العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

بجد انا زعلانه اوي لأني بشيلكم همي

كاتب الموضوع: غــنـــــوه حزيــــــــنه، فى قسم: منتدى النقاش الجاد


1 
غــنـــــوه حزيــــــــنه

بجد انا زعلانه اوي لآنى بشيلكم همي
وتعبتكم معايا
حزني بجد غصب عني مش بايدي
قولت اخد استراحه شويه
ومش عارفه هرجع تاني ولا لأ
مش عارفه هتطول ولا ايه؟
لاني بجد أكتر انسانه حزينه علي وجه الأرض
بجد مش عايزه اسيبكوا او ابعد عنكوا ابدا
بس الحزن تعبني اوي وأثر عليا
حياتي وحشه أوي
بجد بحاول كتير جدا افرح وانسي حزني واخرج نفسي من همي اللي بقي عايش جوايا
بس كل ما أحاول تيجي حاجه تمنعني والقا الحزن يسكن قلبي من جديد
مع اني لسه صغيره لكن مش عارفه ليه حظي قليل اوي
كل حاجه حلوه مبقتش ليا
بجد تعبت أوي
انا لو جبل شاف اللي شوفته كان نطق
متزعلوش مني لو اتأخرت عن سؤالى عليكم ولاحتى اتأخرت ف اى تعليق
بس صدقوني غصب عني
مفيش قدامي حل تاني
غير اني ابعد عن كل حاجه
واشوف الدنيا هتاخدني لفين
وهتعمل فيا ايه
بس ابقوا افتكروني
لو مرجعتش تاني ليكوا
وانا عمري ما هنساكوا
مهما حصل
ومهما الزمان اتغير


سلام يااجدع صحبه ف الدنيا



2 
S α ү з D

طول عمرى بعتبر الهروب جبن

بس لو شايفه انك هترتاحى كده هقولك ربنا يريح قلبك

ولو شايفه غير

يبقى نصيحة

ارضى باللى قسمه ربنا ليكى
وانتى مش اكتر حد حزين على وجه الارض

قارنى نفسك عايشه بصحتك بتتنفسى بيعدى عليكى اوقات تبتسمى فيها حتى لو كانت نوادر

بس فى ناس النفس حتى مش بتقدر تاخده
احمدى ربنا ومش تمقتى من رحمته

واعرفى ان ربنا اذا احب عبداً ابتلاه
والابتلاء بقدر الايمان
ودى اختبارات كتير بنتحط فيها عشان ربنا يشوف درجة الايمان اللى احنا فيها

يا ترى ايمانك يقدر يخليكى تحتملى الاختبارات دى كلها ؟؟


3 
أحبُكَ ربى

بصى ياندى كل اللى انت وانا واللى احنا كلنا فيه سبب تقصيرنا فى حق ربنا

والله هنفضل فى تعب وشقاء وحزن مادمنا فى هذا البعد

الا نصدق قوله تعالى :

" ومن أعرض عن ذكرى فإن له معيشة ضنكا "

هذه الاية العظيمة التى اردت ان اذكر نفسى واياكم حتى لانتعب انفسنا ونطيل البحث عن اسباب السعادة

التى دلنا عليها فى قوله تعالى

" والذين آمنو وتطمئن قلوبهم بذكر الله ألا بذكر الله تطمئن القلوب "

نحناج جميعا ان نعود اليه


5 
ابو الوليد النبوى

غنوه
وبرده مش هقول حزينه
ربنا يسعدك


6 
وعد الغرام

خليكى عــ راحتك فــ انك تاخدى راحه من النت او المنتدى او اصدقائك

هوه فى سبب واحد بس يمكن يكون بسيط انتى بتهربى من مواجهه المشكله او السبب ده علشان كده هتفضلى ف التعب لى ملوش اساس ولا معنى

نصيحتى ليكى حابه تبعدى ابعدى

بس استغلى بعدك فــ انك تسألى نفسك ايه لى مزعلك بجد؟؟
ايه لى ناقصك؟
محتاجه ايه ومش لقياه

سبق واتكلمنا فــ توبيك ليكى وقولتلى اقتنعتى برأىى لى قولتله وقولتليلى انك بلفعل اتغيرتى

طيب فين!!؟

واجهىى نفسك شوفى ايه ف حياتك غلط ايه لى بتعمليه غصب عنك او ايه لى بتعمليه مش راضيه عنه
مخلى نفسيتك دايما مش مرتاحه


مش هيحصل حاجه لو جبتى ورقه وقلم وكتبتى فيا شايفه ايه ف حياتك غلط شايفه ايه محتاج يتغير


ممكن بردو تفضفضى مع والدتك
او حد بتثقى فيه ياريت لو يكون شخص عاقل ومحترم وكتوم للاسرار وتكونى مش عارفاه علشان تحكى كل حاجه تخجلى منها او بتهربى منها
وهوه ينصحك


بلتوفيق يا جميله



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.