العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات

لحظة خوف

كاتب الموضوع: shere، فى قسم: منتدى الحب والرومانسية


1 
shere

لحظة خوف

لحظة خوف
فيها تشوف
كلّ العالم واقف ضدَّك
و انت لوحدك
فيها تحس الكون اتغيّر
كل قريّب منك خاين
شِعْرك
رسمك
أهلك
صاحبك
حتى حبيبتك
تلقى الدينا بترمي همومها
علشان تقتل لحظة فرْحك
تلقى البحر بيرفض تجري
ترفع فوق الموجة شراع لأجل ما تهرب إنت و حلمك
٭٭٭٭٭٭
لحظة ...!!!
لحظة تشوف نفسك متقيَّد
بين جدران العمر الضايع
عاجز إنّك تكسر سجنك
نفسك تصرخ و الصوت يعلى
يوصل عند الشمس الغايبة
علشان ترمي الضّي ف وطنك
بس تلاقي الصوت مسجون تعرف إن العتمة دي قدرك
و إنّ الحزن هيصبغ زمنك
٭٭٭٭٭٭
لحظة ..!!
لحظة تحس بخـوفك منّك
تبعد عنّك
تبقى عدوَّك
تبقى المجني عليه و الجاني
تكره نفسك
ترفض شكلك جوَّه مرايتك
لما تشوف الحزن بيسكن
جوَّه عيونك مش بيفارقك
٭٭٭٭٭٭
لحظة ...!!!
لحظة تشوف الريح بتقرب
تاخدك فيها و ترميك أبعد
تلقاك وحدك وسط الغربة
تجري تدوَّر .. تجري بسرعة
فين اللمـة
فين الصحبة
تفهم إنك عايش وحدك
و ان الجاي من زمنك .... أصعب



4 
shere

اقتباس: المشاركة الأصلية كتبت بواسطة chahra  مشاهدة المشاركة
تجري تدوَّر .. تجري بسرعة
فين اللمـة
فين الصحبة
تفهم إنك عايش وحدك

ايه فلم الرعب دا
و تبعا عندك حق
تسلم يا شيري

هههههههههههه
ناقص بس ننزل باتتر علشان الفيلم يظهر على حق
وشوية موسيقى
منورة يا لولا


5 
shere

اقتباس: المشاركة الأصلية كتبت بواسطة ::..ALL EnDeD..::  مشاهدة المشاركة
تفهم إنك عايش وحدك
و ان الجاي من زمنك .... أصعب

تسلم ايدك

ميرسى على ردة يا نودى
منورة التوبيك


7 
shere

اقتباس: المشاركة الأصلية كتبت بواسطة ضى القمر1  مشاهدة المشاركة
الله عليك بحس انك رايق اوىربنا معاك

والله بالعكس يا ضى دا الواحد شايل فوق دماغه كتير
شرفنى مرورك يا قمراية


8 
بنوتة روشة

واكتب في الاخر
واييييييييييييه شعبولا

شكرا لعذوبة الطرح وجمال الانتقاء


9 
Salah Hamouda


لحظة خوف
فيها تشوف
كلّ العالم واقف ضدَّك
و انت لوحدك
فيها تحس الكون اتغيّر
كل قريّب منك خاين
شِعْرك
رسمك
أهلك
صاحبك
حتى حبيبتك
تلقى الدينا بترمي همومها
علشان تقتل لحظة فرْحك
تلقى البحر بيرفض تجري
ترفع فوق الموجة شراع لأجل ما تهرب إنت و حلمك
٭٭٭٭٭٭

ثاانكس شيرى

تسلم ايدك


10 
shere

اقتباس: المشاركة الأصلية كتبت بواسطة بنوتة روشة  مشاهدة المشاركة
واكتب في الاخر
واييييييييييييه شعبولا

شكرا لعذوبة الطرح وجمال الانتقاء

ماشى يا روشة
ولا تزعلى نفسى
وايـــــــــــــــــــــــــــــــــــــه
منورة يا قمرايه



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.