العودة   منتديات المصطبة > منتديات الأغانى > كلمات اغانى مكتوبة

كلمات اغانى مكتوبة كلمات أحدث الأغانى والألبومات العربية والأجنبية، كلمات اغاني 2019 مكتوبة كاملة

موال

كاتب الموضوع: eslam، فى قسم: كلمات اغانى مكتوبة


1 
eslam


حاليا بالاسواق كدب وغش وغدر وقسوه
وفي ازمه اخلاق



حاليا بالاسواق ناس يكفينا الشر بتجرى
تقطع فى الارزاق



الاحساس مبقاش له قيمه والاخلاص بقى موضه قديمه
واولاد 9 فى الشر بتسعه



ولفين رايحين محناش عرفين... ضايعين مجاريح مساكين
عايشين ومش عايشين



وجراح تجر جراح قوليلنا يا دنيا فين الدوا

عالم رايحه وعالم جايه وعالم تايه فى وسط السوق
ونفوس والله ضايعه وضاله ناس حريفه اكل حقوق



الى يحبك علشان عله والى كأنو مسكلك زله
والى بيغدر ويا ساتر استر لو كان رزقك على مخلوق



والله الصاحب الى ملوش لزمه
الى يسيبك وقت الازمه



مهما اتهرب بكرة يجرب مهو من نفس الكاس هيدوق
غيرة وجرح وظلم يا دنيا ده الى فى الاسواق

ناس بتخونك وتزيد جرحك وبتفتحلك جرح قديم
وتخون عيشك وتخون ملحك وانت معاهم كنت كريم

كنت فاكرهم والله ملايكه لكن دول طلعو على الرايجه
يختفو حبك وتلاقى قلبك مبقاش فيه ولا جزء سليم



تدى حنان يترد قساوة تعمل خير يترد عداوه
ناس مش هما زي الغمه منهم يا رحمان يا رحيم

ناس مخنوقه وناس متضايقه وناس مش طايقه لبعض كلام
ناس مرتاحه وفايقه ورايقه ناس تتحايل على الايام



ناس جواها الشر بيرعى خلو الحب مجرد سلعه
عايز حب وشوق وموده ممكن بس هتدفع كام



حتى الحب خلاص راح زمنو بقى ليه سعر وكله بثمنو
تدفع اكتر تضحك اكتر والمساله مش عايزة علام



غيرة وجرح وظلم يا دنيا ده الى فى الاسواق

خلق بتسرق عمرك سرقه ودول على القسوه ميتوصوش
خير تعمل شر تلقى ناس بصراحه ميستهلوش



يخدو حنانك ويزيدو همك عايزين بس يمصو فى دمك
تفضل تدى وتدى وتدى يفضلو ياخدو ومبيدوش



يدخلو بيتك يكشفو ساترك يطلعو برا يجيبو فى سيرتك
ضهرك ضهرك وشك وشك دول على السر ميتأمنوش

غيرة وجرح وظلم يا دنيا ده الى فى الاسواق

احنا يا دنيا تعبنا يا دنيا واتعذبنا شهور وسنين
ياما عاشرنا وعيشنا وشوفنا بنى ادمين مش بنى ادمين



شوفت الى بيتدارا فى جهله والى ملوش خير حتى فى اهله
والى بيحرم نفسو يا دنيا علشان يسعد ناس تانيين



والى محدش ابدا همه والى بينكر لحمه ودمه
والى مزعل فيه ابو وامه وعليه غضبو ليوم الدين
غيرة وجرح وظلم يا دنيا ده الى فى الاسواق
















Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.