعيش أبدا ، و إعمل لأُخراك كأنك تموت غدا ..

أما عن ما قد يقول الناس ، فالقافلة تسير و الكلاب تنبح ..

و إرضاء الناس غاية لا تدرك ..

فإفعلي ما تشائين و يكفيك أن ترضي الله ثم الوالدين و ضميرك ..

أمّا البقية الباقية فلو إجتمع الإنس و الجن على أن يضروك بشيئ لن يضروك إلا بما كتب الله لك ..

سدد الله خطاك ..




شاهين ..


3 
Hayaty agmal ma feeha

لا طبعا مش صغيره ع التفكير دهـ

بنى ادمين كتير بيفكرو اكيد نفس تفكيرك دهـ وهما × نفس سنك

بس اهو اسمه تفكير الجدع بقا اللى يخلى التفكير دهـ واقع

ويقدر فعلا يتغلب على اى حاجه منعاه من انه يأدى واجبه × الدنيا دى

كفايه انك تبقى فخوره بنفسك واهلك فخورين بيكى وانك مبتعمليش حاجه تغضب ربنا

دى كفايه اوى

المهم نعمل اللى علينا وفى الاخر اللى على ربنا يكون

وربنا معاكى ي رورو انتى حد جميل جدا وتستاهلى كل خير


4 
وعد الغرام

طيب لما ده مش وقته أمال وقته امتى

بصى كليه طب وتبقى دكتوره هيه هتفيدك اكتر لفرصه الشغل

ولاكن مدرسه فرصه الشغل قليله اوى

مفيش تعينات.. مش بسهوله تكونى مدرسه
هتعطى دروس لمين وانتى بتدرسى؟؟

مفكره الكليه سهله وهتلاقى وقت انك تعملى حاحه غير دراستكك

اوعى تفكرى انى بحبطك
بس اعملى دراسه جدوى اكتر من كده لطموحك
وكلنا واحنا صغيرين بنحلم بحلم المدرسه
لانها قدوه لكل الاطفال المدرسين لى ف المدرسه

فكرى كويس وف كل الاحوال ذاكرى كويس جدا لان انتى ف مرحله بتمنى لمستقبل بعيد

انتى مفكره انك ف ثانوى وبس لا ثانوى ده لى هيبنيلك باقى مستقبلك لملا نهايه
ثانوى ده لى هيحكم كليتك

فكرى كويس وطالما بتحبى العلوم هتبقى كويسه ف كليه طب هتبقى بردو مع باقى ميولك
وكمان ممكن تعملى المجستير بعد كليه الطب
وتبقى دكتوره ف الجامعه


5 
Mr.Lonly

انا تحديدا فكرت زيك بس مش طب و أداب

فكرت بين هندسه واعلام ولسه مخدتش الخطو الجريئه ديه

انتي فعلا اتقدمتي خطوه كويسه في اتجاه مستقبلك

المهم يا اووخت انا بقول ان طريقه تفكيرك ديه

طريقه ناضجه بما فيه الكفايه انك عارفه تحددي مستقبلك بنفسك مش بمساعده اي حد

وتحددي اللي انتي عايزااه بالظبط بغض النظر عن ناس كتير محددتش (منهم انا )

وتحددي اداب او تربيه فعلا تمام
_____________________________________
بس انتي نفسك تطلعي مدرسه انا فااهم اللي انتي عايزاه

بس رئيي من رئي (وعد الغرام) كليه تربيه او اداب هياخدو الوقت وفـ نفس الوقت فرص الشغل قليله

لو انتي نفسك تبقي مدرسه بجد ومش عااايزه تدخلي طب او مش حباها

فكري في كليه "علووم" وبالنسبه (للناس اللي هتقول ديه دخلت اداب و تربيه ومجموعهم قليل وديه فاشله والكلام دا
مش هيتكلمو خاالص
كليه علوم كليه قمه للناس اللي زيك بس )

بس نصيحه فكك من الناس هيجبولك وجع قلب ع الفاضي

وبعدين العبره مش في هندسه او اداب العبره بـ اللي هيكون متفوق في التخصص
مـ ممكن واحد فـ هندسه وبينجح كل سنه بماده
وواحد في اداب بيجيب كل سنه امتياز


بس خلي طموحك في حاجه عاااليه مـ ممكن تكوني دكتوره في الفيزياء في كليه علوم
او تكوني دكتوره تدي لدكاتره في طب زي مـ قالت
(وعد الغرام) ومش وحش انك تخلي طموحاتك اعلي من انك تكوني مجرد مدرسه لـ ناس في ابتدائي او اعدادي او حتي ثانوي
ممكن تكوني استاذه يعرفها العالم كلو


بس انتي شكلك عايزه تكوني مدرسه علشان تضربي الاطفال صح يا ارووبه

بالنسبه لطريقه تفكيرك ديه:
طريقه تفكير كويسه والله بس تمشي في الطريق دا

زي مـ فكرتي كدا مش تقولي انا عايزه ابقا كذا وكذا و مش بتخدي بأسبب الحاجه ديه

وربنا يوفقك ويوفقني و يوفق كل اللي فـ ثانويه معانا

ادعيلي كدا اصلي فـ ازهر (مواااد كتير)


معلش بقا طووولت عليكـ اوي بس دا مجرد مختصر

تحياتي


6 
farisel7ob

بصى مش هطول عليكى كتير
بس انا عاجبنى ان عندك هدف
انا مش هقولك زى ما الكل بيقولك بصى لحاجه احسن او الكلام دا
شوفى انتى نفسك هتلاقيها فين وحاولى تجتهدى فيها اوى هتلاقى نفسك بقيتى من الناس المعروفه واللى الكل بيحترمها
يعنى ممكن لو دخلتى اداب ودخلتى قسم حلو وبقيتى مدرسه زى ما انتى عايزه طموحك يكبرك اكتر انك تكملى وتعملى دكتوره وتكونى دكتوره فى الجامعه ليه مركزها
وطموحه يكبرك اكتر وتحاولى تعملى ابحاث فى مجالك وتبقى من العلماء المعروفين فى البلد
بجد انا بتمنى ليكى كل خير بس هقولك نصيحه علشان متندميش
شوفى انتى هتلاقى نفسك فى ايه واعمليه واتكلى على ربنا هتلاقى نفسك بقيتى حاجه كبيره اوى فيها
الدكتور اللى بيعلمه المدرس والمهندس اللى بيعلمه المدرس
والدكتور هو اللى بيكشف على المهندس والمدرس
والمهندس هو اللى بيصمم مبانى الدكتور والمدرس
والحرفيين هما اللى بيعلموا الحاجات اللى بنقعد فيها
وهما اللى اغلبهم بيكونوا اباء لينا
والفراشين هما اللى بينضفوا مكانا ومن غيرهم هيتخل الاتزان
فدى سنه الحياه كل واحد فينا وكل مهنه ليها دور كبير اوى بس احنا هنا اللى بنبص على اغلب الناس من ناحيه مهنته ودا تخلف
صدقينى كل المهن واحده وكل الكليات واحده بتكلم بعضها بس اهم حاجه تجتهدى فى اللى انتى حاسه انك لاقيه نفسك فيه


7 
الشاعرة

ومالها علوم علوم وحشة؟؟
و مالها شغلة التدريس .. مين اللي علمنا أصلاً و دخلنا جامعات مش هما المدرسين
اتوكلي علي ربنا .. و استخيري

مادام حابه شئ جدا و بتحلمي بيه منذ ان كنتي طفلة يا يوجي يبقي خلاص
ان شاء الله هتبدعي و تتفوقي فيه باذن الله


بس الأهم من ده كله انك تذااااكري كويس و متقوليش مادام انا كلية علوم مش بتجيب من مجموع عالي يبقي
متذاكريش لالالالا
اجتهدي واعملي اللي عليكي علي قد ما تقدري
وربنا مش هيضيع عملك ولا اجتهادك
وادعي ربنا
متعرفيش الخير فين

وأعرفي إن دي كلها آراء بشر مش هتقدم ولا تأخر

ربنا معاااااكي يا حبيبتي انتي و ميرا وعمر و دينا وكلكو كلكو كلكو


8 
الزم حدودك لانهى وجودك

بصى يا جوجو

عارفه البتاعه دى اللى بيقول الرجل المناسب فى المكان المناسب

اذن

انتى شوى نفسك اكتر شئ انتى مرتاحه له وحاسه انك هتشتغلى فيه بضمير

واختاريه هو علشان تنبقى مرتاحه نفسيا وتحسيش انك مجبورة تشتغلى شئ انتى مش راضيه عنه


9 
نبضات عاشق

لو مش فكرنا مش هنقدر نواصل الحياه

ولو مش خططنا مش هنحقق اي نجاح

ولو مش اختارنا احنا ايه اللي عايزينوا مش هننجح فيه

ولو بصينا لكلام الناس هنتعب و هنفشل فشل زريع

مش كل حاجه لازم نراعي الناس وكلامها فيها

فيه حاجات جوانا احنا لازم نوصل ليها عشان نحس بقمة المتعة في النجاح

التفكير مش غلط ومش له وقت معين

والتنظيم و الترتيب هو اول خطوات الوصول للهدف

لازم لما احلم احلم حلم يناسبني انا بطاقتي وظروفي و حياتي اللي بحلم بيها

صحيح فيه ساعات بيكون جوانا طموح اكبر ومش بنقدر نوصل ليه مره واحده

لكن لو خدناها مراحل ومحطات هتتولد العزيمة والارادة في كل خطوة

لازم نفكر عشان نقدر نستوعب الواقع ونرسم المستقبل

لازم نفكر عشان نعرف ايه الصح وايه اللي لازم نعملوا


اكيد معاكي في التفكير مهما يكون

لكن مش ان ابني حلمي علي دروس خصوصية

لو فكرنا في المادة فيه كليات لكده

لكن لو فكرنا في الرساله اللي نفسنا نوصلها فيه اختيارات اخرى

مش لازم يكون تفكيرنا في الماده

لازم نفكر في مستوانا الفكري و طموحنا الثقافي

العلم رساله قبل ما يكون عمل او مكسب رزق

وكل بنت مصيرها الزواج وممكن الزوج يحرمها من فرصة الوظيفة

يعني لازم ناخد في الاعتبار انا مين وعايز ايه وليه وازاي

ومش مهم الناس هتبص علي ايه او هتقول ايه ما دومت صح


وجهة نظر يا جوجو

ربنا يوفقك ويحقق ليكي احلامك




10 
live to smile

بصي علشان مطولش بس انا هقولك سيبك من كلام الناس كلمهم مش هيفيدك
حاجه تانيه خليلك هدف الكليه الأنتي عايزاها بس
بس متربطيش نفسك بمجموع محدد
حاجه كمان كل ماحد وليه مجال ممكن تبقي دكتوره جامعيه ف اي جامعه احسن من اي حد ف طب
وبلتوفيق للجميع



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.