العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

الكذب فى الحب

كاتب الموضوع: eslam، فى قسم: منتدى النقاش الجاد


1 
eslam



مهما كانت مشاعرك وحبك للآخر ولا تريد ان يفارقك ابدا ، لكن هناك بعض التفاصيل التي تخجل في شرحها امام من تحب ولكن بطرح تلك التفاصيل ربما تفتقده وربما تخسره للابد ، هل هذا داعي ان تجمل او بالمعني الادق تكذب في اشياء ربما عند اكتشافها تندم انك كذبت فيها.، الكذب هو الكذب لا يوجد اسم بديل له ، والحب يفرض علينا اننا نصارح من نحب بحقيقتنا او باي شئ مهما كان صعبا ، وترك الاختيار له اما ان يبقي معنا وقبلنا بكل عيوبنا ومميزاتنا ، اما يذهب الي حال سبيله

ما رايكم في الكذب في الحب وهل هناك مبررات فعلا لجعل الكذب امر مسموح به ،هل تسامح او تسامحي عندما يتم اكتشاف امر الكذب ؟
وهل هو كذب ام تجمل ام امر طبيعي ينظر البعض له بانه طبيعي وليس كذب علي الاطلاق؟



2 
♥ Only U ♥

جميل موضوعك
بس انا مش مع الكذب في الحب حتي زي ما بنقول كدب ابيض
علشان الامور تمشي
لكن انا برفض المبدا ده مهما كان
الحب بيتبني ع صدق من الطرفين
اصلي مهما حصل هيبان كدبتي في يوم من الايام
الكدب ملوش رجلين
انا لو حبيبي كدب عليا في حاجه اه هسامحه فيها مش هقولك لا
بس هكون شيلاها في قلبي
مقدرش اوقف الدنيا عليها لاني بحبه واللي بيحب لازم يسامح
بس انا معرفش هل انا لو عملتها هيسامحني ولا لاء
حبه ليا مش نفس مقدار حبي ليه
ومقدرش اني اكدب عليه علشان امشي الحياه ومتقفش
هقول واللي يحصل يحصل
واللي مكتوبلي هشوفه
وفي ناس بتشوفه انه تجمل
وانه مش بيكدب لا بيحسن مظهره بس
لكن كل ده بيتسمي كدب في الاخر مدام مبيتقلش الحقيقه

تسلم ايدك ع طرحك
دمت متميز


3 
زهره نيسان

حلو الموضوع كتير
انا برئي الكذب بضيع الثقه حتى لو كانت كذبه بيضا لانه الثقه اذا تحركت لا تعود ونظل نحيا بثقه ناقصه وفى اغلب الاحيان تنقص وتنقص وتنقص حتى تنعدم حتى نفقد الثقه فى الحب نفسه
يمكن سامحه بالاول بس رح ضل شك بكل كلمه بحكيها

ميرسي ع الطرح


6 
Mr.Lonly

اقتباس: المشاركة الأصلية كتبت بواسطة منه المصريه  مشاهدة المشاركة
جميل موضوعك
بس انا مش مع الكذب في الحب حتي زي ما بنقول كدب ابيض
علشان الامور تمشي
لكن انا برفض المبدا ده مهما كان
الحب بيتبني ع صدق من الطرفين
اصلي مهما حصل هيبان كدبتي في يوم من الايام
الكدب ملوش رجلين
انا لو حبيبي كدب عليا في حاجه اه هسامحه فيها مش هقولك لا
بس هكون شيلاها في قلبي
مقدرش اوقف الدنيا عليها لاني بحبه واللي بيحب لازم يسامح
بس انا معرفش هل انا لو عملتها هيسامحني ولا لاء
حبه ليا مش نفس مقدار حبي ليه
ومقدرش اني اكدب عليه علشان امشي الحياه ومتقفش
هقول واللي يحصل يحصل
واللي مكتوبلي هشوفه
وفي ناس بتشوفه انه تجمل
وانه مش بيكدب لا بيحسن مظهره بس
لكن كل ده بيتسمي كدب في الاخر مدام مبيتقلش الحقيقه

تسلم ايدك ع طرحك
دمت متميز

انا نفس الرأي


7 
snow white

ناااااااايس توبيك اسلام


الكدب نوع من انواع الخيانه

قال صلي الله علية وسلم : (كبرت خيانة أن تحدث أخاك حديثا هو لك به مصدق وأنت له به كذب )

غير ان الشخص اللى بيكدب اكتر عقاب ليه هو انه مش بيقدر يصدق اللى حواليه
دايما حاسس انهم بيكدبو

والكدب عموما مش ف الحب بس بيدمر صاحبه

بالنسبه للحب
اكيد اكتر اسباب الفشل بين اى اتنين
لان
الصراحه ايا كان عواقبها
اخف بكتيييييييييييييير من عواقب كدبه نكدبها خصوصا ع اقرب الناس لينا


هل تسامح او تسامحي عندما يتم اكتشاف امر الكذب ؟

على حسب
بس ف الاغلب هعديها لكن هفضل فاكراها
وعمرها ما تتنسى


يسلمو






8 
سندريلا القلوب

نــــــــــــ توبيك ــــــايس

ما رايكم في الكذب في الحب وهل هناك مبررات فعلا لجعل الكذب امر مسموح به ،هل تسامح او تسامحي عندما يتم اكتشاف امر الكذب ؟
معنى كلمة الحب اصلا لو موجوده فعلا بين اتنين هتمنع الشخص ده من الكذب على اللى بيحبه
الحب لازم يتبنى على الصدق فى ادق التفاصيل وكل طرف من الطرفين ليه الحق انه يختار هيكمل بعد ما عرف الحقيقه لان حبه اقوى من انه يبعد او هيبعد
الكذب ف الحاله دى انا هسميه خيانه وغش وفيها انانيه من الطرف اللى كذب
بالنسبه للتسامح انا عن نفسى فى حاله زى دى ف الكذب خصوصا مش هسامح لان انا مؤمنه اللى يكذب ف حاجه بسيطه وسهله ومش عنده جرأه يعترف ممكن يكذب ف اى حاجه

وهل هو كذب ام تجمل ام امر طبيعي ينظر البعض له بانه طبيعي وليس كذب علي الاطلاق؟

فى كل اللى انت قولته ده اللى بيكذب علشان يتجمل وده بيبقى مش واثق من نفسه او حاسس بالنقص
ازاى كذب ويبقى امر طبيعى لا عمره ما يكون امر طبيعى الكذب مش ليه غير معنى واحد ان الشخص ده مخادع ومش ينفع نثق فيه بعد كده اللى هيكذب دلوقتى هيكذب بعد كده وف اى وقت

الحب ان انا اشوف حبيبى او حبيبى يشوفنى على الطبيعه ف ابسط الصور مش محتاجه اظهر نفسى بالكذب او هو يعمل كده ده مش هيبقى حب
انا مهما تكون الحقيقه قاسيه وصعبه انا هتقبلها جدا مجرد ان توفر عامل الصراحه
الحب +صراحه =نجااااااااح
الحب+كذب =فشل فشل فشل (ولايصلح ان نطلق عليه حبا )

تحياتى


10 
maya_1

انا مش بشجع الكذب فى الحب
بس ممكن الكذب ده يكون فى دافع الحب
ممكن الوحده تكذب عشان مش عيزه تزعل البتحبو



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.