العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

سؤال يطرح نفسه ؟!!

كاتب الموضوع: روفان، فى قسم: منتدى النقاش الجاد


1 
روفان

السلام عليكم ورحمته الله وبركاته


مش هطول عليكو وهدخل في الموضوع عطول ناس كتيره كانت بتزعل لما نقول مش كل ال في التحرير ثوار شرفاء بجد وفيهم فئه ركبت الموجه وفئه تانيه راحت بــ أوامر

بالصدفه النهارده ابن عمي وللعلم مش اخوان مش ليه علاقه بالسياسه خالص بيشتغل في شركه خاصه في 6 اكتوبر

قالي بالنص مدير الشركه جمع الموظفين وطلب منهم بالامر ينزلو التحرير والمرتبات هتفضل شغاله اكنهم في الشغل عادي جدا ومش يرجعوا الا لما يديهم الامر بالرجوع وجمع اتوبيسات الشركه لكدا

سؤال بقي يطرح نفسه مدير الشركه دا بيعمل كدا لــ مصلحه مين ؟؟

ومرتبات الموظفين دي مين ال هيدفعها طالما مافيش شغل في الشركه ولا انتاج ؟؟

الحمد لله كنت شاكه وربنا حب يثبتلي ان شكي صح وان جزء من ال بيحصل مؤامره مدبره

مش معني كلامي لان هنا في ناس كتيره بتحب تفهم غلط اننا بعمم ان كل ال في التحرير مش ثوار شرفاء

دي نقطه نقطه كمان حصلت معايا شخصيا صحبتي امبارح بسألها ها قريتي الدستور قالت قريت مادتين بس قولتلها وناويه علي ايه قالت هقول لاء سؤال يطرح نفسه ؟!! s04.gif

وصحبتي دي باباها من انصار ان الثوره ولا ليها لازمه خالص وكان بيدعم شفشق ومازال سؤال يطرح نفسه ؟!! s12.gif

سؤال تاني يطرح نفسه ليه معظم او كل ال صوتوا لـــ شفشق هيقولو لاء وبعضهم قرأ جزء من الدستور والباقي مش عايز يقرأ اصلا

ياريت حد يفسرلي ؟!!



2 
Mr.Lonly

سؤال بقي يطرح نفسه مدير الشركه دا بيعمل كدا لــ مصلحه مين ؟؟

انا شفت في النت بس انتو عارفين ان معظم اللي في النت كذب

انا مدورتش ورا الحوار ده بس شفت ان احمد عز ومبارك والناس بتاعت الحزب الوطني

هما اللي بيعملو كدا ومقدرش اقول وحبيب العدلي لأن في اشاعات والله اعلم انو تاب وبقا كويس

الله اعلم

ومرتبات الموظفين دي مين ال هيدفعها طالما مافيش شغل في الشركه ولا انتاج ؟؟

مقدرش اجوبك عليه لأني معرفش

ناااااااااايس توبيك

ونقطه مهمه جدا في وقت مهم جدا


3 
عيون حائره

التفسير الوحيد ان زي ماانتي قولتي مش كل اللي نزلوا التحرير ثوار شرفاء
وكلنا عارفين كده زي ما في في التحرير ثوار بجد في ناس تانيه نازله تركب الموجه او مأجورين
وبردو مش كل اللي قال لا للدستور قال لا وخلاص ولا قرأ مادتين وطلع يجري وقال لا
انا عن نفسي هقول لا ان شاء الله لاسباب كتيره
تسلمي يارورو علي التوبيك الجميل


4 
S α ү з D

اكيد مدير الشركة بيعمل كده لمصالح شخصية ليه
والتحرير بعد ما كان هو اللى قلب الترابيزة على نظام حكم دلوقتى بقى ى ناس بتلوثه
مش لازم كل الموجودين مش كويسين
لان دلوقتى بقوا مقسمينها
الاتحادية اخوان والتحرير فلول وناس بتعارض ومش عاوزين مصلحة البلد
انا عن نفسى واحد لما اقرأ دستور ولو معجبنيش حاجه فيه طبيعي هقول لا
لان الدستور ده هتمشى عليه البلد
ولازم لما اصوت وانا موافق يكون على قناعة تامه واكون مرتاح داخليا
حتى لو مادة واحده معجبتنش
دى هنمشى عليها سنين
اصله مش كول تون هنغيره كل شهر ده ستور دوله هيفضل سنين
حتى لو اللى موجود دلوقتى كان كويس ممكن ييجى غيره بعد كده مش كويس
فـ كل واحد يختار الاصلح ليه يا يوافق يا اما يرفض
وش لازم اهيص × الهيصه واشوف التيار رايح على فين وامشى معاه
مفروض دلوقتى اننا بقينا فاهمين كل حاجه خلاص وكل واحد فينا له رأي

موووووورسى عـ الحبلة يا باشا بس ناقصة سكر


5 
سندريلا القلوب

مش كل اللى ف التحرير موظفين بيقبضوا الفلوس من امتى ومصر فيها اصلا ناس بتشتغل
بالنسبه للفئه الصغيره اوى اللى انتى بتتكلمى عنها معروفين مين اللى بيدفع ليهم
انا هتكلم عن عائلتى مثلا مش مع شفيق ولا حاجه وهنقول لا لاسباب كتير زى ما عيون قالت
واحنا من الناس اللى امتنعت عن التصويت ف الانتخابات بين شفيق ومرسى لاننا كمصريين بجد ثوار حقيقين
فعلا الشباب والناس اصحاب الثوره اللى مش ليهم اى اهداف او نزاع على السلطه مكنش اى حد منهم يصلح ولكن مرسى ف الوقت ده كان مجرد للتخلص من النظام السابق مش اكتر

انا بقى اللى مش عارفه ليه كل اللى هيقولوا نعم للدستور مش متقبلين حد يقول لا ليه ؟

نــــــــ توبيك ــــايس


6 
عيون حائره

احب اضيف حاجه علي سؤالك يا سندريلا
مش بس مش قابلين حد يقول لا
دول كمان بيتهموهم بإتهامات غريبه عجيبه
مش كلهم طبعا


7 
Abd-ElrhmaN Hassan

معاكي ياروفان ان ف ناس بيتدفعلها بس ده مش معناه
اننا نسيب الميدان ونسكت لمجرد ان في ناس نزلت مدفوعلها
احنا كل اللي بنعمله بنطالب بحقنا
اللي هو مشروع طبعا زي ماقال رئيسنا الهمام
اللي مش معبر اهلنا
وانا عن نفسي هقول لا لاني مش عاوز اعادة المحاكمات العسكريه مش عاوز مواد مايعه مش عاوز دستور مش شايف حق الفقرا ومش عاوز دستور بيدي صلاحيات مطلقه للرئيس (لا معلش الرئيس بتاعنا حفيد عمر بن الخطاب وعمر بن عبدالعزيز ومختطف من عصر الصحابه فهيبقي ديكتاتور وقت الحاجه بس هههه)
و ردا علي سؤالك ياسندريلا
هما مش متقبلين ليه لانهم عارفين لو الدستور ده فشل مش هيعرفوا يفرضوا طغيانهم وسيطرتهم ع البلاد


نايس توبيك
تسلم ايديكي ياروفان



8 
سندريلا القلوب

اقتباس: المشاركة الأصلية كتبت بواسطة عيون حائره  مشاهدة المشاركة
احب اضيف حاجه علي سؤالك يا سندريلا
مش بس مش قابلين حد يقول لا
دول كمان بيتهموهم بإتهامات غريبه عجيبه
مش كلهم طبعا

مش هقولك غير ادخلى على التوبيك ده
http://www.almstba.com/vBulletin/t185517.html


ومش كلهم طبعا


9 
Ma Ged

مش معقول معفنين زي احمد عز و سوزان وزكريا عزمي بعد ماكان كل حاجة في ايديهم السلطة والمال ويضيعوا منهم هيسبوها تعدي بالساهل لازم ينتقموا حسبي الله ونعم الوكيل فيهم
ونفسي اعرف سايبين سوزان ليه ماهي اكيد قاعدة شغلها الشاغل ازاي توقع البلد من تاني

وطبعا مش كل اللي في التحرير شرفاء من ايام الثورة كمان كان في مندسين

وللي بيقولو لا خايفين من الشريعة ليه

وفي ناس عالمانيين عاوزين البنت تتجوز ع ايد محامي وخلاص ويسجلو في الشهر العقاري
عاوزين البلد تبقي سوري في اللفظ مليطة م الاخر

احب اقول نعــــــــــــــــــــــــــــــــــــم للدستور وتطبيق الشريعة


10 
عيون حائره

اقتباس: المشاركة الأصلية كتبت بواسطة ☺ m ! G o ☺  مشاهدة المشاركة
مش معقول معفنين زي احمد عز و سوزان وزكريا عزمي بعد ماكان كل حاجة في ايديهم السلطة والمال ويضيعوا منهم هيسبوها تعدي بالساهل لازم ينتقموا حسبي الله ونعم الوكيل فيهم
ونفسي اعرف سايبين سوزان ليه ماهي اكيد قاعدة شغلها الشاغل ازاي توقع البلد من تاني

وطبعا مش كل اللي في التحرير شرفاء من ايام الثورة كمان كان في مندسين

وللي بيقولو لا خايفين من الشريعة ليه

وفي ناس عالمانيين عاوزين البنت تتجوز ع ايد محامي وخلاص ويسجلو في الشهر العقاري
عاوزين البلد تبقي سوري في اللفظ مليطة م الاخر

احب اقول نعــــــــــــــــــــــــــــــــــــم للدستور وتطبيق الشريعة

معلش ياماجد لو سمحت متعممش
يعني ايه اللي بيقولوا لا خايفين من الشريعه ليه
وايه العلاقه بين اني اقول لا وبين الشريعه
يعني انا مثلا لما اقول لا يبقي مش عايزه الشريعه تتطبق
سبحــــــــــــــان الله بجد



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.