العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

( شاعر الجروح )

كاتب الموضوع: DaBoOs، فى قسم: منتدى الشعر والخواطر


1 
DaBoOs

( شاعر الجروح )
______________

بعد العمر اللى مضا .. جرحى بدا
وهو ده
حزنى الكبير .. قلبى الأسير
تملى أضيع . وكله يبيع
ولو أفضل حزين عادى .. ولو أتعب سنينى راضى
ولو مهما حصل
إيه اللى عايد ؟ .. غير القصايد؟
انا شاعر الجروح
...............................
الشاعر الصغير إتعلم .. الحزن اللى فيا إتكلم
بكتب للأحزان .. ولقلبى الحزنان
اللى عاش دايماً يتألم
الشاعر خلاص وصل .. وبكتب ع اللى حصل
مهما يكون مكتوب .. انا اللى غلبت أيوب
وده قلبى اللى عن إنفصل

حفضل حزنين مهموم .. شايف الحلو مسموم
أصل حزنى ليا مكتوب
حفضل بكتب سنين .. بعاتب على الحنين
اللى إفتكرته محبوب

وبقيت شاعر الجروح
..................................
الفرح خلاص نسيته .. الحزن فى المينا رسيته
معدوم فى الغريق .. ماليش تانى طريق
غير الحزن اللى أسيته
الفرح خلاص إنتهى .. من الأحزان اللى شفتها
شايف الكون .. ينتهى بسكون
كل الخدع جربتها

ولا حكتب لحد غيرى .. الشعر بقا هو طيرى
اللى حكون بس عايشله
ولا عايز حد قريب .. ولا صاحب ولا حبيب
الشعر هو اللى أرمشله

وبقيت شاعر الجروح
.........................
الجراح بقت موجوده .. الأفراح بقت مرفوضه
ولا حب ضايع .. ولا قلب واجع
الأحزان ليا الموعوده
الجراح بقت عايزانى .. الأفراح بقت رافضانى
ولا قلب يتهان .. ولا حب ولا نسيان
الأحزان بقت حبانى

ولا حكتب إلا عن نفسى .. واللى شفته بنفسى
علشان انا شاعر قديم
الموهبه كل ما بتعلى .. الجراح مستواها بيعلى
وفى حزنى لقبى القدير

وبقيت شاعر الجروح
.........................



2 
سعاد_سوسو

جميل جدااااااا
اتمنى لك التوفيق
مشكوووووووووووووور



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.