العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

الايام الحلوة

كاتب الموضوع: eslam، فى قسم: منتدى النقاش الجاد


1 
eslam

الأيام الحلوة بتعدي في ثواني

الأيام الحلوة مبترجعش تاني

طعم الحب تغيًر ,, وقت الفرح صغيًر

أكبر لحظة ود و حب و صدق زمنها قصيًر

الحلو بيتمرر ,, والجرح بيتكرر

نجرح نئلم نقسى ونظلم وغلطنا بيتبرر

اللي نحبه بنودعه ,, واللي في ايدنا بنضيعه

واللي ناسينا عايش فينا

واللي شارينا بنخدعه

ولا في الشدًه حبايب

ولا في الدمعه قرايب

كله في جرحك مرك دمك نارك ألمك غايب

حبل الود قسيًف

طعم الظلم يٍشيٍب

زمن الصدق وزمن الطيبة بئت حاجه بتتعيب

معنى الحب بنزيفه

صوت الحق بنكتفه

واللي ذبحنا ساكن روحنا

واللي جارحنا بننصفه

مشيه الدنيا ودايره فيها مراكب سايره

ناس في مراكب ضايعه ,, وناس في مراكب تايهه وحايره

ناس احزانها شديده

وناس سكتها بعيدة

ناس كل ما دمعتها بتذبل تطرح دمعة جديدة

في عز ألمنا وفي جرحنا بنتخلى عن بعضنا

وأد قصتنا أد حكايتنا

وأد دنيتنا أنته وانا ,,,,,,,,,,,,,,,,,,,,,,,,,,,,,,,,,

هى الايام الحلوة مبترجعش تانى ؟

هى فعلاا الايام الحلوة بتعدى علينا ثوانى ؟


اعتقد والله اعلم ان الانسان شىء فشىء بيسوء وخلاص الاخلاق شبة معدومة الاخلاص بقت حاجة قديمة مش عارف اتغيرنا ولاا الزمن اللى اتغير بس اللى عرفة بجد ان الدنيا دى معتش فيها امان ولا خير وانت شايف اية ؟



5 
5Lik Fe 7aLk

اه يا اسلام الحلو بيفوت بسرعه اوى لان الانسان بيكون فرحان وحاسس ان الكون كله مكله فمش بيحس بالوقت عشان كدا بيعدى فى ثوانى

انما الحزن بيعلم اوووووى لانها بعيد عنك بتبقى ذكرى مش حلوه خالص


6 
ςїňĐẹŘēļļa

سؤال رفيع بعد اذنك
اللى فى الاول دى اغنية صح ؟؟

صح يا اسلام والله
ده لو كان فى فرح اصلا
وفعلا الاخلاق الكويسه شبه اتعدمت
الا من رحمه ربى

توبيك جميل يا اسلام
تسلم
تقبل مرورى


7 
5ofo

لا ازاى مبترجعش تانى


دوام الحال من المحال مكنش ينفع الدنيا كلها تبقى فرح مش هنحس بقيمته الا لو كان فيه حزن


نايس توبيك يا اسلام


8 
♥ MeKo ♥

لا يا اسلام الايام الحلوة بترجع تاني

احنا اللي بايدنا نرجعها

احنا اللي بنعمل في نفسنا كدة

احنا اللي بنجيب الحزن لنفسنا واحنا اللي بايدنا نفرح نفسنا

الدنيا مش ماشية علي وتيرة واحده

زي ما في الحزن في الفرح

احنا اللي بايدنا نرمي اللي فات ورا ضهرنا ونبص للمستقبل

نشوف اية اللي ربنا كاتبهولنا

ونعرف ان ربنا مش بيجيب حاجة وحشة ابدا

لو زعلنا او اتضايقنا علي ايام راحت يبقي مش حنعرف نعيش حياتنا في الايام اللي جاية

يبقي الماضي ضاع واحنا بايدنا ضيعنا الحاضر ووبتفكيرنا حنضيع المستقبل

تفائل شوية يا اسلام


9 
princess samar

بايدينا احنا نعمل كل حاجة الايام الحلوة ممكن ترجع لو رجعناها بالسعادة

تسلم ايدك ياقمر على السونج ده


10 
eslam

اقتباس: المشاركة الأصلية كتبت بواسطة ..so what..  مشاهدة المشاركة
اه يا اسلام الحلو بيفوت بسرعه اوى لان الانسان بيكون فرحان وحاسس ان الكون كله مكله فمش بيحس بالوقت عشان كدا بيعدى فى ثوانى

انما الحزن بيعلم اوووووى لانها بعيد عنك بتبقى ذكرى مش حلوه خالص

اه يا صاحبى اه الدنيا واة من الدنيا

منور يا حودا



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.