العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

ايه علاقة البانطلون بالدستور ؟

كاتب الموضوع: سندريلا القلوب، فى قسم: منتدى النقاش الجاد


1 
سندريلا القلوب

ايه علاقة البانطلون بالدستور ؟
حاجه شخصيه حصلتلى كنا اعدين جماعه واخت فاضله جت اعدت معانا وبتجبرنا على اننا ننزل نقول نعم للدستور المفروض ان النقاش مكنش معايا ف البدايه بس انا كنت اعده قريب وسمعت منتهى التسلط ومحاولة التأثير على الاخرين لمجرد ان معلوماتهم السياسيه ضئيله
تدخلت ف الحوار للنصيحه وللنقاش العقلى والصحيح وبهدف الاستفاده من وجهة نظرها مش يمكنت تقنعنى بالعقل والتفكير السليم
مش يمكن انا غايب عنى حاجه وهى توضحها لسه بتناقش معاها وكل ما تقول حاجه ارد عليها وبما ان معلومات وكلامى استطعت ان اتغلب عليها سعقت من ردها ف النهايه عليا بجد سعقت
بتتهمنى بأنى قليلة الاسلام وان انا لابسه بانطلون لازم رأيى يبقى كده علشان خايفه ........
كلام بجد مش هقدر اقوله
والله انا ولا ف دماغى الموضوع ده ولا خايفه لانى الحمد لله متأكده من نفسى وكمان ف الوقت ده كنت لابسه بالطو طويل جدا وقفلاه والبانطلون مش باين منه غير جزء صغير اوى تحت ومش حاطه ميك اب ولابسه الحجاب الصحيح يعنى من الاخر ملهاش اى حجه انها تعمل كده (ومن وجهة نظرى مش من حقها تتكلم بالاسلوب ده ) فى فرق بين النصيحه والاتهام بقلة الاسلام او زى ما بنسمع اعوذ بالله كلمه تانيه مش هقدر اقولها
وكلامى هذا ليس تقليلا من شأن احد
لان فعلا فى بنات كتير لابسين كويس اوى ومش كويسين معنى كده يبقى الملتزمه وحشه
لكل قاعده شواذ
انا بجد مش عارفه هى ليه عملت كده ازاى تتهم الناس كذب وهى مين علشان تصنف الناس بالاكثر اسلاما والاقل اسلاما
انا ولى لى صحبتى بجد سعقنا من الرد انا مكنتش مستوعبه
انا كلمتها باحترام للنهايه بس هى اسلوبها وكلامها بجد ربنا يهديها لانها بكده بتكره اللى هتتكلم معاه فى فئه من الناس انا بعد الموقف ده بجد اخذت قرار انى مش هدخل بالنقاش مع بعض الشخصيات
انا مش بحب ادخل فى حوار فى نهايته يقلل من احترامى واسلامى


سؤالى
يحق لاحد اتهام احد بانه ليس مسلما او اقل اسلاما مجرد اختلف ف الرأى؟
ايه علاقة البانطلون بالسياسه والدستور ولا هى كانت تلكيكه لانها وصلت لمرحله مش عارفه ترد ؟
قابلت حد قبل كده وكان تفكيره مثل هذا التفكير وهل اتهمك بقلة الاسلام ؟

بجد عايزه اخد رأيكم ف الموقف ده لانى مش قادره استوعبه هو بقاله يومين



2 
Mr.Lonly

يحق لاحد اتهام احد بانه ليس مسلما او اقل اسلاما مجرد اختلف ف الرأى؟

لألألألأ : حرام حد يقول علي حد كافر وهو مسلم حتي لو بـ الهزار حرااااااام

ايه علاقة البانطلون بالسياسه والدستور ولا هى كانت تلكيكه لانها وصلت لمرحله مش عارفه ترد ؟

مش عارفه ترد حصلت قبل كدا كنت بسمع اغاني في مترو والحوار ده وغلبت واحد في الكلام قام رادد وقلي انت بتسمع

اغاني ومش عارف ايه انت ايمانك ضعيف واسلمك مش عارف ايه وانا اصلا طالب ازهري يعني ممكن اكون

عارف اكتر منو في الدين

قابلت حد قبل كده وكان تفكيره مثل هذا التفكير وهل اتهمك بقلة الاسلام ؟

اه واتنرفزت اوي

بجد عايزه اخد رأيكم ف الموقف ده لانى مش قادره استوعبه هو بقاله يومين

هههههههههه عادي متحطيش في نفسك لأنك طلما هتتكلمي في السياسه هيحصلك كدا

واتحملي او يأما متتكلميش في السياسه غير مع ناس عندهم لغه حوااااار

موضوع مهم بجد كان لازم ينكتب نايس توبيك


3 
Amy Lee

بحيكى يا نونا ع التوبيك الجامد ده
الموقف اللى حصلنا دا فعلا غريب لانه بيأكد ان التعصب من بعض الناس بيكون دفاع عن هدف شخصى او فكرة مسيطرة عليه مش بيكون تعصب دفاع عن الحق ..
يعنى من الاخر لو مش موافق على رأيى يبقى انت غلط وانا اللى صح
بجد انا حزينة اووووووى ان التفكير دا انتشر بطريقة غريبة ناس كتير اوى فى مجتمعنا بقت كدا
و بالنسبة للاخت اللى بتقول ان احنا خايفين من الدستور علشان البنطلون فبطريقنها اللى اتكلمت بيها والكلام اللى قالته بيدل على ضعف موقفها وعجزها عن النقاش معانا ، لان فعلا ايه علاقة الدستور بالبنطلون !!!
واحب اقول للاخت دى: البنت الشمال شمال حتى لو لبست اسدال
والبنت اليمين يمين حتى لو وقفت مع مين



 من مواضيع Amy Lee

4 
أحبُكَ ربى

حزين ومش عارف ارد ولكن ارى ان حضرتك ايضاً اخطأتى ...

فخطأ هذه الأخت انها وان كانت اولاً لاتعلم ادب الحوار

ولا تعلم مافى الاسلام من رحمة فى أدب الخلاف

ونعم صحيح فهى لا تملك المنطق فى الحوار فما

صدر منها دليل على ضعفها فى الحوار وان كانت تملك الحجة ...

<< مافعلته ليس من الإسلام وليس حقُُ على أحد أن يقلل من ايمان الآخرين ،

أو يقلل من إسلامه بداعى مظهره
،،،

لكن ارى ان خطأ حضرتك فى التدخل فى حوار ليه بقى

فى مصر الآن رأيك لن يغير فى رأى الآخر ؟!!

عارفه ليه لأن الرأى اصبح لا يبنى على منطق فقط على عصبية واهواء ...

موضوع بقى التقليل من الاسلام ده بقى موضة وكل حد عايز يقول رايه بقى دلوقتى

فأرى ان اللى بقى بيدخل فى حوار دلوقتى مع حد بيخسر حاجات كتير " اشترى دماغك بصراحة "

يستشهد بآيات ويقلل من اسلام الآخر " البرادعى وكل القوى الوطنية ...

" خلو مرسى فرعون يكفر بالله " وللأسف الموضوع فى مصر بقى عادة اعتيادى

لأننا للأسف بعدنا عن الدين وتعاليمه وأحكامه الصحيحة .


5 
سندريلا القلوب

اقتباس: المشاركة الأصلية كتبت بواسطة أحبُكَ ربى  مشاهدة المشاركة
لكن ارى ان خطأ حضرتك فى التدخل فى حوار ليه بقى

فى مصر الآن رأيك لن يغير فى رأى الآخر ؟!!

عارفه ليه لأن الرأى اصبح لا يبنى على منطق فقط على عصبية واهواء ...



ميــــــــ كتير على توضيح الخطأ الذى اخطأته ــــــــــرسى
بس انا بحب استفيد من الرأى الاخر وانا كنت بتكلم مع واحده زميلتى وهى مؤيده للدستور وكان كلامها بجد جميل وعجبنى جدا وصححتلى بعض الافكار الخطأ التى قد وصلتنى وتقبلت منها الموضوع وكان نقاشا رائعا ولم يؤثر احد بفكره على الاخر بل كل ما فى الامر التوضيح
والحريه ف الاول والاخر للشخص فلا احد له السلطه لكى يتحكم ف العقول ويرغمها ويجبرها على ما ليس من حقه
انا بقى بدايق جدا اما بشوف حد بيحاول ان يؤثر على احد بتشدده ولا يقبل النقاش ف رأيه علشان كده ادخلت وربنا اعلم ان انا عمرى ما فكرت ف التأثير على احد والدليل ان انا ولى لى صحبتى بنحمل فكريين مختلفين ولا احد يؤثر على الاخر كل ما فى الامر بنتناقش لكى نستفيد


بجد نورتنى


6 
♥ amr ♥

يحق لاحد اتهام احد بانه ليس مسلما او اقل اسلاما مجرد اختلف ف الرأى؟

لا طبعا ربنا هو اعلم بما فى القلوب الناس

ايه علاقة البانطلون بالسياسه والدستور ولا هى كانت تلكيكه لانها وصلت لمرحله مش عارفه ترد ؟

لها علاقه بالدين مش بالسياسة

قابلت حد قبل كده وكان تفكيره مثل هذا التفكير وهل اتهمك بقلة الاسلام ؟

قابلت وكنت متمسك برأيى فزهقو منى ومشيوا
ههههههه


موضوع مهم


7 
Ma Ged

يحق لاحد اتهام احد بانه ليس مسلما او اقل اسلاما مجرد اختلف ف الرأى؟
تخلف ولعياذ بالله الناس المتعصبة للدين دول هما اللي بيسئوا للاسلام والدين برئ منهم

ايه علاقة البانطلون بالسياسه والدستور ولا هى كانت تلكيكه لانها وصلت لمرحله مش عارفه ترد ؟
اي كلام عشان تفرض وجهة نظرها اللي ملهاش معني
يعني المفروض اسمع الراي والراي الاخر وبعدين اقرر مش غصب عني يعني

قابلت حد قبل كده وكان تفكيره مثل هذا التفكير وهل اتهمك بقلة الاسلام ؟
قابلت كتير اقول رأي عادي انا مع الدستور وتطبيق الشريعة يقولو انت اخونجي بس انا مش تبع الاخوان ولا اي جماعة يقولو انت مش عارف ايه؟؟؟؟؟؟؟؟

ارمي اللي حصل لورا يانونا واتعلمي منه نايس توبيك ياجميل


8 
أحبُكَ ربى

اقتباس: المشاركة الأصلية كتبت بواسطة سندريلا القلوب  مشاهدة المشاركة

حاجه شخصيه حصلتلى كنا اعدين جماعه واخت فاضله جت اعدت معانا وبتجبرنا على اننا ننزل نقول نعم للدستور

اقتباس: المشاركة الأصلية كتبت بواسطة سندريلا القلوب  مشاهدة المشاركة
بس انا بحب استفيد من الرأى الاخر وانا كنت بتكلم مع واحده زميلتى وهى مؤيده للدستور

اقتباس: المشاركة الأصلية كتبت بواسطة سندريلا القلوب  مشاهدة المشاركة

المشكلة واضحه وضوح الشمس ماهو فارق كبير بين مناقشة زميلتك وبين واحدة متعرفيهاش
يعنى كل الشكر لزميلتك على اسلوبها الهادى ده وليكى على تقبله كده ماهو للاسف مافيش نقاش حتى فى البيت الواحد .


9 
ابو الوليد النبوى

بصى حضرتك انا مش هجاوب على الاسئله
اولا انتى معاكى حق ان ده غلط وان مينفعش ان هى تتهمك بقلة الاسلام والكلام ده
بس انا ممكن اعذرها ليه بقى
لعدة نقاط انا جربتهم كلهم
اولا : هى لسه تقريبا كده ان كانت ملتزمه لسه ملتزمه جديد يعنى لسه متعلمتش من العلماء حاجه اسمها فقه الخلاف وادب البحث والمناظره وادب الجدال العلمى وهذه المسائل الثلاثه من المفترض انها تتعلمهم قبل مناقشة اى انسان
ثانيا : من الممكن ان يكون ردها هذا خارج من حبها الشديد للدين ولكنها خانها التعبير فى ايصال النصيحه
ثالثا : هى مقتنعه باراء من تراهم علماء وهم كذلك حقا ولكنها لم تستطع ان تعطيكى الفكره كاملة للسبب الاول او لعدم مقدرتها على فهم كلام العلماء جيدا حول الدستور وانها علمت ان هؤلاء العلماء يقولون نعم من اجل الاسلام وان من يقول لا ضد الاسلام بفكرها الضيق الذى لم يتسع بعد بسبب قلة اطلاعها على مسائل الخلاف
فلو انها كانت تعلم ان مسألة الدستور والاستفتاء عليه فيه خلاف اساسا بين العلماء لما انكرت على احد يختلف معها فى الرأى
ونصيحتى اليكى
اتركى المراء خصوصا فى هذه الايام
قال رسول الله صلى الله عليه وسلم " انا زعيم ببيت فى وسط الجنه لمن ترك المراء ولو كان محقا " او كما قال صلى الله عليه وسلم
ومعذرة على الاطاله


10 
عيون حائره

يابنتي خدي من ده كتير ده الواحد بيشوف حاجات تتعب الاعصاب والله
المشكله في الناس اللي عايزه تفرض رأيها وخلاص ومش مهم تقتنعي ولا لا
المهم ان رأيها هو اللي يمشي ودول طبعا بيبقوا حافظين مش فاهمين
عشان كده لما بيتزنقوا بيقولوا اي كلام والسلااااام
وبيحسسوني ان هما بس الصح وانتي انسانه مغيبه ومش فاهمه حاجه
واللي بيغيظني اكتر اللي يقولك قول نعم لنصرة الشريعه!!
هو ده مش بردو اسمه إستغلال للدين؟؟
بس هنقول ايه ربنا يصبرنا علي العقليات دي



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.