العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
i love beren saat




هل من حق الأخ تفتيش تليفون أخته ؟

بناقش معاكم اليوم موضووع وعايزة اعرف منكم الصراحه والتفاعل

اكيد الكل عارف ان في بعض الشباب فيهم زى ما نقول وسوسه او شك او فضول او ليفتش ف تليفون اختة

سواء كان يفتش الرسائل



او ارقام المكالمات او اي حاجة تانية الاسئله الاتيه:


**هل يحق للشاب تفتيش تليفون اخته ؟

**ماذا ستفعلين لو اكتشفتي ان اخوكى يفعل هذا بصراحه؟

**هل نقول على من يفعل هذا الشي مريض او عديم الثقه؟ ام ماذا؟؟

: للشباب في المستقبل هل ستفعل هذا مع زوجتك ؟؟ و هل تأيد هذا الفعل ؟؟؟
للبناات: في المستقبل هل تقبلين هذا من زوجك ام لا ؟؟؟



ميرسى ليكم



2 
live to smile

اقتباس: المشاركة الأصلية كتبت بواسطة i love beren saat  مشاهدة المشاركة



هل من حق الأخ تفتيش تليفون أخته ؟

بناقش معاكم اليوم موضووع وعايزة اعرف منكم الصراحه والتفاعل

اكيد الكل عارف ان في بعض الشباب فيهم زى ما نقول وسوسه او شك او فضول او ليفتش ف تليفون اختة

سواء كان يفتش الرسائل



او ارقام المكالمات او اي حاجة تانية الاسئله الاتيه:


**هل يحق للشاب تفتيش تليفون اخته ؟

**ماذا ستفعلين لو اكتشفتي ان اخوكى يفعل هذا بصراحه؟

**هل نقول على من يفعل هذا الشي مريض او عديم الثقه؟ ام ماذا؟؟

: للشباب في المستقبل هل ستفعل هذا مع زوجتك ؟؟ و هل تأيد هذا الفعل ؟؟؟
للبناات: في المستقبل هل تقبلين هذا من زوجك ام لا ؟؟؟



ميرسى ليكم


دا شئ ممكن يحصل
بس انا عمري معملت الحركه دي مع اختواتي لان انا واثق فيهم
وكمان لو عرفت انا هقل من نظرها
وانا رافض كدا طالما انت واثق في اختك



4 
NAGHAM ^_^

اكيد اسلوب مرفوض لاءن الثقة لابد ان تكون بين الاخوات وعدم السماح للشك ان يدخل بينهم

5 
♥ amr ♥

هى مسألة ثقة
وف نفس الوقت لو البنت واثقة ف نفسها مش هتخاف ولا تقلق ان تليفونها يتفتش
بس اكيد لو ده حصل هتزعل جدا لما تعرف ان اخوها مش بيثق فيها

الحمد لله عمرى م عملت حاجه زى كده ولا فكرت ف كده خالص

موضوع مهم ي اميرة
تسلمى ع هذا الطرح ^^


6 
Sh3NonA

طبعا الحكايه دى زى ما الكل قال انها مسأله ثقه
بس انا شايفه ان ممكن دا يحصل عادى جدا
لانه ممكن يكون خايف عليها
لان البنت بطبيعتها ضعيفه ممكن يضحك عليها بسهوله جدا
ودا من واجب الاخ ع اخته
وانا الحمد لله محصلتش حاجه زى دى معايا لانى معنديش
ويمكن دا السبب × ان وجهه نظري تختلف ^_^



موضوع جميل اوى يَ مرمر


7 
i love beren saat

اقتباس: المشاركة الأصلية كتبت بواسطة nagham ^_^  مشاهدة المشاركة
اكيد اسلوب مرفوض لاءن الثقة لابد ان تكون بين الاخوات وعدم السماح للشك ان يدخل بينهم


ميرسى يا قمرايا

منورانى

اقتباس: المشاركة الأصلية كتبت بواسطة ♥ amr ♥  مشاهدة المشاركة
هى مسألة ثقة
وف نفس الوقت لو البنت واثقة ف نفسها مش هتخاف ولا تقلق ان تليفونها يتفتش
بس اكيد لو ده حصل هتزعل جدا لما تعرف ان اخوها مش بيثق فيها

الحمد لله عمرى م عملت حاجه زى كده ولا فكرت ف كده خالص

موضوع مهم ي اميرة
تسلمى ع هذا الطرح ^^

تسلملى يا عمرو .. انا مبسوطة انك رديت ع الموضوع
منورنى

اقتباس: المشاركة الأصلية كتبت بواسطة sh3nona  مشاهدة المشاركة
طبعا الحكايه دى زى ما الكل قال انها مسأله ثقه
بس انا شايفه ان ممكن دا يحصل عادى جدا
لانه ممكن يكون خايف عليها
لان البنت بطبيعتها ضعيفه ممكن يضحك عليها بسهوله جدا
ودا من واجب الاخ ع اخته
وانا الحمد لله محصلتش حاجه زى دى معايا لانى معنديش
ويمكن دا السبب × ان وجهه نظري تختلف ^_^



موضوع جميل اوى يَ مرمر


ميرسى يا مرمر ... ربنا يخليكى يارب يا حبيبتى
من زوقك والله

منورانى


8 
فارس.




**هل يحق للشاب تفتيش تليفون اخته ؟


لا طبعا

لـ قوله سبحانه و تعالى :( يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلا تَجَسَّسُوا وَلا يَغْتَبْ بَعْضُكُمْ بَعْضًا أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَحِيمٌ)


و قول رَسُول اللَّه صَلَّى اللَّه عَلَيْهِ وَسَلَّمَ قَالَ " لَا تَجَسَّسُوا وَلَا تَحَسَّسُوا وَلَا تَبَاغَضُوا وَلَا تَدَابَرُوا وَكُونُوا عِبَاد اللَّه إِخْوَانًا "

و واضح طبعا ان المتجسس بيكون متوقع الشر و الخطأ من الطرف الآخر يعني سوء ظن


**ماذا ستفعلين لو اكتشفتي ان اخوكى يفعل هذا بصراحه؟


شوفي انا اعتقد انه شعور بـ الاهانة يعني اذا كان اقرب الناس ليك بيسئ الظن بيك طيب الغريب يكون موقفه ايه ! !


**هل نقول على من يفعل هذا الشي مريض او عديم الثقه؟ ام ماذا؟؟


ممكن يكون عديم الثقة

لانه عديم الثقة في نفسه من كثرة ما ارتكب من اخطاء

و متصور ان الجميع لابد و ان يكونوا مثله

او حب سيطرة لا اكثر و لا اقل


فيه ناس ممكن تبرر الموضوع بـ الخوف الزيادة

لكن لو انت خايف عليها بجد خليك صديقها و خليها هي اللي تتكلم و تطلب نصيحتك

انت مهما حاولت تتجسس و تعد عليها الخطوات و الانفاس عمرك ما حتقدر تسيطر عليها

و هي لو عايزة تفعل الخطأ حتقدر توجد الفرص لذلك ! !

ثم لحد امتى التجسس ده ؟!

لازم يكون الرقيب عليها ضميرها لانه هو اللي حيستمر معاها في كل مرحلة من مراحل حياتها

هو اللي حيكون معاها في السر و العلن


و بالنسبة للناس المؤيدة للتجسس بدافع الخوف

ممكن سؤال حيكون ايه شعورك لو عرفت انك مراقب من الاب او الام بدافع الخوف ايضا

و هل ستظل ثابتا على موقفك مؤيدا لفكرة التجسس ؟ ! !


: للشباب في المستقبل هل ستفعل هذا مع زوجتك ؟؟ و هل تأيد هذا الفعل ؟؟؟

لا طبعا

و مستحيل حقبل التصرف ده منها




10 
Immigrant

قبل اى شيء تقيم
يستاهل فعلا

هو موضوع جميل اووى
وانا مختلف عن كل الاراء ال اتقالت
الكل بقه بيقول ثقه ومش عارف ايه وكلام كتير وكتير اووى كمان
كل واحد بيبصلها بمنظور مختلف
انت شايفها ثقه انت حر
اولا محدش فينا ملاك وكلنـا بنغلــط
لكن انا شايفها حاجه تانيه

انا ممكن اعمل اراقب واتابع اى حد مش علشان اتصيدله الاخطاء والكلام دا
علشان لو بيعمل غلـط احاول اراجعه فيه او الحقه قبل اى شيء

انا عمرى ما عملت كده مع اختــى
لان عمرى ما شكيت فيها او حسيت ان ف حاجه غلط بتعملها
وحاجه هقلها
ياريت كل البنات زيهـا
مش علشان هى اختى وحبيبتى وكل شيء
ولو كنت حسيت ان ف حاجه غلط
كنت هتابعها علشان اخد بالى منها
لانها اختى وبخاف عليها وبحترمها وبقدرها
مش علشان اتصيد ليها الاخطاء واعلقلها المشنقه

بس عملت كــده مع خطيبتى ايه المشكـله لما اطمن نفسى من شيء وريح قلبى واطمئن
الموضوع مش شرط اقول هو كان ايه
بس وقفت جمبيها وعالجت الغلط
معلقتش بقه ليها المشنقه والكلام دا
وعمره ماكانت شاكك فيها لا مكنتش هحبها ولا ارتبطت بيها اصلا

الموضوع مش موضوع ثقه
ممكن تبق واثق فشادى بس شايفه بيعمل حاجه غلط
بتحاول تاكد ايه الغلط دا علشان تنصح شادى وتقف جمبه وتلحقه قبل ما يكبر الغلط
تتاكد بقه تفتش ف تليفون تراقبه وتتابعه اى كانت الطريقه
وانت خايف عليه ومن قلبــك تساعده

بسم الله الرحمن الرحيم
وإذ قال إبراهيم رب أرني كيف تحيي الموتى قال أولم تؤمن قال بلى ولكن ليطمئن قلبي


اكيد فهمتى انا اقصــد ايـه ؟


سيدنا ابراهيم مشكش
ان ربنا مش بيحيى الموت
بس حب قلبه يطمئن مش اكتر

ومتابع الموضوع


تحياتى



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.