العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


مشاهدة نتائج الإستطلاع: (نعم) أو (لا) للتعديلات الدستورية
نعم 8 57.14%
لا 6 42.86%
المصوتون: 14. أنت لم تصوت في هذا الإستطلاع

1 
أحلى دنيا

بكرة زي محنا عارفين السبت 19/3/2011

الاستفتاء على التعديلات الدستورية
طب يعني ايه تعديلات دستورية وليه اقول نعم وليه اقول لا

جزاها الله خير اختنا حاملة المسك حطت موضوع شامل عن التعديلات الدستورية

وهنا الرابط
http://www.almstba.com/vb/showthread...077#post180077

احنا كمان في المصطبة هنعمل استفتاء صغير
تقول رأيك بنعم أو لا

ملاحظة:
ياريت الي هيصوت يكون فاهم معنى نعم ولأ كويس والتعديلات الدستورية
وميكنش تصويت عشوائي



2 
Temō Janiar

انا نعم طبعا وياريت اللي قال لايقول قال لا ليه انا بقول نعم
لان الوقت الحالي مش مستحمل ان انستني كام شهر بقي ده لوقلنا لا لان لو قلنا لا يبقي هنفضل في اللي احنا فيه ده كام شهر حلني ع منجب دستور ونعمل استفتاء تاني وهكذا واللي ع فكرا بيقول لا دهبيبقي سوري يعني مش فاهم كويس او مجرد اتباع او زي الكبار معزين لا علشان يلحقو نفسهم مش اكتر


4 
أحلى دنيا

أنا شخصيا بقول لا للتعديلات الدستورية بسبب

بما إن الدستور هو أساس النظام يبقى مينفعش نجيب نظام على أساس مترمم لازم النظام الجديد يجى على أساس صح وجديد
وأنا مينفعش اروح استفتي على دستور يعتبر سقط بسقوط النظام
دا غير عدم موافقتي على بعض المواد الدستورية
عشان انا في حالة لو قلت نعم مواد هتتغير ومواد لا ودا نظراً لضيق الوقت
طب وليه الاستعجال ليه منهداش وناخد وقتنا عشان نحط الدستور الصح الي في مصلحة الكل
وبيحقق أهم أهداف الثورة وهي العدالة
لو قلت نعم مش بعيد الاقي الدستور غلط وعليه نظام تاني غلط ومجلس شعب غلط

ودي وجهة نظري في عدم الموافقة على التعديلات الدستورية


7 
5Lik Fe 7aLk

هو احنا مش مصريين

انا روحت وقولت نعم

عرفه ليه

لان التعديلات دى حاجه مؤقته مش مستمره علطول

وكدا او كدا هيتعمل دستور جديد

الناس الى بتطالب بدستور جديد دلوقتى

يا جماعه فيه ماده وحده فضلوا يعدلوها 10 ايام متواصلين

ما بالكم بالدستور الجديد ع الاقل ياخد 6 شهور

وبصراحه مش هنستحمل نستنى 6 شهور كمان

ونتعب القوات المسلحه معانا اكتر من كدا

المفروض دول بيدافوا على حدودنا مش نفضل شايفينهم كدا طول النهار والليل

كدا او كدا هيتعمل دستور جديد مهما حصل

بس دى تعديلات مؤقته عشان نعمل انتخاتبات الرياسه والشعب والشورى

وبعدين هيتعمل دستور جديد


9 
روفان

انا قولت لا والحقيقه سواء نعم او لا الاتنين هيوصلونا لنفس النتيجه ال هي دستور جديد بعد كده ورئيس جديد لكن بطريقه مختلفه وانا شايفه ان لاء افضل

ليه نعدل في دستور مرفوض وبعدها بفتره نعمل دستور جديد ليه الحيره دي كلها نصبر شويه احسن ويبقي فيه دستور ديموقراطي بجد

كمان لو قولنا نعم يبقي مصر هتدخل علي عدد كبير من الاستفتائات منها الدستور الجديد وانتخابات الرئاسه ومجلش الشعب





Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.