العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

رأيكم ايه هو الحل

كاتب الموضوع: ابو الوليد النبوى، فى قسم: منتدى النقاش الجاد


1 
ابو الوليد النبوى


السلام عليكم ورحمة الله وبركاته

اولا كل عام وانتم بخير بمناسبة عيد الأضحى ومعلش جت متأخره حبتين
ثانيا : كلنا شايفين اللى بيحصل فى البلد من اول ثورة 25 يناير لغاية دلوقتى
شايفين التخوين والكذب والتدليس من جميع التيارات الموجوده على الساحه
" وانا بقول كل التيارات " واقصد الكلمة دى طبعا
يعنى متلاقيش حد عنده راى الا ويخون صاحب الراى التانى وهلم جرّا

انا من رأيي ان التيارات السياسية الموجوده على الساحه مش هى اللى هتحللنا مشاكلنا
وانا شايف ان احنا بس اللى نقدر نحل مشاكلنا
انا عندى حلول كتير اوى
بس ايه رأيكم نتناقش كلنا وكل واحد يقول رأيه فى كل مشكله من المشاكل اللى انا هقولها دى
بس ابقى سعيد جدا لو الحل جه بعد بحث وتدقيق
1 : البطالة
2 : غلو الأسعار
3 :انقطاع التيار الكهربائى
4 : انقطاع المياه
5 : ازمة المواصلات
6 : السكن
7 : العنوسه
8 : الجهل
9 : البلطجة
كفاية كده
يله يا شباب ورونا الهمة و الأفكار



2 
live to smile

سؤال بس مع احترامي الكامل لحضتك
لو قولتلك رأيي وعجبك هتعمل بيه ايه ؟
ف دكاتره يوميا بتطلع تقولك حلول رهيبه ومش بتطبق
ولو اتفقنا ع رأي كمنتدي هتعمل بيه أيه ؟


3 
ѕỰρèΓ √İ©τОЯ

من وجهة نظرى
1.البطالة >> ايقاف عمل الستات فى مرافق الدولة واشغال مناصبهم بالرجال ... مشروعات زراعة فى الصحراء زى مشروع "المليون فدان قمح" بتاع الريس مرسى .
2.غلو الاسعار >> الحل الوحيد هو رفع قيمة الجنيه عن طريق رفع الاقتصاد وهذا ينتج عن تأسيس شركات مصرية 100% .
3.التيار الكهربائى >> تشغيل محطات توليد الكهرباء بالغاز الطبيعى بدلا من المازوت وانشائ محطات جديدة خاصة لكل محافظة وحدها علما بأن معدل انقطاع التيار الكهربائى فى اليابان 7 ثوانى سنويا .
4. المياه >> تحلية مياه البحار بدلا من استهلاك مياه النيل .
5 : ازمة المواصلات >> انشاء كبارى علوية وتحت الارض وفتح طرق جديدة بين المحافظات وتخفيف وسائل النقل العام والتعويض عنها بالقطار والمترو .
6 : السكن >> ده شغل وزارة الاسكان .
7 : العنوسه >> ده متوقف على حلاوة البنت ذات نفسها واخلاقها وسمعتها .
8 : الجهل >> التعليم اجبارى مع مجانية 100% وحوافز للطلبة لحثهم على الدارسة اما اللى ماتعلمش خلاص عداه السن مالوش مكان فى دور التعليم وبلاش حكاية محو الامية دى خلونا نركز فى تعليم وتأسيس الاطفال الصغار .
9 : البلطجة >> تغليظ العقوبة على قطاع الطرق والبلطجة وفى فترة سجنهم يضيعون وقتهم فى التعلم وقرائة الكتب وفهم الدين الصحيح وبلاش حكاية اشغال شاقة دى خلونا نتقدم بقى .


4 
Mr.Lonly

اقتباس: المشاركة الأصلية كتبت بواسطة live to smile  مشاهدة المشاركة
سؤال بس مع احترامي الكامل لحضتك
لو قولتلك رأيي وعجبك هتعمل بيه ايه ؟
ف دكاتره يوميا بتطلع تقولك حلول رهيبه ومش بتطبق
ولو اتفقنا ع رأي كمنتدي هتعمل بيه أيه ؟


هشام انا عارف ان هدفك كويس بس للأسف اتفق معاه

انا نفسي حد يقلي اديني حل اصلح بيه البلد

هقولو علي حلول في حدود سنه نكون بلد ناميه مش فقيره ... وبعدين نبص بقا لأدام

تحياتي يا ابو وليد


5 
live to smile

اقتباس: المشاركة الأصلية كتبت بواسطة ѕỰρèΓ √İ©τОЯ  مشاهدة المشاركة
من وجهة نظرى
1.البطالة >> ايقاف عمل الستات فى مرافق الدولة واشغال مناصبهم بالرجال ..

وكدا هتحل البطاله طيب وبلنسبه للمطلقات والأرامل هتوفرلهم دخل أزي ولا البنات اليتامي هيتجوزه أزاي ؟
أبوس أيدكم اليتكلم يعمل حسابه ع كل واحد ف البلد ميتكلمش عن حل مشاكل أسرته بس

اقتباس: المشاركة الأصلية كتبت بواسطة ѕỰρèΓ √İ©τОЯ  مشاهدة المشاركة
2.غلو الاسعار >> الحل الوحيد هو رفع قيمة الجنيه عن طريق رفع الاقتصاد وهذا ينتج عن تأسيس شركات مصرية 100% .

مش بمزاجك ترفع قيمة الجنيه دا بيرجع للأقتصاد وأحنا بنتكلم ف حلول أوليه مش من بدايتها وهتعمل كدا طيب أزاي فين الفلوس
اقتباس: المشاركة الأصلية كتبت بواسطة ѕỰρèΓ √İ©τОЯ  مشاهدة المشاركة
3.التيار الكهربائى >> تشغيل محطات توليد الكهرباء بالغاز الطبيعى بدلا من المازوت وانشائ محطات جديدة خاصة لكل محافظة وحدها علما بأن معدل انقطاع التيار الكهربائى فى اليابان 7 ثوانى سنويا .

فين الفلوس لكدا
اقتباس: المشاركة الأصلية كتبت بواسطة ѕỰρèΓ √İ©τОЯ  مشاهدة المشاركة
4. المياه >> تحلية مياه البحار بدلا من استهلاك مياه النيل .

عندك النيل وتروح تحلل مياه بحار
ودنك منين يا جحه
اقتباس: المشاركة الأصلية كتبت بواسطة ѕỰρèΓ √İ©τОЯ  مشاهدة المشاركة
5 : ازمة المواصلات >> انشاء كبارى علوية وتحت الارض وفتح طرق جديدة بين المحافظات وتخفيف وسائل النقل العام والتعويض عنها بالقطار والمترو .

فين الفلوس وبعدين توسيع الطرق بيحصل وبني الكباري بس بشكل بسيط
لأن مفيش فلوس ودا كان بيحصل ف شوارع القاهره ف ساعات الحظر وابقي أسأل او أنزل شوف بنفسك
اقتباس: المشاركة الأصلية كتبت بواسطة ѕỰρèΓ √İ©τОЯ  مشاهدة المشاركة
8 : الجهل >> التعليم اجبارى مع مجانية 100% وحوافز للطلبة لحثهم على الدارسة اما اللى ماتعلمش خلاص عداه السن مالوش مكان فى دور التعليم وبلاش حكاية محو الامية دى خلونا نركز فى تعليم وتأسيس الاطفال الصغار .

هو أنت هتدي الطلبه فلوس علشان يتعلمه أبقي قابلني لو حد عبر المدرسه
لا للمعلم ومراقبه عليه علشان ميحتجش الطالب للدروس الخصوصيه
اقتباس: المشاركة الأصلية كتبت بواسطة ѕỰρèΓ √İ©τОЯ  مشاهدة المشاركة
9 : البلطجة >> تغليظ العقوبة على قطاع الطرق والبلطجة وفى فترة سجنهم يضيعون وقتهم فى التعلم وقرائة الكتب وفهم الدين الصحيح وبلاش حكاية اشغال شاقة دى خلونا نتقدم بقى .

حل حلو بس ف نفس الوقت تعمل مشريع للدوله ونتاج سلع من داخل السجون وكمان توفير فرصة عمل عند الخروج من السجن

أبوس أيدكم اليتكلم يعمل حسابه ع كل واحد ف البلد ميتكلمش عن حل مشاكل أسره
لو هنتكلم نتكلم ع كل الأطرف عن الثري والعشؤيات عن محدود الدخل ومعدومي الدخل والطبقات المتوسطه والطبقات فاحشة الثراء


6 
ѕỰρèΓ √İ©τОЯ

الى الاخ live to smile

البطالة >> موافق مع رأيك ..
>>اما عن حكاية الاقتصاد وانا هرفعه بمزاجى احب اقولك ان رأيك فيا هنا غلط >> لأنك لو نظرت لاقتصاد اليابان هتلاقى ان اساسيات اقتصاد اليابان يتوقف على "سيارات سوزوكى+رقاقات الالكترونية مثل بوردة الكمبيوتر+مصنع مازدا لصناعة لفافات السيارات" يعنى مش بدعة انك ترفع الاقتصاد ومش صعبة كمان ...
>>على فكرة تشغيل المحطات بالغاز افضل من المازوت ويوفر سنويا 2 مليار جنيه واسأل مجرب "الصين" ...
>>انت بتتكلم عن النيل وكأنه نضيف والناس محترماه قوى ثم ان ايه اللى عامل مشكلة المياه غير النيل؟ طيب ما العراق عندها نيلين وعاملة تحلية وكذالك الصين عندها نيل "ينجستى" وبرده عاملة تحلية - يا استاذ اخرج بره دولت وشوف الافكار عاملة ازاى ...
>>المواصلات عندك حق ..
>>حوافز الطلبة روح شوف اليابان والصين بيعملو ايه مع الطلبة ثم انى ماقلتش حوافز كدة طول السنة انا من رأيى حوافز لأول 10 مراتب فى مدرسة واحدة "وشوف النتائج عاملة ازاى" وكمان مجانية التعليم هتجيب نتيجة ايجابية...
البلطجة>>التعليم هو الاساس لأنك تخلى بلطجى يشتغل مش تروح تشغله فى السجن >>بدل ما تشغل البلطجية فى السجن خليها فرص عمل للشباب اللى مش لاقى ...

"فكر شوية قبل ما ترد"


7 
live to smile

>>اما عن حكاية الاقتصاد وانا هرفعه بمزاجى احب اقولك ان رأيك فيا هنا غلط >> لأنك لو نظرت لاقتصاد اليابان هتلاقى ان اساسيات اقتصاد اليابان يتوقف على "سيارات سوزوكى+رقاقات الالكترونية مثل بوردة الكمبيوتر+مصنع مازدا لصناعة لفافات السيارات" يعنى مش بدعة انك ترفع الاقتصاد ومش صعبة كمان ...
بص يا حبيبي ف شروط كتير بترفع العمله أبقي أعمل بحث وهتلقيها بس أهماها
نسبة المبيعات وانت بسم الله ما شاء الله مش بتصدر أي حاجه وشوف الأحتياط النقدي عندك كام وابقي قول أرفع عمله
دا ع كلامك كان الدولار و اليورو ف السما محدش عرف يجبهم وف اسباب سياسيه وخلافه
>>انت بتتكلم عن النيل وكأنه نضيف والناس محترماه قوى ثم ان ايه اللى عامل مشكلة المياه غير النيل؟ طيب ما العراق عندها نيلين وعاملة تحلية وكذالك الصين عندها نيل "ينجستى" وبرده عاملة تحلية - يا استاذ اخرج بره دولت وشوف الافكار عاملة ازاى ...
والله لو الناس مش محترمه النيل ف حاجه أسمها تنقية مياه النيل ودي اللزم تتطور والنيل نهر من أنهار الجنه أوك
وأنته مش معاك فلوس كفايه أعمل الحاجات الأساسيه حاليا وبعدين فكر ف دا
لأن تحليل ماء البحر دا حاجه فرعيه
>>حوافز الطلبة روح شوف اليابان والصين بيعملو ايه مع الطلبة ثم انى ماقلتش حوافز كدة طول السنة انا من رأيى حوافز لأول 10 مراتب فى مدرسة واحدة "وشوف النتائج عاملة ازاى" وكمان مجانية التعليم هتجيب نتيجة ايجابية...
أوك مش وحش بس أنت لو ظبت المدرس وعليه رقابه هتوفر للناس كتير من الدروس الخصوصيه
وكمان بدل كدا وفر معدات ف مدارس الصنايع والزراعه ال ليها مكانته بره وأحنا هنا بنستأل بيها بره المدارس دي أفضل من الثنوي العام لانها ع مستواي عالي

البلطجة>>التعليم هو الاساس لأنك تخلى بلطجى يشتغل مش تروح تشغله فى السجن >>بدل ما تشغل البلطجية فى السجن خليها فرص عمل للشباب اللى مش لاقى ...
أنت أتكلمت عن المساجين وردي كان ع المساجين
وفعلا الناس دي بدل متخبط ف الجبال تتعلم صنعه وف نفس الوقت تنتج سلعه تستفيد بيها البلد

"فكر شوية قبل ما ترد"
أنا عمري مكنت متسرع ف رد
وسعيد بلكلام معاك
بس أنا مش حابب أدخل ف نقاشات ف السياسه عموما وارجع لأول رد ليا ف الموضوع


8 
ѕỰρèΓ √İ©τОЯ

اقتباس: المشاركة الأصلية كتبت بواسطة live to smile  مشاهدة المشاركة
>>اما عن حكاية الاقتصاد وانا هرفعه بمزاجى احب اقولك ان رأيك فيا هنا غلط >> لأنك لو نظرت لاقتصاد اليابان هتلاقى ان اساسيات اقتصاد اليابان يتوقف على "سيارات سوزوكى+رقاقات الالكترونية مثل بوردة الكمبيوتر+مصنع مازدا لصناعة لفافات السيارات" يعنى مش بدعة انك ترفع الاقتصاد ومش صعبة كمان ...
بص يا حبيبي ف شروط كتير بترفع العمله أبقي أعمل بحث وهتلقيها بس أهماها
نسبة المبيعات وانت بسم الله ما شاء الله مش بتصدر أي حاجه وشوف الأحتياط النقدي عندك كام وابقي قول أرفع عمله
دا ع كلامك كان الدولار و اليورو ف السما محدش عرف يجبهم وف اسباب سياسيه وخلافه
>>انت بتتكلم عن النيل وكأنه نضيف والناس محترماه قوى ثم ان ايه اللى عامل مشكلة المياه غير النيل؟ طيب ما العراق عندها نيلين وعاملة تحلية وكذالك الصين عندها نيل "ينجستى" وبرده عاملة تحلية - يا استاذ اخرج بره دولت وشوف الافكار عاملة ازاى ...
والله لو الناس مش محترمه النيل ف حاجه أسمها تنقية مياه النيل ودي اللزم تتطور والنيل نهر من أنهار الجنه أوك
وأنته مش معاك فلوس كفايه أعمل الحاجات الأساسيه حاليا وبعدين فكر ف دا
لأن تحليل ماء البحر دا حاجه فرعيه
>>حوافز الطلبة روح شوف اليابان والصين بيعملو ايه مع الطلبة ثم انى ماقلتش حوافز كدة طول السنة انا من رأيى حوافز لأول 10 مراتب فى مدرسة واحدة "وشوف النتائج عاملة ازاى" وكمان مجانية التعليم هتجيب نتيجة ايجابية...
أوك مش وحش بس أنت لو ظبت المدرس وعليه رقابه هتوفر للناس كتير من الدروس الخصوصيه
وكمان بدل كدا وفر معدات ف مدارس الصنايع والزراعه ال ليها مكانته بره وأحنا هنا بنستأل بيها بره المدارس دي أفضل من الثنوي العام لانها ع مستواي عالي

البلطجة>>التعليم هو الاساس لأنك تخلى بلطجى يشتغل مش تروح تشغله فى السجن >>بدل ما تشغل البلطجية فى السجن خليها فرص عمل للشباب اللى مش لاقى ...
أنت أتكلمت عن المساجين وردي كان ع المساجين
وفعلا الناس دي بدل متخبط ف الجبال تتعلم صنعه وف نفس الوقت تنتج سلعه تستفيد بيها البلد

"فكر شوية قبل ما ترد"
أنا عمري مكنت متسرع ف رد
وسعيد بلكلام معاك
بس أنا مش حابب أدخل ف نقاشات ف السياسه عموما وارجع لأول رد ليا ف الموضوع

انا سعيد اكتر بالكلام معاك
شكرا على اضافاتك الجميلة
ثانك يو


9 
live to smile

اقتباس: المشاركة الأصلية كتبت بواسطة ѕỰρèΓ √İ©τОЯ  مشاهدة المشاركة
انا سعيد اكتر بالكلام معاك
شكرا على اضافاتك الجميلة
ثانك يو

شكرا ليك ‏
بس نصيحه ابحث عن شروط رفع العمله
وهيا شروط كتير ‏
بس اهمها التصدير والأحتياط النقدي
وانت بسم الله ماشاء الله مش بتصدر اي حاجه‎


10 
روفان

هو فعلا احنا هنقول افكار ومش هتتنفذ للأسف بس علي الاقل يبقي فكرنا



1: البطالة

البطاله مشكله محوريه شويه وليها اكتر من بعد يعني مثلا علشان نغطي الاعداد ال موجوده لازم علي الاقل يبقي في مشاريع موازيه ودا مش هيحصل حاليا لان الاقتصاد شبه منهار بس علي الاقل ممكن نخفض سن المعاش لــ 50 سنه وبكدا ندي فرص لتعين دفعات شباب جدد + عمل ابحاث مكثفه ودقيقه لــ حالات البطالة المعدمه ونوفر لهم مشاريع خاصه بسيطه + التعاون مع رجال الاعمال والمستثمرين علي اقامه مشاريع خاصه تحت رقابه حكوميه



2 : غلو الأسعار

التقنين ال نقدر ننفذه هو الالتزام بالتسعيره الجبريه غير كدا من حلول مش هتتنفذ علي ارض الواقع حاليا

3 :انقطاع التيار الكهربائى
4 : انقطاع المياه

لحد دلوقتي مش فاهمه هما بيقطعو ليه اصلا

5 : ازمة المواصلات

بتتخلص في النظام والكباري والانفاق علي الاقل هنحد منها لحد ما

6 : السكن

لو اي شركه خاصه وفرت مباني سكن لموظفيها بأجر رمزي او علي اقساط + الدوله توفر مساكن للشباب

7 : العنوسه
الاقتصاد المنهار بينصب في اي مشكله اتكلمت عنها لو الحاله الماديه معقوله من وظيفه وسكن وغيره مشكله العنوسه للطرفين هتقل بنسبه كبيره

8 : الجهل

جزء كبير من مشكله الجهل مادي وكتير من الاهالي بيضطرو يطلعو اولادهم من التعليم للظروف الحياه

لو وفرنا لــ كل اسره حياه كريمه اظن وقتها لو اب خرج ابنه من مدرسه نقدر نقنن قانون نعاقبه بيه غير كدا يبقي بنظلمهم اكتر ما الحياه ظلماهم

9 : البلطجة

نفس الحكايه الظروف الماديه سبب لحد ما وخاصتا ضعاف الانفس حل المشكله بيتلخص في العقاب الرادع زائد التأهيل النفسي زائد بعد العقاب توفير مصدر رزق ورقابه


للاسف ياهشام معظم المشاكل تكاد تكون كلها سببها الماديات ماهو لما حد يبقي مرتبه 400 جنيه وحد مرتبه 100الف واكتر لازم يحصل تضخم وبلطجه وسرقه ونهب وجهل وتخلف وعنوسه كمان المنظومه كلها غلط ومحتاجه هيكله التعليم اساس نجاح اي دوله شبه منهار المدرسين مرتبات تعبانه جدا هيبه ضايعه وسط الطلبه دروس خصوصيه وغيرووو

انا لو هتكلم مش هبطل هنقول ايه ربنا يصلح الحال

تسلم ايدك



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.