العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
snow white




عندما تتباعد الأعمار هل يغيب الانسجام؟ elmstba.com_1358938260_206.jpg

تحمل الحياة الاجتماعية ضمنياً عوامل رفض وقبول العديد من المظاهر والسلوكيات وفقا لدرجة تأثيرها أو انتشارها بيننا

من هذه الظواهر فارق السن بين الزوجين سواءُ أكان الزوج أكبر من الزوجة أو العكس. فهل يلغي هذا كل الزيجات السعيدة لأشخاص جمعهم الزواج رغم الفارق العمري بينهما؟

ومن ثم أليس من شأن هذا أن يضيق مساحة الزواج ويقلل من فرصه ليصبح عائقاً إضافياً يضاف إلى آلاف العوائق الطائفية والدينية والقومية والمادية والثقافية والطبقية التي تمنع اقتران الشباب وبالتالي ارتفاع معدل العزوبية المتأخرة بينهم، لتكون عقبة إضافية أمام استمرار الحياة الطبيعية وإشباع الرغبة الفطرية للرجل والمرأة في الاستقرار وبناء الأسرة.


فهل يمكن أن يحب ويتزوج رجل امرأة أكبر منه سناً ؟
وهل يمكن لامرأة أن تتوافق عاطفياً مع رجل أصغر منها؟


والعكس هل يمكن ان تتزوج فتاه رجل اكبر منها سنا( بفارق كبير طبعا ليس الفارق المتعارف عليه

أسئلة محيرة تنتاب ذهن الكثير منا ،
هناك من يرى أن الحب ليس له زمان أومكان ويولد حيث تكون البيئة صالحة له ، بصرف النظر عن عمر الزوجين ، والعواطف والمشاعر لا علاقة لها بالسن وهناك حالات ناجحة تكون فيها الزوجة أكبر من الرجل أو العكس المهم توافر عنصر الانسجام

0وهناك اخر يرى انه لايمكن ولا يقدر والعادات وووووووو

ارجو التفاعل...........






2 
ملكة بكبريائى

بصى انا دايما بقول مش بالسن
بس من وجهه نظرى البت مينفعش تنسجم خالص مع رجل اكبر منها بكتير يعنى هى 20 وهو 50 صعبه دى مسيره يكبر ويعجز وهى تبقى لسه وتبقى في عوامل خيانه وفراق
وبالنسبه للست تتجوز شخص اصغر منها لو لفرق مش كبير ممكن ولو هو عاقل وفى نفس تفكيرها ممكن بس سن بسيط اخرها 5 سنين ودا كبير بردوا
وبردوا في الاخر الست بتعجز والراجل بيبقى لسه شا ب او صغير وبيبقى عايز مراته حاجه تانيه لسه في عز شبابها وهى تكون تعبت وهنجت خالص
فانا اعتقد مينفعش ست تتجوز شخص اصغر منها
او اكبر بكتير
خليها في المعقول
خير الامور الوسط


4 
Tawfik

خلينى اكلمك على النقطة دى بشكل عام

فرق السن وعدد السنين المناسبة بين اى اتنين فى حدود 3:5 ودى بدرسات اتعملت السن دا بيكون مناسب جداً اتنين عمرهم متقاربين فاهمين بعض من نفس الجيل دماغهم تقريبا ممكن واحده او ممكن تبقى واحده ,,

دا مايمنعش ان يكون فيه ارتباط بين اتين فرق سنهم كبير وبرده ممكن يتوأمو مع بعض
بس فى العام ممكن يحبوا يسهروا برا هى تبقى لابسه فستان مناسب لسنها وهوا لابس بدله
كروهات وايام عماد حمدى .. ممكن ساعتها تتعب

فالامر نسبى وان كانت الكفه لان السن بينهم يكون قريب ..

شكراً وتقبلى مرورى الخفيف دا :)


5 
snow white


نورت بمرووووووورك الجميل دا

انا معاك جدا فى رأيك دا

بس انا لفت نظرى نقطه معينه خلتنى اتكلم ف الموضوع دا
انه اوقات لما بيكون فى فرق سن كبير بين الاتنين
بيتكسفو انهم يقولو واوقات كتير بيحسو انه موقف محرج ليهم وبيخبو
اوقات كمان لما يكون هو الاصغر منها حتى ولو بشهور
فى بنات بتبقى محرجه انها تقول ده وهو كمان بيكدب لو حد سأله كان نفسى اعرف السبب اوى

مرة تانيه نورت بمرورك ده


6 
أحبُكَ ربى

بصى يامريم انا كنت مجهز رد طول اوى ع الموضوع ده

لكن باختصار هرد فى نقاط سريعة ..

النقطة الاول : يفضل يكون الزوج اكبر من الزوجة مابين [ 2 : 5 سنوات ]
ده لفوارق علمية فى التفكير بين الولد والبنت .

النقطة الثانية : ان كل حاجة فى الدنيا ممكن تتعمل فى افضل صورة اذا بنيت على اطار شرعى

فالله تبارك وتعالى امرنا بالاقتداء بنبيه الكريم " لقد كان لكم فى رسول الله أسوة حسنة "

فالنبى تزوج السيدة خديجة وهى تكبره بـ 25 عام ، وتزوج السيدة عائشة وهو يكبرها بفارق كبير من السن

كنت محضر رد افضل وبشكل مدروس شوية بس عشان الكسل بقى وصلاة العشاء

فرديت ع السريع


7 
s ! l e n c e

فرق السن يعمل على خلق التفاهم بين الزوجين عندما يكون معقولاً
فمثلا من 5 الى 10 سنوات يكون الزوج أكثر نضجا عقلياً وعاطفياَ من الزوجة
وهذا يسمح له باستيعابها وتفههمها
أما الفرق أكثر من ذلك يشكل فجوة عقلية وعاطفية يصعب ردمها أو القفز من فوقها


8 
maya_1

لازم فرق العومر ميبقاش كبير عشان نقدر نفهم بعض


9 
!_DiDi_!

هو الانسجام مش بيكون بالسن اكيد

بس في نفس الوقت ميكونش فيه فرق سن كبير

لان دا ممكن يحول العلاقة الى علاقة شفقة


10 
العصفور الجرى

فرق العمر مش مشكله للتفاهم بين الطرفين
ولكن مدى استعاب العقل للتفاهم .

هذه هى المشكله .

لان من الممكن ان يكون الاعمار متقاربه ولكن لا يوجود فن التحاور والتفاهم بين الطرفين



 من مواضيع العصفور الجرى


Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.