العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

اب يحترم ابنة !!! عايز رأيكم

كاتب الموضوع: محمد احمد بركة، فى قسم: منتدى النقاش الجاد


1 
محمد احمد بركة

حوار أب حنون لابنه :::







الأب :
يا ولد


الابن
(و بكل براءة) : نعم


الأب :
نعمة لما ترفسك


الابن
ليه ايه اللى عملته؟



الأب :
عملك اسود ومهبب


الابن
هو انا قلت حاجه؟


الأب :
لا كان ناقص تقول كمان.. أوقف عدل يا حيوان


الابن
حاضر


الأم:
يحضروا على قبرك.. لما أبوك يتكلم إنت تخرس


الابن
أخرس؟؟


الأب
: أيوة خرسة تخرسك ان شاءالله


الابن
ماشي


الأم:
مشش فى ركبك


الابن
ايه مشش دى؟


الأب :
أما إنك قليل الادب وبترد على امك كمان؟


الابن
انا رديت على إمي؟ ياما ماتقوليله حاجة


الأم:
أخرس ياض


الابن
(( غلب على امره و سكت))


الأب : أما جيل قليل الحيا صحيح...بتكلم ومبتردش عليا اتخرست ليه كتك خرسة تخرسك


الابن
يعنى اقول لو اتكلمت بتشوفوا كلامى غلط


الأب :
ليه ياض شايفنا عُومى ولا شايفنى أحول ومش بشوف؟


الابن
لا اله الا الله


الأم:
الله ياخدك ويريحنا منك.. يا ريتني خلفت ابن الجيران و لا خلفتك


الأب :
انا مش عارف الواد ده طالع لمين.. لا وشايف نفسك راجل اوى؟


الابن
طيب يعنى اعمل ايه عشان تشوفنى راجل؟


الأب :
إن شالله ما تطيب.. اخرس


الابن
يا ااااااااااااااااااااارربي خلاص ممكن أمشى؟ انتم نادتونى ليه أصلا؟


الأم:
آه صحيح انت ليه ناديت على الواد؟


الأب :
تصدقى .... نسيت.. مش عارف... خلص امشى غور كتك الارف


ده مش موضوع للضحك وانما واقع بنعيشه عايز رأ يكم ليه الاب و الام اتغيروا واصبحوا بهذه الطريقة



3 
ملكة بكبريائى

لا بجد انا مت من الضحك ايه الابهات ولاامهات دول ههههههه
بس عندك حق والله بتحصل فى بيوت كثيرة ان الاب بيعقد ابنه انت وانت وانت
والام نفس الشى
ودا بيرجع لعقدة عندهم مفروض يربوا اولادهم تربيه صح علشان ميكلعوش عندهم نقص او عصيبه او او
لان التربيه عامل مهم بيتاثر عليه الشاب او البنت لم تكبر
وزى مبيعملوا الاب والام بيعملو الاولاد زيهم

بجد نقول ربنا يهديهم ويربوهم بس مش بالشكل دا


4 
5ofo

مش عارف والله مش ممكن اقول غير على اللى شايفه


يعنى المعاملة اللى بيعاملهالى بابايا و مامتى كويسة و كويسة جدا


بس ممكن تكون فيه ابهات و امهات كدا


ثانكس يا محمد
:)


5 
shere

من اللى بيشفوه من ولادهم يا بركه
انه عرف الشباب وحوارتهم
طيب يا ريت القيم والاخلاق ترجع زى زماااااااااان



6 
RoOma ZaMalek

يالهوى دى ام ولا دا اب
هما جيبينه علشان يطلعوا فيه غلهم ربنا على الظالم والمفترى
بس انا حاسه ان دلوقت بيحصل بالعكس الولد هوا الى بيزعق ويبهدل امه وابوه ولا انتو ايه رئيكم
يلا ربنا يريحه منهم


9 
dr.beaut

يانهار ابيض
لا دا بابا وماما ملايكة بئى
لا انا مش شفت النوع دا ادامى فى اى حاجة انا كل الناس ال اعرفهم ابهاتهم ممكن صعبين بس مش كدا ومامتهم طيبة جدا
لكن دول انا لو من ابنهم كنت ولعت فى نفسى عشان اريحهم احسن


10 
nancy2002

ده بيحصل اكتر فى الطبقة الفقيرة واكتر من كده كمان
ده انا ياما بشوف حاجات
ربنا يهديهم بقا



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.