العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

أحنا مش زى بعض اساسا!!!!

كاتب الموضوع: BaNoTa ZaMaLKawYa، فى قسم: منتدى النقاش الجاد


1 
BaNoTa ZaMaLKawYa

السلام عليكم ورحمة الله وبركاته





أحنا مش زى بعض اساسا!!!! btn_013.gif


مساء الخير ومساء النور ومساء الجمال



وكمان مساء الخيانة لاني هحكي ليكم شوية


عن موقف حصل قدامي او خليني اقول حوار


مش قصدي اسمع حاجة بس هي جت كده بالصدفة


وسمعت حوار هو قصير جدا بس خلاني افكر كثير


واستغرب من طريقة تفكير البعض منا


كان في ولد وبنت الولد تقربيا في حواليا 30 كده


والبنت حوالي 20 حاجة كده يعني


انا مش تابعت الحوار من الاول لاني كنت بتكلم مع صحبتي


لكن في لحظة سمعت الولد بيقول للبنت احنا زي بعض



قالها بهزار كده وكان يقصد حاجة عادية بس البنت



ردت بطريقة جدية قالتله مين قالك اننا زي بعض



انا وانت مش زي بعض انت بتخون مراتك


لكن انا مش بخون حد


غصب عني التفت ورايا لما سمعت الكلام ده وبصيت للبنت كثير


وبصيت للولد كمان كثير ومن هنا قدرت احكم على سنهم



المهم خلاص الحوار خلص لكن استوقفتني جملة البنت



هي يعني مش شايفة انها مشتركة في الخيانة ولا ايه



هل الخيانة تتجزأ ؟ يعني اما الولد يكون متزوج ويعرف واحدة على مراته



احنا نقول الولد خائن لكن البنت لا لانها مش مرتبطة ؟



ايه رأيكم ؟



أحنا مش زى بعض اساسا!!!! btn_013.gif



2 
« αмεŕ.εłŕ๑мαήѕчα »

ههههههههههههههه
عليا الطلاق انتى بت رخمه

الخيانه خيانه طبعا
هيا بتبرر لنفسها
ما هى علاقتها بيه
خيانه لثقه ااهلها

بت اختارى ميعاد حلو لتوبيكاتك
انا الصبح ببقا مشطب ودماغى مبتبقاش معايا


3 
♥ MeKo ♥

علشان حلفانك بالطلاق بس انا دخلت

لا طبعا يا اسوم الخيانة خيانة في جميع احوالها

الخطأ لا يتجزأ مش حنقول هو بيخون مراتة وهي الشريفة يعني

ما اهلها اللي قاعدين في البيت دول عارفين انها فين؟؟ بتقابلة اكيد لا

يبقي دة كمان معناه انها خاينة لاهلها كمان

يبقي في النهاية هما الاتنين خاينين مش حتفرق بقي لمين


5 
عيون حائره

طبعا الخيانه خيانه سواء منه او منها
هو خان مراته وهي ساعدته في ده وشجعته كمان
وطبعا خانت ثقه اهلها فيها
هي مش حاسه بنفسها ولاايه
ميرسي اسما علي التوبيك الجميل ده


6 
روفان

ال صدفه ال علي مامي بردو تلاقيكي كنتي راميه ودانك معاهم

ياسلام علشان هي مش مرتبطه تخون بقي براحتها تفكير عقيم اوى

اولا الخيانه مش ليها مبرر سواء مرتبط او لاء المفروض انو انسان عندو مباديء بغض النظر ظروفه ايه لكن هي بتحاول تشوف اي حاجه تعلق عليها غلطها وتطلع نفسها مش غلطانه .


ثانكس اسومتي


7 
Layla

.....موضوع رائع وقيم ومفيد...... موضوع بحاجة للنقاش ...يجب ان لانمر عليه مرور الكرام ..... انا برأي ان الخيانه مشترك فيها الرجل والمرأة ....لولا المرأة ماجاءت الخيانه .... فكل من الرجل والمرأة عندما يخون يبحث عن ماهو ينقصه لبرر لنفسه الخيانه ...وحتى لايجعل ضميره يأنبه ...يتوهم انه على حق وان كل مايفعله ليس بالخيانه .... غاليتي الخيانه ماامرها وماابشعها ...حين تكون ممن احببناهم وتركوا في انفسنا جرحا لن يندمل بخيانتهم .....فالخيانه مشتركه من رجل وامرأة ..فهي لا يعني انها غير مسؤولة لانها غير مرتبطة ..... نسأل الله ان لانكون ممن يخونون ولا يمروا بتلك التجربة المرة ...اللهم اجعلنا من الاوفياء المخلصيين ....اللهم امين .......مشكورة غاليتي ولا حرمنا مفيدك ...........يعطيك العافية


8 
أحلى دنيا

الخيانة مش بتتجزأ
هيا بردو ساعدتو على كدا
لولاها مكانش خان مراتو
ولما هيا شايفة انو بيعمل حاجه غلط
ما تبعد نفسها عنو
والي مترضهوش على نفسها يبقى مش ترضاه على بنت زيها


9 
LUKY.LUKY

وعليكم السلام ورحمة الله وبركاته

هل الخيانة تتجزأ ؟
لا طبعا عمر ما الخيانة ما اتجزأت ولا هتتجزأ

يعني اما الولد يكون متزوج ويعرف واحدة على مراته
احنا نقول الولد خائن لكن البنت لا لانها مش مرتبطة ؟
ههههههههههههههه
يعني هي بقى تمشي ع حل شعرها علشان موش مرتبطة
طب هو هنحسبوه خاين ازاي موش هي شريكته في الموضوع



ايه رأيكم ؟

راي
انك مترميش ودانك مع حد تاني وتمشي في حالك ياسمسم
:))




نايوس ياقمري تسلمي


10 
dr.beaut

لا طبعا الخيانة لاتتجزا هو بيخون مراته وهى بتخون ثقة اهلها فيها
كفاية اوى خيانة الاب والام مش لازم يعنى تكون متزوجة عشان تبقى بتخون
اصل الخيانة مش للزوج والزوجة بس
الخيانة ممكن للاهل والزوج والزوجة والصديق الخيانة دى لكل الناس
هى اكيد ال فهمها معنى الخيانة غلط
بصراحة انا لو مكانك كنت هشوط ف العيال اصحابى وادي لهم درس فى الخيانة اصلى مش هعرف اكلمها بس هى كانت هتسمع الدرس دا اصلى هقوله فى وشها طبعا بس انا ماليش دعوة بيها عشان اقدر اتكلم براحتى بئى



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.