العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات

اخيرا اتكتبت باسمك

كاتب الموضوع: حور الجنه، فى قسم: منتدى الحب والرومانسية


1 
حور الجنه

أخيـراً اتكتبــت بإسمـكـ ♥

يـــــــــــــاه .. أد إيــه إتمنّيــت اليـومـ دهْ ييجـي ♥
أد إيــه كنـت بنـامـ و بحلـمـ إن دبلتـكـْ
تتلـفْ فـِ صـباعـِي و تنـورلـي إيــدى ♥

مـش قـادره أنسـى يـومـ مـا جيـت البيـت
و قـابلـــت بـابـا بجــــــدْ !

كنـت فـاكـراكـ هتقلـقْ و مـش هتعـرف تتكلـمـْ
بـس إيـــــــــه .. لقيتــكـْ أســـــــــدْ !

قلتـلهْ : عمــي .. أنـا و أنـا و أنـا

و بعـد مـا عـرّفْتُــهْ عـلى نفسـكـْ
لقيـت بـابـا انشكـحْ و نــادهلــــي

و مـن كســـوفـي رديــت و قلـت :
نعمـ يـا بـابـا ..
بتنــدهْـلي ؟؟ :$

و بعـد قـاعـدهْ طــويلـهْ !
و إتّفــاقـات .. فيـه منهـا صعبـهْ
و فـي منهـا جميلــهْ !

لقيتـكـْ وفقْــت لـِ بـابـا علـى كـل طلبـاتُـهْ إللى قـالهـا
و قلتلـه : ده أنـا لـو همـوّت نفســى
هجيـب نجمــــه مـن السمـا علشـانهـا

قلـت فـي ســرّي : يـا ســــــــــلـامـ ♥

و قلبـي كـان هيطيــر مـن فـرحتــــي
و فـِ لحظـهْ سـرحْـت و اتْخيّلـت نفسـى
أميــــــره فـي طـرحتــــي

فــــرح و زغـاريـطـ و نـاس كتيـر هنـاكـ و هنــــا
و ميــــن العـروسـهْ ؟ مـش قـادره أصـدّق !
العــروسـه هـىّ أنــــــــــــــا
:$

و سمعـت صـوت طبلـةْ الـزفـهْ فـِ ودانـي
و أنـا نـازلـهْ مكسـوفـه فـي إيـد بـابـا و رايحـالكـْ خـلـاص

و أنـا قلبـى مـ الفـرحـهْ هيخـرج منـي
عـــــايـز يغنـّــــي
و يقـــول بـأعلـى صـوتـه عقبـالكـمـْ يـا نـــــــاس

و لســـــه هتقـرّبلــــي
و هترفع مـن علـى وشّـي طـرحتـــي

فقـت مـن سـرحـانـي علـى صـوت بـابـا بيقـولكـْ
حطّهــا فـِ عنيـــكـ .. دى أوّل فــرحتـــــي

و لقيتـكـْ إبتسمـت إبتسـامـهْ جميــلهْ
و قلتـله : هشيلهـــــا فـي عنيّــــــا

ردّيـــت عليـكـ ( فـي ســرّى طبعـاً )
و قلـت : ربنـا يخليـــــــكـ ليــّــــا

كـان نفسـى أقـولهـا بـ صـوت عـالى شـويـهْ تسمعنـي
بـس بصـراحـهْ خفــت مـن بـابـا .. أحسـن يقطّعنــــــي
:$

مـا إنـت عـارف إنــه بيغــــير عليـّا مـن الهـوى
ده أنـا حتـى لسـهْ مش عـارفـهْ هيعمل إيـه بعد كـده
لمــا يـلـاقينــا علطـــــــول ســـــوى

ربنـــا يستـــر بقـى :)

و نــزلنــا جبنــا الــدبـل و الطــرحــهْ
و الــدنيــا مـش ســايعــانـا.. يــــــــآآآه
أحــلامنـا إتحّـولـتْ فـي دقيــقهْ أجمـــــل فـرحــهْ

و أخيــــــراً يـانـاس لبسـت فـي إيـدى دبلتــهْ !
و صبـاعـى اللى فيـه الـدبلـهْ كـان منــوّر بيـن صـوابعـى
و كــإنُّـه لـابــس تـــــــاج مـن فـرحتـهْ !

و طبعــاً دبلتـــي كمــان منــوّره فـِ إيــديــه
و بتقـــولـه : خــلـاص كلبشتـكـْ يـا سيــــدي

و مـن هنـا و رايـح مفيـش مـرواح لـأى مكـان
غيــر إيــدكـ فـي إيــــدي

و مـن هنـا و رايـح إنـت ليـا لـوحـدي
و أنـــا ليـــكـ لـوحـــدكـْ

و مـن دلـوقتـي هكتـب بـ إيـديّـا اسمـى
علـى قلبـــــــكـْ

أنـــا مــراتـكـْ حبيبتـــكـْ
كمــان مـامتـكـْ و بنتـــكـْ

و مـن دلــوقـتي .. كـل الـدنيـــــا
هتنــديـلــي بـ إسمـــــــــــــــكـْ


و لحـد هنـا بقـى يـاسيــدى
و تـوتـه تـوتـه خلصـت الحكـايـهْ

و إوعـى تفتكــرْ إن دى النهـــايـهْ

لأ .. دى أجمـــل بـــدايـهْ
لســــــه هتبتـديهـــا معـــــــايـا


عجبتنى وجبتهالكو
يارب تعجبكو
تحياتى اخيرا اتكتبت باسمك s07.gif








3 
حور الجنه

اقتباس: المشاركة الأصلية كتبت بواسطة SOSO COOL  مشاهدة المشاركة
رووووووووووووووووعه :)

تسلمى يا قمر نورتينى


5 
حور الجنه

اقتباس: المشاركة الأصلية كتبت بواسطة ➸★sεηίόя sαyεđ ★➸  مشاهدة المشاركة
يعنى دى بقلمك ولا منقوله
عشان جننتنى بصراحه

هااااااااااااا

وجننتنى انا كمان
وعشان كدا نقلتها


6 
S α ү з D

مممممممممم

اصل ده حصل معايا
وروحنا جبنا الدبل
وهنلبسها بكره

وروحت قابلت باباها ووالدى وعمى كانوا معايا
وطلب يقابلنى لوحدى
وقعدت مع اخوها
وقالى بابا عاوزك لوحدك
كنت متوتر بس وقتها مكنش معايا حد
طلبت من اخوها اقابله × نفس اليوم اللى قالى فيه
قالى خليها بكره تجهز نفسك وردودك
قولتله كلامى جاهز مش هزاكر واجى امتحن
وروحت قابلته ومشوفتهاش
قعدت معاه وقعد يستفسر
يسأل وانا اجاوب
يتكلم وارد عليه
هتقعد فين
ظروفك ايه
كنت واثق × نفسى مع انى كنت لوحدى
بس كان لازم لان لما تبقى ليا لازم اكون واثق × نفسى
عشان تحس بالامان معايا
تحس انها اختارت صح
تحس انى اقدر احافظ عليها واكون ليها كل حاجه
اخ وأب وصديق وابن قبل ما اكون زوج او حبيب
اقتنع بكلامى وقالى كلم والدك
وروحنا بعدها والحاج معايا
قعدنا نتكلم وانا اللى نهيت الكلام
كان كلامى هو اللى حل كل حاجه
فرحت اوى انى وقتها عرفت انهي الموضوع بكل هدوء والاطراف مبسوطه
وقرينا الفاتحه
وروحنا وفطرنا والاكل بأديها
معرفش كان فيه ايه بس حاجه مش طبيعيه
وطلعت وقعدت ادامى وعنيا تخطف كل شويه نظره
متخيلها وانا بلبسها دبلتها وسامع دقات قلبها
وقلبى من فرحته هيخرج منى ويرقص
متخيل فرحنا وانا رايح اجيبها
واقفه مستنيانى زى القمر نازل من السما عشانى
متخيلها وايديها × ايديا وبرغم كتر الناس مش حاسس غير بيها

بكره هلبسها دبلتى وهلبس دبلتها

مممممممممممممممممممممممممم


7 
حور الجنه

اقتباس: المشاركة الأصلية كتبت بواسطة ➸★sεηίόя sαyεđ ★➸  مشاهدة المشاركة
مممممممممم

اصل ده حصل معايا
وروحنا جبنا الدبل
وهنلبسها بكره

وروحت قابلت باباها ووالدى وعمى كانوا معايا
وطلب يقابلنى لوحدى
وقعدت مع اخوها
وقالى بابا عاوزك لوحدك
كنت متوتر بس وقتها مكنش معايا حد
طلبت من اخوها اقابله × نفس اليوم اللى قالى فيه
قالى خليها بكره تجهز نفسك وردودك
قولتله كلامى جاهز مش هزاكر واجى امتحن
وروحت قابلته ومشوفتهاش
قعدت معاه وقعد يستفسر
يسأل وانا اجاوب
يتكلم وارد عليه
هتقعد فين
ظروفك ايه
كنت واثق × نفسى مع انى كنت لوحدى
بس كان لازم لان لما تبقى ليا لازم اكون واثق × نفسى
عشان تحس بالامان معايا
تحس انها اختارت صح
تحس انى اقدر احافظ عليها واكون ليها كل حاجه
اخ وأب وصديق وابن قبل ما اكون زوج او حبيب
اقتنع بكلامى وقالى كلم والدك
وروحنا بعدها والحاج معايا
قعدنا نتكلم وانا اللى نهيت الكلام
كان كلامى هو اللى حل كل حاجه
فرحت اوى انى وقتها عرفت انهي الموضوع بكل هدوء والاطراف مبسوطه
وقرينا الفاتحه
وروحنا وفطرنا والاكل بأديها
معرفش كان فيه ايه بس حاجه مش طبيعيه
وطلعت وقعدت ادامى وعنيا تخطف كل شويه نظره
متخيلها وانا بلبسها دبلتها وسامع دقات قلبها
وقلبى من فرحته هيخرج منى ويرقص
متخيل فرحنا وانا رايح اجيبها
واقفه مستنيانى زى القمر نازل من السما عشانى
متخيلها وايديها × ايديا وبرغم كتر الناس مش حاسس غير بيها

بكره هلبسها دبلتى وهلبس دبلتها

مممممممممممممممممممممممممم

احساسك جميل اوى
الحب باين فى كل حرف كتبته
ربنا يخليكو لبعض والسعاده تدوم مابينكم



8 
حور الجنه

اه نسيت الف الف مبروك
ربنا يتمم ليكو على خير يارب


9 
snow white

صراحه اول ما قرأت التوبيك افتكرت سيد ومنه معرفش ليه
ألف ألف مبرووووووووووووووووووووووك ياااااااا منه وسيد
ربنا يخليكو لبعض ياااااااااارب
عقبال الفرح ان شاء الله

ثانيا بقى التوبيك رووووووووووووووووووووووووووووووووعه
تسلمى ع الانتقاء ياااااااااقمرة

الاهم بقى الكلام ده

أنـــا مــراتـكـْ حبيبتـــكـْ
كمــان مـامتـكـْ و بنتـــكـْ

و مـن دلــوقـتي .. كـل الـدنيـــــا
هتنــديـلــي بـ إسمـــــــــــــــكـْ



لسه حااااااااااااااااالا قايلاه لخطيبى
واحنا بنتفق ع كتب الكتاب أخيييييييييييييييييييراااااا



10 
a s o m a

تحفة حلوة اوى بجد
تسلم ايدك


Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.