العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

النقاب ؟!!!!!!!!!!!

كاتب الموضوع: حور الجنه، فى قسم: منتدى النقاش الجاد


1 
حور الجنه


السلام عليكم ورحمة الله وبركاته


فى بنات وسيدات كتير اوى مرتديين النقاب

ولما سألت هل النقاب فريضه ام سنه؟

لقيت اجوبه كتير واحترت

فى اللى تقولى سنه واللى تقولى فرض واللى تقولى مستحب

واللى تقولى انا لبسته عشان زوجى

واللى تقولى مش من حق اى حد يشوفنى الا زوجى

وفيه المعارض اللى بيقول اللى بتلبس النقاب دى واحده عايزه تبقى مميزه وخلاص بين الناس

طب فين التمييز ده

بصراحه دوخت ومش عارفه ايه الصح

سؤالى

هل النقاب فريضه ام سنه؟

وهل المنتقبه لازم تكون متفقهه فى الدين ؟

تحياتى النقاب ؟!!!!!!!!!!! s07.gif




2 
Immigrant

موضوع جميل جدا يا حور

اما بالنسبه للفتوى
ف انا بردوه قريت فتاوى كتير ف الموضوع دا

فالاراء متناقضه جدا
متصدقيش حد يقول دا فريضه
ومتصدقيش حد يقول مش فريضه

اعملى اللى انتى شايفاه صح بس


مش شرط لبس النقاب مثلا انك تكون متدين 100 % بمعنى

النقاب بيتلبس الايام دى موضه
النقطه دى سيبك منها مش هندخل فنقاش فيها

بس فى ناس فعلا بتلبسه علشان بتدايق كتير* فالشارع بتسمع كلام مهين او خارج ع العرف لمجرد انها مش محجبه او لبسها ملفت طبــعا

ان هديلك مثال

انا شخصيا معترض ع النقاب مبحبوش
تخيلى كده حد اعرفه متنقب وماشى جمبى انا معرفوش

بالزمه دا ينفع ههههههههه
افرضى اختى او امى او حد قريب منى




المهم المثال

انا اتفجات مره اختى بتقولى يا شادى انا عاوزه اتنقب قولتلها ليه يابنتى ملهوش لازم النقاب
انا مبحبوش وبعدين يا سها عادى يعنى البسى اسدال او عبايه بس بلاش النقاب
قالتى يا شادى انا بسمع كلام بيدايقنى جدا وبشوف نظرات الناس ليا هتاكلنى

قولتها اللى تشوفيه مع ان انا بكره النقاب اصلا


مع العلم ان اختى اصلا مكنتش محجبه
وعمرها ماسابت المصحف ولا سابت صلاه
وبصراحه هيا اللى علمتنى الصلاه
وعلمتنى القراءه وخصوصا اول هديه منها كتاب لاتحزن للشيخ عائض

وهيا اللى علمتنى اقلى بطاطس هههههههه

يعنى لبست النقاب اصلا وهيا عارفه اصولها دينها
اه كان نقصها الحجاب
بس دى الحاجه الوحيده اللى لازم تكون ع اقتناع
علشان كده سبتها تيجى منها هيا
ومضغطش عليها كتير ف الموضوع دا

انا عاوز اوصل ان النقاب مش بداية الدين بالعكس

كلنا مسلمين
وكلنا عارفين فين الصح وفين الغلط
بقلوبنا مش لازم فتوى شرعيه

انا اعرف اذا كان دا صح واذا كان دا غلط بقلبى وعقلى


3 
S α ү з D

محتاج كلام كتير الموضوع ده لان فيه نقط محتاجه توضيح ونقاش

راجع تانى ...

To Be Continued ....


4 
Immigrant

انا متابع معاك ياسيد
لان تقريبا ف حاجات كتيره ساقطه منى
ومحتاج النقاش فيها


5 
ملكة بكبريائى

بصى اانا سمعت احدى شيوخ او سمعت فتوى او ربما حاجه زى كدا ان النقاب مش فريضه الفريضه ان المرأة تغطى ايديها وا لطرحه تكون كبيرة وااللبس يكون واسع ومش شفاف وعبايات بقى وكدا

وميكنش في الوان تجذب دا الى سمعته ان مش شرط تغطى المراة وشها ابدا
والله اعلم بقى بالن وايا ممكن واحده منقبه وتلاقيها مش تمام وفى واحده منقبه تلا قيها في كامل اخلاقها
دى بقى تبقى ارادت حياه فقهيه وحياه دينيه بحق وحقيقى وحافظت على دينها وحياءها
انما في بعض البنات تلاقى نقابهم ضيق زى ما بنشوف وفوقيه طرحه احمر واخضر وميكيب في العيون وحاجه قرف بيشوهو صورة النقاب


6 
S α ү з D

اقتباس: المشاركة الأصلية كتبت بواسطة Immigrant  مشاهدة المشاركة
انا متابع معاك ياسيد
لان تقريبا ف حاجات كتيره ساقطه منى
ومحتاج النقاش فيها

ان شاء الله يا اخى شادي


7 
أحبُكَ ربى

اقتباس: المشاركة الأصلية كتبت بواسطة immigrant  مشاهدة المشاركة
موضوع جميل جدا يا حور

فالاراء متناقضه جدا
متصدقيش حد يقول دا فريضه
ومتصدقيش حد يقول مش فريضه

الدين يسر وعليه فإن اختلاف العلماء رحمة وليس تناقض

اعملى اللى انتى شايفاه صح بس

كلنا مسلمين
وكلنا عارفين فين الصح وفين الغلط
بقلوبنا مش لازم فتوى شرعيه

انا اعرف اذا كان دا صح واذا كان دا غلط بقلبى وعقلى

الله تبارك وتعالى يقول " فاسألوا اهل الذكر ان كنتم لاتعلمون "

تعرف ياشادى ان قبل الاسلام / كان الكفار يطوفوا حول الكعبة عرايا
لكن عقلهم وقلبهم وصلهم انه لايجوز الطواف بملابس مليئة بالذنوب حول الكعبة
لكن ربنا حرم الطواف بالكعبة بالعرى وانما امر بلبس افضل الثياب والتعطر بافضل العطور .

تعرف كمان لما أنزل الله آية تحريم أكل الميتة الكفار والمشركين اتريقوا على الاسلام
وقالوا هو انتو تقبلوا ازاى تاكلوا اللى انتو تدبحوه وتحرموا على نفسكم اللى ربنا يموتها انهى عقل يفهم ده .

النبى صلى الله عليه وسلم فى خطبة الوداع يقول
" تركت فيكم ما إن تمسكتم به لن تضلوا معى ابداً " كتاب الله وسنته "
فعلى كل مسلم ان يرجع لكتاب الله وسنة رسول الله ــ فى أمر يخص حياته كلها




8 
أحبُكَ ربى

تحرك القلب لمعرفة الحق أحد أسباب هداية الله !

لقيت المرأة المسلمة من التشريع الإسلامي عناية فائقة , كفيلة بأن تصون عفتها , وتجعلها عزيزة الجانب , سامية المكانة , وإن القيود التي فُرضت عليها في ملبسها وزينتها لم تكن إلا لسد ذريعة الفساد الذي ينتج عن التبرج بالزينة , فما صنعه الإسلام ليس تقيدًا لحرية المرأة , بل هو وقاية لها أن تسقط في دَرَكِ المهانة , وَوَحْل الابتذال , أو تكون مَسْرحًا لأعين الناظرين .

للحجاب فضائل وللتبرج قبائح !!
لكن هذا ليس محور سؤالك فنعدى النقطتين دول .

لكن خلينا نتكلم فى الشروط
الواجب توفرها مجتمعةً حتى يكون الحجاب شرعياً :
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ

(1) الأول: ستر جميع بدن المرأة على الراجح :

وبعض العلماء يبيح كشف الوجه والكفين بشرط أمن الفتنة منها وعليها , أي: ما لم تكن جميلة , ولم تُزَيِّنْ وجهها ولا كفيها بزينة مكتسبة , وما لم يغلب على المجتمع الذي تعيش فيه فساق لا يتورعون عن النظر المحرم إليها , فإذا لم تتوافر هذه الضوابط لم يجز كشفهما باتفاق العلماء .



الثاني: أن لا يكون الحجابُ في نفسه زينةً:

لقوله تعالى: {وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا} (31) سورة النــور , وقوله جل وعلا: {وَلَا تَبَرَّجْنَ تَبَرُّجَ الْجَاهِلِيَّةِ الْأُولَى} (33) سورة الأحزاب , وقد شرع الله الحجاب ليستر زينة المرأة , فلا يُعْقَلُ أن يكونَ هو في نفسه زينة .



الثالث: أن يكون صفيقاً ثخيناً لا يشف:

لأن الستر لا يتحقق إلا به , أما الشفاف فهو يجعل المرأة كاسية بالأسم , عارية في الحقيقة , قال صلى الله عليه وسلم: " سيكون في آخر أمتي نساء كاسيات عاريات , على رُؤوسهن كأسنمة البُخت , العنوهن فإنهن ملعونات " [صحيح]
وقال-أيضاً-في شأنهن: " لا يدخلن الجنة , ولا يجدن ريحها , وإن ريحها ليوجد من مسيرةِ كذا وكذا " [ مسلم ]
وهذا يدل على أن ارتداء المرأة ثوباً شفافًا رقيقًا يصفها , من الكبائر المهلكة .



الرابع: أن يكون فَضفاضًا واسعًا غير ضيق:

لأن الغرض من الحجاب منع الفتنة , والضَّيِّقُ يصف حجم جسمها , أو بعضه , ويصوره في أعين الرجال , وفي ذلك من الفساد والفتنة ما فيه .

قال أسامة بن زيد رضي الله عنهما : ( كساني رسول الله صلى الله عليه وسلم قُبْطِيَّةً كثيفة مما أهداها له دِحْيَةُ الكلبي , فكسوتُها امرأتي , فقال:" ما لك لم تلبس القُبْطِيَّةً ؟ " , قلت: ( كسوتُها امرأتي ) , فقال: " مُرها , فلتجعل تحتها غُلالة – وهي شعار يُلْبَسُ تحت الثوب – فإني أخاف أن تَصِفَ حجمَ عِظامِها " ) [ حسن ]



الخامس: أن لا يكون مُبَخَّرًا مُطَّيبًا:

قال رسول الله صلى الله عليه وسلم : " أَيُّما امرأةٍ استعطرت , فَمَرَّتْ على قومٍ ليجدوا ريحها , فهي زانية" [ حسن ]



السادس: أن لا يشبه ملابس الرجال :

قال رسول الله صلى الله عليه وسلم : " ليس منا من تشبه بالرجال من النساء , ولا من تشبه بالنساء من الرجال ". [ صحيح ]
وعن أبي هريرة رضي الله عنه قال : " لعن رسولُ الله صلى الله عليه وسلم الرجلَ يَلْبَس لِبْسَةَ المرأة , والمرأة تلبَسُ لِبسَةَ الرجل " . [ صحيح ]
وقال رسول الله صلى الله عليه وسلم : " ثلاث لا يدخلون الجنة , ولا ينظر الله إليهم يومَ القيامة: العاقُ والديه , والمرأةُ المترجلة المتشبهة بالرجال , والدَّيُّوث "الحديث.[ صحيح ]





السابع: أن لا يشبه ملابس الكافرات :
قال رسول الله صلى الله عليه وسلم : " من تشبه بقوم فهو منهم " . [ صحيح ]
وعن عبد الله بن عمرو رضي الله عنهما قال : " رأى رسول الله صلى الله عليه وسلم عَلَيَّ ثوبين معصفرين , فقال : ( إن هذه من ثياب الكفار فلا تَلْبَسها ). [ مسلم ]



الثامن: أن لا تَقْصِدَ به الشهرةَ بين الناس :
قال رسول الله صلى الله عليه وسلم : " ومن لَبِسَ ثَوْبَ شُهْرَةٍ في الدنيا , ألبسه الله ثوبَ مَذَلَّةٍ يوم القيامة , ثم ألهب في ناراً " . [ حسن ]
ولباس الشهرة هو كل ثوب يَقْصِد به صاحبُه الاشتهارَ بين الناس , سواء كان الثوب نفيسًا , يلبسه تفاخراً بالدنيا وزينتها , أو خسيسًا يلبسه إظهارًا للزهد والرياء , فهو يرتدي ثوباً مخالفاً مثلاً لألوان ثيابهم ليلفت نظر الناس إليه , وليختال عليهم بالكِبْرِ والعُجْبِ .




إذا تدبرتِ الشروط السابقة تبين لك أن كثيراً من الفتيات المسميات بالمحجبات اليوم لسن من الحجاب في شيء , وهن اللائي يسمين المعاصي بغير اسمها , فيسمين التبرج حجاباً , والمعصية طاعة .
لقد جَهِدَ أعداءُ الصحوة الإسلامية لِوَأْدِها في مهدها بالبطش والتنكيل , فأحبط الله كيدهم , وثَبَتَ المؤمنون والمؤمنات على طاعة ربهم عز وجل.
فَرأَوْا أن يتعاملوا معها بطريقة خبيثة ترمي إلى الانحراف بالصحوة عن مسيرتها الرباينة , فراحوا يُرَوِّجون صورًا مبتدَعةً من الحجاب على أنها ( حل وسط ) تُرضِي المحجبةُ به رَبَّها – زعموا - , وفي نفس الوقت تساير مجتمعها , وتُحافظ على " أناقتها " !
وكانت ( بيوت الأزياء ) قد أشفقت من بوار تجارتها بسبب انتشار الحجاب الشرعي , فمِن ثَمَّ أغرقت الأسواق بنماذج ممسوخة من التبرج تحت اسم ( الحجاب العصري ) الذي قوبل في البداية بتحفظ واستنكار.

وأحرجت ظاهرةُ الحجاب الشرعي طائفةً من المتبرجات اللائي هرولن نحو (الحل الوسط) تخلصًا من الحرج الاجتماعي الضاغط الذي سببه انتشار الحجاب , وبمرور الوقت تفشت ظاهرة ( التبرج المُقَنَّع ) المسمى بالحجاب العصري , يحسب صويحباته أنهن خير البنات والزوجات , وما هن إلا كما قال الشاعر:
إن ينتسبن إلى الحجــابِ *** فإنـه نَسَبُ الدخيـل.
إن المسلم الصادق يتلقى أمر ربه عز وجل , ويُبادر إلى ترجمته إلى واقع عملي , حُبًّا إلى ترجمته إلى واقع عملي , حُبًّا وكرامةً للإسلام , واعتزازًا بشريعة الرحمن , وسمعًا وطاعة لسنة خير الأنام , غيرَ مبالٍ بما عليه تلك الكتلُ البشريةُ الضالة التائهة , الذاهلة عن حقيقة واقعها , والغافلة عن المصير الذي ينتظرها .


9 
أحبُكَ ربى

ومن أخطر المظاهر : الرضا بالظواهر والشكليات ، ونسيان القلب والأعمال .

فليس جل الدين في اللحية والقميص القصير والنقاب ، إنها من شعائر الإسلام ، وينبغي علينا أن نلتزم

بها، لكن لأنَّ هذه السنن صارت شعارًا لأهل الإيمان ومعشر الملتزمين في هذا الزمان ، فلا شك

تسرب بينهم من ليس منهم ، واكتفى بهذه الأمور ، ومن هنا عدنا نقول : الملتزم هو الصوَّام القوَّام ،

الملتزم هو القائم بالقسط ، الملتزم هو من خلا بيته من المنكرات ، من يتفقه في دينه ، من يفهم عن

ربه ، من يعمل في تزكية نفسه ، هذه هي المعايير الآن ، ومن ابتعد عن هذا فليس من الملتزمين ،

فقف لتحاسب نفسك .

= يعنى يكون مع من ارادت النقاب تزكيه النفس والتحلى بأخلاق الاسلام وان يوازى التقرب الى الله .




10 
♥ Only U ♥

بصي يا قمري
انا لما كنت في المدرسه في السعوديه
كانو بيقولولك انه فريضه ويجبولك اثباتات دينيه من القران والسنه
لكن انا هقولك بقي اللي فهمته
ان في السعوديه بيمشوا علي مذهب احمد ابن حنبل
وفي مصر علي الشافعي
وعرفت ان مذهب احمد ابن حنبل كان متشدد جدا في الدين وقال ان المراه كلها عوره
ومينفعش حتي كف اديها يبان ولا رجلها
لكن الشافعي مكنش متشدد اوي وقال ان وجهه المراه مش عوره
وان النقاب مش فريضه ولا سنه
هو مستحب انه يتلبس لو المراه جميله اوي
وجملها يفتن فده يستحب انها تلبس النقاب
لكن لو مراه عاديه فده شئ عادي مش لازم تلبسه
بس المشكله بقت في مصر اننا بنشك في اي حد يلبس النقاب نقول دي لبساه ليه
وبنسال بقي
ونغلط يمكن اساسا متكونش واحده يكون راجل ومتخفي في النقاب
وساعات بنقول لو لبسه النمقاب لازم تكون متدينه اوي
وده مش لازم اصلا
بس انا عن نفسي مش شيفه اني البسه من وجهه نظري
مش عشان مش مقتنعه بيه لا
عشان انا شايفه اني مش بلبس حاجه ديقه بلبس الحاجه العاديه اللي لازم تتلبس
طويله وواسع ميكونشفيه شئ مميز عشان الناس تبص عليه
يعني بكون عاديه جدا

وانتي بردو لازم تشوفي انتي لو عازه تلبسيه عشان ايه
مقتنعه بيه
ولا عشان فرض زي ما سمعتي ولا ايه



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.