العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
princess samar

السلام عليكم ازيكم يا بنوتاتى ياقمرات منتدى المصطبة
بعد الترحيب
عايزة افتح معاكم دردشة
فى موضوع الحب
بس بطريقه تانية يعنى
دايما بنحب اكتر وبنضحى اكتر
ولو حصل لقدر الله فراق بيكون صعب علينا اوى
علشان الشخص اللى بنحبه بيكون فى حياتنا الحبيب والزوج والاخ والاب كمان
يمكن هما مش بيحسوا بكدا اوى بس دا بيكون حقيقه
عايزة اعرف احساسك ايه لو حبيتى واحد اوى كدا سنين مش ايام ولا شهور
وفجاة بعد عندك بس خلينا نقول انه سابك بمزاجه يعنى مثلا مش الظروف ولاغصب عنه لان الحاجات دى انا عارفه
اننا دايما بنسامح فيها احساسك ايه بعد ما تكونى لوحدك وفجاة يجى واحد تحبيه وتتكلمى معاه يحتويكى بجد وفى لحظة يسيبك وترجعى تانى لوحدك
عايزة اعرف هتعملى ايه وهتحسى بايه بس بعيدا بقه عن ان انا شخصيتى قوية ويروح فى مصيبة وغيرو كتير والكلام دا
لان دا كلام بنضحك بيه على نفسنا وممكن يكون حقيقه بس انا عايزة اعرف احساسك وقراراتك وقررتى ايه
وهتقررى ايه لو حصلك كدا
ولو حد عنده تجربه ياريت يقولها كمان
الموضوع دا للبنات بس مفيش مانع لمشاركة الولاد



2 
أحلى دنيا

اممممممممم


الحب الحقيقي عمرو ما ينتهي مهما حصل ومهما مر من وقت
ولو واحد فارق وحدة بحجة الظروف
فالظروف حجة لمن لا حجة له

ولو حصل فراق بيني وبين شخص
سواء انا السبب او هوا
فمظنش اني هزعل

لان ببساطة ساعتها هعرف ان دا مكانش حب حقيقي
الحب اكبر من انو يكون كلمة
او حتى كلام حلو بين اتنين او تصرفات
الي يحب حد يبان عليه من غير ما يتكلم
وكل ما كان في احترام واخلاص هيكون الحب ابدي

معاكي ان احساس الفراق وحش
خصوصا بين اتنين حبو بعض سنين
بس دا قضاء ربنا وفي نفس الوقت زي ما قلتلك
غالبا بيكون مش حب حقيقي
عشان كدا مش لازم زعلنا يطول
وبتكون حكمة من ربنا انو عايزنا نتعلم من التجربة دي ونستفيد منها


معلش لو طولت عليكي او خرجت عن الموضوع شوية
بس دا كان رأيي


4 
kitty

والله مش عارفة ارد عليكى
الم وحزن وصمت وكابة وممكن تبقى صدمة اووووووووى لو كان بيلعب بيكى وراح يتسلى بغيرك


5 
Fatma Hamed

مش عارفه بصراحة
بس اكيد احس بكسرة فى قلبى
دى اقل تعبير ممكن يتقال


6 
ملكة بكبريائى

بصى اكيد دا عمر طويل
فااكيد مش هقدر انسى بسهوله
ولكن فى حاجه فى دماغى دائما بقولها من باعك بيبعه
وهو لو باعنى بالجزمه والله
هحاول حتى لو زعلانه مع نفسى
ولكن ادامه قويه جداااا
واصلا من قبل ميمشى او كدا
هحاول انا الى امشى تيجى من ناحيتى انا

بس من الاخر هو ميتحقكش الشخص دا الواحد يفكر فيه
طما اتخللى عن حبه بسهوله
وسهل انى انساة
دى شخصيتى والله اعلم علشان محسبتهاش ق بل كدا
وان شاء الله محدش يحسها


7 
dr.beaut

انا شايفه انه لو سابنى بظروف او من غير ظروف زى مابتقولى
اولا لازم اتقبل بالامر الواقع وهسيبه زى ماسابنى
ثانيا هحاول انسى واعيش حياتى واثبت نفسى فى شغلى
ثالثا بئى احاول افكر انى احب غيره او لا دى هتكون اخر حاجة لانى لازم احب ال هتجوزه يعنى
ع فكرة الموضوع دا بيحصل كتير البنت تحبه وف الاخر يطلع بيتسلى بيها حتى لو لمدة سنين
ميرسى جدا ع الموضوع
تقبل رايى


8 
shere

كلامك جميل جداً يا لوكا
لو انا عملت كده مع بنت يبأه انا مبحبهاش اصلا من الاول وحبيت انى اضيع وقت معاها والسلام
انا لو بحبها اخليها معايا اسعد انسانه فى الدنيا مش اقولها مش هينفع نكمل مع بعض
دا على اى اساس مثلا على اساس انها علبة سجاير خلصت وبعد ما خلصت رمتها
لا طبعاً دى إنسانة بقلب وبعقل وبجسد وبكل ماتحمل كلمة انسانه من معانى
وبعدين حرام ان انا اعمل كده

بس انا هسئلك سؤال واحد والسؤال لاى بنوته تخش التوبيك
لو البنت هيه اللى عملت كده !
ومتقولوش مفيش بنات بتعمل كده لا فيه !! يبأه الحل ايه ؟
سورى طولت عليكم شويه


10 
eslam

ضياع الحبيب ممكن يبقى ضياع الحياة وممكن يبقى ضياع حلوة الحياة


لكن عمتا الواحد لما بيفقد شىء كان متعود عليا حتى ولو الشىء دة كان سىء بيسيب فراغ والاحساس انك مافيش حاجة تعيش ليها احساس مؤلم جدا



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.