العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

هتعمل ايه لو ......؟!

كاتب الموضوع: حور الجنه، فى قسم: منتدى النقاش الجاد


1 
حور الجنه

هتعمل ايه لو ......؟! almstba.com_1365620724771.gif

اكيد كلنا عارفين الاغنية دى صح

هتعمل ايه لو نمت يوم وصحيت
بصيت وشفت نفسك فى المرايا بكيت
جواك سؤال تصرخ تقول انا مين
انا زى ما انا ولا اتقسمت اتنين وبعدين


قول ياللى فى المرايا فهمنى ايه الحكاية
فرحان تعبان مرتاح ندمان
حاجات كتير فى حياتنا اتسببت فى حيرتنا
وادينا عايشين راضيين جايين ورايحين



هتعمل ايه لو نمت يوم وصحيت
ولقيت اقرب ماليك فى الدنيا مش حواليك
هو انت مين اللى عملت كده فيه
مش انت ولا فى حد غمى عنيك وبعدين

عارفينها صح
سؤالى
ايه هيكون احساسك لو الكلام ده اتحقق
هتعمل ايه ساعتها؟



2 
يوسف بن تاشفين

اكيد هيكون قدامي شئ من اتنين :

الاول : اني هراجعـ نفسي واشوف انا بعيد عن اهدافى فى الحياه ولا لا هقدر اكمل بعد ما فقدت اللى حواليه ولا لا ايه اللى محتاجه عشان اكمل حياتي ، بكائي هيفيدني ولا لا ، وبما انه مش هيفيدني انا محتاج ايه ، لما اجاوب على كل ده واشوف اللى محتاجه هبدأ اتحركـ واكمل حياتي اتعرف بناس واستفيد منهم واهتم بشغلى وان يكون لى بصمه فى الحياه الناس تفتكرني بيهاآآ .

الثاني : اكمل نوووم واصحي ابكي وانام تاني لحد ما يجيلي اكتئاب وامووت .

انا عن نفسي اختار الاختيار الاول ..

تحياتي ,,,


3 
حور الجنه

اقتباس: المشاركة الأصلية كتبت بواسطة يوسف بن تاشفين  مشاهدة المشاركة
اكيد هيكون قدامي شئ من اتنين :

الاول : اني هراجعـ نفسي واشوف انا بعيد عن اهدافى فى الحياه ولا لا هقدر اكمل بعد ما فقدت اللى حواليه ولا لا ايه اللى محتاجه عشان اكمل حياتي ، بكائي هيفيدني ولا لا ، وبما انه مش هيفيدني انا محتاج ايه ، لما اجاوب على كل ده واشوف اللى محتاجه هبدأ اتحركـ واكمل حياتي اتعرف بناس واستفيد منهم واهتم بشغلى وان يكون لى بصمه فى الحياه الناس تفتكرني بيهاآآ .

الثاني : اكمل نوووم واصحي ابكي وانام تاني لحد ما يجيلي اكتئاب وامووت .

انا عن نفسي اختار الاختيار الاول ..

تحياتي ,,,

انا من رايى برضو تختار الاول
نورتنى


6 
Ma Ged

اها عارفها دي اغنية لشيرين


نخش في الموضوع

ببساطة خالص هيا دي الدنيا ولو مش كدا مكنش هيبقي ليها طعم

بس " جواك سؤال تصرخ تقول انا مين
انا زى ما انا ولا اتقسمت اتنين وبعدين "
دي محصلتليش بصراحة

وكلام نهاية الاغنية بيكون صادم اوي والشاطر يعرف يتغلب علي الصدمات ويبقي اقوي ودافع ع الاستمرار

فهمتي حاجة

نايس توبيك ياسمسم


7 
so crazy bnota

هيممكن تكون حصلت
بس عادي جدا مسيت وسبتها او قلبت المرايه

سو ايزي


8 
Immigrant

اولا لازم نعترف بحاجه واحده علشان نعرف نتأقلم
ان الفراق شئ اساسي ف حيات كل انسان وواقع بنعيشه يوميا

ندخل بقه ف الموضوع
كل يوم هنشوف ونقرا وهنتعود ع ان كل يوم هتصحي من النوم هتفقد شخص عزيز او قريب او حتي شخص تعرفه بس كده
احنا نحاول بكل ما نقدر اننا نرضي كل الناس ومنزعلش اي حد مننا لان يعالم بكره معانا ولا مش معانا

لازم كل يوم اقعد مع نفسي اشوف ايجابياتي ف اليوم واثبت عليها وايه السلبيات واحاول اتلاشاها
واعود نفسي منمش وحد زعلان مني

مش عارف اقل ايه تاني
بس توبيك جميل ياسوما
وع فكره اول مره اسمع السونج دي
انت عارفه بقه الكينج مبسمعش غير ليه


تحياتي


9 
S α ү з D

عارفها وحافظها

سمعتها اول ما نزلت ووقتها فاكر انى اتخيلت المنظر عنيا دمعت عشان بس اتخيلته مش عيشت فيه

لكن جه وقت عليا حتى لو هقول ان كل الناس معايا بروحهم

بس الكلام اتحقق والشعور حسيته وعيشت فيه

مع انهم كلهم موجودين ربنا يخليهم ليا

بس بقوا عباره عن (( صور ))

اتغيرت من الشعور ده ,, نفسيتي تعبت

روحى اتخنقت ووصلت لمرحلة انى كرهت كل حاجه

لما كل يوم فعلا اصحى ابص مش الاقى غير ناس غريبه حتى لو كانوا اصحاب بشوفهم وانا رايح الشغل

لكن

الحمد لله على كل حال

اكيد مش هيفضل الحال كده بردو

وكل شئ مكتوب والحمد لله راضى بالمكتوب ليا

تسلم ايديكى بس قلبتى عليا المواجع

صباح الخير


10 
ملكة بكبريائى

الاغنيه دى انا بعشقها بجد بتهزنى اوى
بصى كل واحد زى ما قال شادى هيصحى الصبح هيلاقى فقد ناس وناس غابت عن حياته والفراق شىء اساسى

وانا راى برداو اننا نتعامل زى ما احنا معالناس نكسبهم منحاولش نخسر حد بقدر الامكان
ولا ننافق حد علشان نكسبه طبعا لا
واننا نلوم نفسنا ونعاتبها قبل ما اليوم ينتهى
انا جرحت حد انهردا
طيب دايقت حد طيب انا صح الى قولته طب غلط يبقى معملوش تانى
زعلت حد بدون قصد اروح اعتزرلو
صليت وصلاتى اتقبلت طيب انا قرايت قرءان انهردا
لا خلاص بكرة هقرأ
نخلى حياتنا الجانب الدينى الاول ومن ثم نفكر في الجانب الاجتماعى ونشوف اخطاءنا نحاول نصلحها
اصل احنا مش هنعيش كتير دا عمر واحد
وياعالم اخرتنا ايه فنحاول نكسب الدنيا بقدر الامكان بحاجات بسطيه تسعدنا
وسعاده الناس منحاولنش نكون انانيين
لو لقينا توهان في حياتنا واننا مش عارفين حياتنا ويأس وكأبه
نروح للدين والقرءان وبعد كدا
نروح لحل المشكلات بعقل
او نروح لحد اكبر مننا واثقين فيه نحكيلو كل همومنا يريحنا
نبكى ليه لا لما نزعل نبكى بس نحاول ننسى كل الى زعلنا عليه
ولو مشكله نحاول نحلها بزكاء مندخلش نفسنا في متاهات ونقول جايز تكمل لا مفيش جايز
ياانا متاكد انها هتكمل يامش متاكد يب قى اسيبها للظروف

توبيك جميل انا مش عارفه اتكلم فيه اوى بس انا حساه



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.