العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات

انتى حفيدة النبى♥

كاتب الموضوع: Hayaty agmal ma feeha، فى قسم: منتدى الحب والرومانسية


1 
Hayaty agmal ma feeha


اسمعى يابنت الناس ..

انتى غالية

ايوة انتى غالية والى بيزيد من غلاوتك حيائك ... بيزيد جمال وجاذبية ف عيون ناس كتيرة عارفة ليه ..
لانك بتبقى جوهرة حافظة نفسك لانك عارفة انك غالية

متفرطيش ف حيائك واقفلى ع قلبك بعفتك واحفظيه بغض بصرك ..هتعيشى مرتاحة ومتهنية

اصل بصة كدة ولا كلمة حلوة كدة مش هتفرحك ع طول ...لكن لما نصبر ونطيع ربنا هنحس بكل لذة حلوة بس ف الحلال

يعنى مش كل من هب ودب تفتحيله قلبك ...لا قلبك مفتاحه لرجل واحد فقط وهوا زوجك

بسسسسسس

خليكى دايما قدوة لغيرك بحسن خلقك وجمال روحك

قربى من ربنا اوى وحبيه واعرفيه ودلى الناس عليه من طاعتك ليه وحسن خلقك وحبك ليهم
خليكى بجد البنت الى لما يشفها الكبار يقولو يارب نشوف بناتنا زيك ولما يشوفها الصغار يقولو انا لما اكبر عايز ابقى زيها كدة

بنات كتير بتلتزم من غير ماتكلميهم بلسانك لا بيلتزموا لما اخلاقك وحبك ووشك البشوش معاهم ولبسك الجميل الفضفاض وحجابك المنور الابيض هما الى بيكلموهم

صدقينى انتى تقدرى تعملى حاجات كتيرة اوى وتأثرى ف غيرك
بس بمجرد انك تعرفى انك غالية باخلاقك ..وغالية بطاعتك لله

**اصل انتى مش اى حد ...انتى حفيدة النبى♥ ..



5 
so crazy bnota

**اصل انتى مش اى حد ...انتى حفيدة النبى♥ ..


حلو اوي يا توتي


7 
Hayaty agmal ma feeha

اقتباس: المشاركة الأصلية كتبت بواسطة sh3nona  مشاهدة المشاركة
حلو اوى بجد
تسلمي يا سكره ^^

^^
تسلمى انتى يارب


8 
Hayaty agmal ma feeha

اقتباس: المشاركة الأصلية كتبت بواسطة |sad|  مشاهدة المشاركة

وهوا فـي بنات بتعمل اللي بتقوليه ده غير

5 % من مجموع البنات

تؤتؤ
ربنا يهدى الجميع يآآآرب

^^


9 
Hayaty agmal ma feeha

اقتباس: المشاركة الأصلية كتبت بواسطة so crazy bnota  مشاهدة المشاركة
**اصل انتى مش اى حد ...انتى حفيدة النبى♥ ..


حلو اوي يا توتي

حلوه بوجودك ياجميله ^^


10 
نبضات عاشق

صلي الله عليه وسلم

احييكي علي الفضفضة الجميلة

صدقيني يا اختي والله مش هتتجوزي غير جوزك

مهما تحاولي تعيشي في تجارب مش هتغيري القدر

مهما تحاولي تلبسي احدث موضة و اجدد تسريحات مش هتلفتي النظر

مهما كنتي سبور وشيك برضوا عريسك منتظر

بلاش تخلي احلامك تدوس علي انسانيتك

بلاش تخلي طموحك ينسيكي دينك و عفتك

بلاش تخلي حبك انك تعيشي تجربة تضيعي انوثتك واغلي ما عندك

اياكي تفتكري ان الحياه بالملبس و الشكل و الصداقات الكتيرة و كلام الشباب

الحياة بايمانك و حجابك و عزة نفسك هي اساس نجاتك وسعادتك مهما كانت الاسباب

خلي جواكي يقين انك مسلمة وقدرك مكتوب

وخلي سلاحك علمك و أدبك هتلائي الطمأنينة في القلوب

بلاش تتوهمي حاجات مش موجوده وتعيشي سراب وحكاوي عليكي محسوبة

الاخره هيه اللي باقية ليكي وزوجك في انتظارك و هيعيش ليكي

بلاش تسبقي الاحداث وتدخلي في مطبات متقدريش عليها

خلي انوثتك محفوطة وحيائك هو جمالك و السعادة هتعشيها



شكرا علي الكلام الجميل اميمة

ودي وتقديري



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.