العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
bilsan yosef

بعد أن بدأت بضع جمعيات حقوقيه بمطالبه السيسى بالترشح لرئاسه الجمهوريه واصلت بمرور الوقت المسيره بخروج حمله جديده وهى (كمل جميلك)




«كمل جميلك» تبدأ جمع 30 مليون توقيع في 16 سبتمبر لترشيح «السيسي» للرئاسة




اجتمع المجلس التنفيذي لما يسمى بحملة «كمل جميلك» التي تطالب بدعم وترشيح الفريق أول عبد الفتاح السيسي، نائب رئيس مجلس الوزراء، القائد العام للقوات المسلحة، وزير الدفاع والإنتاج الحربي، لرئاسة الجمهورية، الأحد، لتدشين الحملة وبدء فعالياتها. وقال المستشار رفاعي نصر الله، مؤسس الحملة إن «الشعب المصري عانى كثيراً، وضاعت أحلامه باستيلاء جماعة الإخوان الإرهابية على السلطة والتي كشفت عن وجهها القبيح»، وأن ثورة 30 يونيو والموقف الجريء للفريق السيسي الذي قال «لا نستحق الحياة إذا لم نستطع حماية الشعب»، وقال للرئيس الأمريكي بارك أوباما «لن أكون معكم ضد شعب مصر»، على حد قول المستشار رفاعي. وأضاف أن الفريق السيسي، حارب الإرهاب وكشف الخائنين والحملة على ثقة من استعادة مصر زعامتها العربية ومكانتها الدولية على يديه، والحملة تذكره بمقولته «الشعب يأمر ونحن نطيع».


وقال خالد العدوي أحد منسقي الحملة، إن فعاليات الحملة ستبدأ في 16 سبتمبر الجاري، جمع 30 مليون توقيع تطالب الفريق السيسي بترشيح نفسه في انتخابات الرئاسة المقبلة وهو أمر ليس عسيراً، حيث استطاعت حملة تمرد، جمع 22 مليون توقيع. من جانبه، قال معتصم راشد، عضو المكتب التنفيذي للحملة، إن الثورة الوحيدة في مصر بعد ثورة 1952 هي ثورة 30 يونيو، وما حدث في 25 يناير، كان مجرد انقلاب ناعم.




رابط الخبر من المصرى اليوم
«كمل جميلك» تبدأ جمع 30 مليون توقيع في 16 سبتمبر لترشيح «السيسي» للرئاسة | المصري اليوم

حمله جديده(كمل جميلك) وخليك رئيس لمصر 1239008_369721603131025_2138275701_n.jpg




وهنا لنا وقفه هل كان رأى طارق سويدان هو الأصح عندما قال احفظوا وافهموا
سيلمعون لنا رئيسا عسكريا سواء السيسى او غيره ولكن من لباس عسكرى هذا شىء مؤكد وحتى ان كان أحمد شفيق

هل كانت تلك الخطه لسريانها ورجوع المجلس العسكرى لحكم مصر لأنه له الأحقيه بحكم مصر بما انه يحميها؟؟؟؟

هل تم القضاء على حلم الدوله المدنيه الحديثه الذى كنا نهدف اليه ومن متطلبات الخامس والعشرين من يناير؟؟؟


وهنا من يعلن تأييده والحمله وسيبدأ بالامضاء لحين بدوء فعالياتها؟؟؟؟؟



2 
Immigrant

اعتقد انه هيجمع اكتر من الرقم دا
لانه شخصيه قياديه جميله جدا
بس انا شخصيه مش هوقعله
لان محتاجه كوزير دفاع

وانا فاكر اخر تصريح ليه
قال انا لا طمعان فسلطه ولا هترشح للرئاسه
ولو عمل غير كده يبق فعلا كذاب
ومعتقدش ان قائد جيش هيطلع كذاب قدام شعبه
والايام بيننا يا بلبس


3 
غــنـــــوه حزيــــــــنه

لآ انا هبطل بصوتى لوكنا فعلا هنعمل حمله جديده
ونختار شفيق رئيس لمصر
علشان مش عارفه هو فعلا يصلح ولآلآ



4 
live to smile

بغض النظر عن الكلام دا بس
شادي معاه حق ولو عمل كدا هينزل من نظر الشعب كله
وهيبقا فعلا شارك ف خراب مصر لأن ساعتها هيحصل انقسام ف الجيش


5 
bilsan yosef

اقتباس: المشاركة الأصلية كتبت بواسطة immigrant  مشاهدة المشاركة
اعتقد انه هيجمع اكتر من الرقم دا
لانه شخصيه قياديه جميله جدا
بس انا شخصيه مش هوقعله
لان محتاجه كوزير دفاع

وانا فاكر اخر تصريح ليه
قال انا لا طمعان فسلطه ولا هترشح للرئاسه
ولو عمل غير كده يبق فعلا كذاب
ومعتقدش ان قائد جيش هيطلع كذاب قدام شعبه
والايام بيننا يا بلبس

ههههههههههههههه اولا احب اعلق على الاسم والنبى ما تنادمنى بيه تانى انا كرهت نفسى بسبب القاب المنتدى ده ههههههههههه

نورتنى يا شادى والله اديلى كتير ما دخلتش فى حوار معاك وحشتنى مناقشاتك تم امتناعى لأنى عملت بنصيحتك
وانا بتكلم بهدوء بوصل المعلومه بشكل افضل ههههههه
فعلا السيسى ده يا سبحان الله اجمل من كده مش شوفت هو عمتا مش عايزه احلل شخصه
ندخل فى الجد بقى
موضوعى لو تمعنت فيه بدقه هتلاقى كلامى بيقول مش شرط السيسى يترشح للرئاسه
ومش شرط انه هو فقط اللى يتم تلميعه ليصبح رئيس لمصر
فيه المقصد اللى ورا ذلك من كلامى وأبعد منه
ان وده شىء مؤكد هيحصل ان شخص عسكرى وبالتأكيد هيمسك حكم مصر الفتره دى
بمعنى ان فيه بدائل وهنا هيكون بشكل غير مباشر
معنى ان لو مش السيسى هيكون فيه بديل ليه
وده اللى بسأل عليه وده اللى بقصده من ذكر طارق سويدان انه شرح الموقف واللى فاجئنى انى لقيت الحمله دى بعدها وعلشان كده حبيت اعرف اذا كنت مؤمن بالدوله المدنيه الحديثه ولا لأ واللى طالبت بيه ثوره يناير
وهل لو تم ترشيح شفيق هتديه صوتك؟؟؟
أو أى قائد عسكرى أخر بحكم انهم الأحقيه لأهم المؤسسه الثابته الى الأن على حد قول الجميع أو لانهم ليهم الأحقيه فى الحكم بما انهم الحماه؟؟
عرفت انك مش هتمضى
بس عايزه اعرف رأيك بشكل نهائى
انت مؤيد لمبدأ الحمله القائمه أم معارض ليها ؟؟

ونورتنى يا شادى

وفى انتظارك كلاكيت تانى مره



6 
bilsan yosef

اقتباس: المشاركة الأصلية كتبت بواسطة غــنـــــوه حزيــــــــنه  مشاهدة المشاركة
لآ انا هبطل بصوتى لوكنا فعلا هنعمل حمله جديده
ونختار شفيق رئيس لمصر
علشان مش عارفه هو فعلا يصلح ولآلآ


مش فاهمه بالضبط رأيك يا قمر
وضحى اكتر معلش


7 
bilsan yosef

اقتباس: المشاركة الأصلية كتبت بواسطة live to smile  مشاهدة المشاركة
بغض النظر عن الكلام دا بس
شادي معاه حق ولو عمل كدا هينزل من نظر الشعب كله
وهيبقا فعلا شارك ف خراب مصر لأن ساعتها هيحصل انقسام ف الجيش

نورتنى بدايه يا جزار طبعا
ولأول مره اعرف ان لايف تو سمايل هو نفسه نو سمايل نو لايف
ههههههههه يعنى لسه عارفه قريب ان الاتنين نفس الشخص
المهم
المضمن مش فى كده
انا عمرى ما أتخيل ان السيسى يبقى بالغباء اللى يحط نفسه فى وش المدفع ويبقى بالمباشره دى
بمعنى ان مش ده اللى اقصده تماما
اللى اقصده ان سواء السيسى او غيره من حكم المجلس العسكرى لمجرد انه تلبس بديل
هتوافق وتنتخب
ولا تريد الحكم المدنى الخالص بعيد عن المؤسسه العسكريه نهائيا
لتلتفت المؤسسه لواجبها الحقيقى
اللى اقصده
ان انت مؤيد للحمله بحد ذاتها ومبدأها فى دفع الناس للموافقه على ترشحه
ولو ترشح احمد شفيق بديل ليه هتوافق أو هترفض
ورأيك فى تكوين مصر كدوله مدنيه بعد ستين سنه
أو لو حدث ذلك من الممكن ان يحدث انقلاب مره اخرى حتى لو بالحشد فى الشارع ام النزول للصندوق هو الحل النهائى والأخير ولو قريت ردى على شادى هتفهم اللى اقصده بشكل أكبر وهى دى الاسئله اللى مستنيه اجاباتها
نورتنى يا سامح طبعا


8 
Hinamori Amu

و لسه ياما هنشوف انبهارات و مفاجآت

سيبك خليه يجمع لو جمع 3 مليون على بعض هبقى أعمله فرح أصلا

ربنا ياخده ان شاء الله أخذ عزيز مقتدر


9 
bilsan yosef

اقتباس: المشاركة الأصلية كتبت بواسطة hinamori amu  مشاهدة المشاركة
و لسه ياما هنشوف انبهارات و مفاجآت

سيبك خليه يجمع لو جمع 3 مليون على بعض هبقى أعمله فرح أصلا

ربنا ياخده ان شاء الله أخذ عزيز مقتدر

ليه بس يا منووووش ده السيسى
جمييييييييييل
هههههههههههه
نورتنى يا منه والله
لأ والأدهى انه هيجمع اكتر من 30 مليون كمان
وفعلا والله عندهم حق
بس عسكريه تانى مظنش
لأنهم دلوقتى أتموا الستين سنه
وغير كده اصلا مش ضرورى اللى معارض مرسى والاخوان يطلبها المجلس العسكرى
فيه حاجه اسمها وسطيه وده اللى نفسى فعلا افهمه
نورتينى


10 
Immigrant

تمام يا جميل
مش هندهلك بيه تاني
كفايه اقلك ياقمر
وانا كمان والله بحب النقاش بهدوء
مبحبش الولوله
بصي يقمر
انا قريت كتاب من 5 سنين هحاول اجبلك اسمه علشان تقريه
بيكلم عم اخر الزمان والحروب مع اليهود
هيطلع جيشين من مصر والعراق هيكون القاده عسكريين
مش دا كوضوعنا

انا معنديش مشكله لو راجل ذو خلفيه عسكريه اترشح للرئاسه بس يكون شخصيه معروفه باعتدالها وحب الناس ليها
لان اي عسكري بيخرج من عمله بيتعامل معامله شخص مدني فواجباته وحقوقه فيما عادا حق الرعايه الصحيه ليه ولاولاده
فبالتالي هيكون راجل مدني ميه ف الميه
انا بالنسبه لشخصيه زي شفيق او عنان فدا طبعا مستخيل
الانتخابات الاخيره انا منزلتش الانتخابات علشان لابحب الاخوان ولا بحب شفيق
بس صراحتا شجعت اصحابي ع اختيار مرسي


انا بس عاوز اوصلك معلومه صغيره
الحكم العسكري بيكون قائد الدوله هو قائد الجيش ينتمي للمؤسسه العسكريه دون التخلي عن منصبه
وطالما اي شخص اتنازل عن منصبه يبق خلاص بقه مدني زيي وزيك بنفس الحقوق


انا عاوز اقلك حاجه اخيره
احنا كمصر مطمع لاي دوله ف العالم
واظن محتاجين رئيس وقائد جيش اقوياء
راجعي تاريخ مصر من مينا لاحمس لعمرو بن العاص لصلاح الدين لمحمد علي لعبدالناصر والسادات
كل دول خاضو حروب رفعت باسم مصر

انا مش بقل كده علشان بالضروره محتاجين عسكري
بس بفكر بس



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.