العودة   منتديات المصطبة > الطريق إلى الله > القسم الإسلامى العام

القسم الإسلامى العام خاص بالمواضيع الإسلامية العامة المكتوبة التى لا تحتوى على صوتيات ومرئيات دينية

هجم عليا الليل

كاتب الموضوع: غــنـــــوه حزيــــــــنه، فى قسم: القسم الإسلامى العام


1 
غــنـــــوه حزيــــــــنه

هجم عليا الليل
وانا قاعده في حالي
شاغله أمورى بنفسي
وبفكر في أحوالي
والدنيا هم كبير
... تهت انا ف زحمتها
وفوق مني نجمه نورها بيلالي
أناديها ترد ندايا
وأتاريها تشبهنى
همها شبه همي وموالها موالي
قلتلها وبسرعه بدل
ماتكوني وحدك واكون انا وحدي
خلينا نتصاحب والصحبه تحلالي
وكان طريقنا طويل
كله غني ومواويل
لكن في النهايه بردو
ماجاوبتش علي سؤالي
لإمتي هافضل ماشيه
ولإمتي هافضل تايها؟
وإمتي هالاقي نفسي ونفسي تصفالي
وفي عز العتمه والليل
توصلني صوت تراتيل
طالعه وبتنده
مش ناويه يا عبدي تلجألي في عز مانتى عليله
انا الشافي اللي بيكِ عالم
وإنتِ قلبك الظالم مش ناوي الي يميل
تلف الدنيا علشاني
تدور عليا وسط الاف بتتكلم بلساني
وانا ف قلبك جبل راسخ
ليه بتسأل ع الدليل
ونده المؤذن حي لقيتني بجري عليه
سيبت غنايا ومواويلي ونفسي ما بين إيديه
لقيت النور بيشقشق كأنه لسه وليد
من غير ما يبكي باينه الضحكه في عنيه
السما صافيه والنفوس صافيه
والنوايا بتصفي مدام اللجوء ليه
ولقيتني واحده تانيه
وليا صاحب وحيد أول مالوش تاني
في عز عتمتي وخوفي
ألاقيني بجري عليه
فهــوربــى اللـ ماليش غيرهـ حبيب




Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.