العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
Tawfik

السلام عليكم ورحمــه اللهِ وبركــاتـه


دى صـــورة لفتت نــظرى كتـــير ..
لماذا العرب اصبحــوا هكذا ِِ
لماذا العرب أصبحوا هكذا "نقاش" !! elmstba.com_1347222976_302.jpg


مُنتـــظر تفاعلكم وآرائــكم !!



2 
S α ү з D

الصورة دى شوفتها ومقسومة نصين
من فوق عمرو خالد
ومن تحت عمرو دياب


هقولك وده اتكلمنا فيه كتير قبل كده بس طالما نقاش انا بحب النقاش
قبل كده كان فى مبادئ وكنا ماشيين عليها
يعنى البنت مينفعش تلبس شئ ملفت
ولا تلبس شئ يظهر حاجه من جسمها
لان احنا مجتمع شرقى
امشى مع الموضه بس مش بالشكل ده
مش من فوق حجاب ومن تحت شارع محمد علي
بس جه علينا وقت والمبادئ اتجزئت
وطالما المبادئ اتجزئت يبقى توقع اى حاجه
اقلها ان الموضة دخلت فـ الحجاب
دخلت حتى فـ العباية
تلبس عباية مخصرة ومجسمه
بس اللى بسأل عنه ومحيرنى

اللى بتعمل كده "" الا من رحم ربى طبعا "" بتدور على ايه ؟؟
عريس مثلا
ولا عشان تظهر للناس مفاتنها
ولا عشان تتسبب فـ فتنه
ولا عشان تثير الشباب
ولا عشان تتعاكس وتسمع كلام حلو


ولا عشان ,, ولا عشان ,, ولا عشان ايه !! O_o

احنا لو هنلوم حتى هيكون على مين
على الاهل
عليها
على الناس اللى بتقلدهم


ولما نسأل الاجابه هتكون ايه
عشان الموضة
ولا عشان المظهر
ولا عشان لفت النظر


ولما نشوف ده كده

هنقول ايه

انا مبقتش عارف
بس بقول يمكن ييجى يوم والناس تاخد بالها

اخر حاجه عاوز افهمها والاقى ليها رد

لما بتلبس كده وتلاقى الهدوم ظاهره معالم جسمها
مش بتغير على نفسها من غيون الناس ؟؟
مش بتخاف من ربنا ؟؟
مش بتخاف على اهلها لما يتقال عليهم اصله بيت ...... واللى فيه ......... !!


ربنا يهدى وشكراً عـ الطرح


3 
أحبُكَ ربى

اخى الكريم توفيق بداية اشهد الله انى احبك فى الله

ومن الناس اللى انا سعيد جدا بتواجدها فى المنتدى

وتقريبا فكرة الموضوع نفس فكرة نقاش كان قريبا " افتخر انى يهودى "

مش هطول عليك بقى الكلام وهقولك كلام كبير واعيش الحلم

الموضوع باختصار انه ضاعت القدوة بيننا كانو سابقا قدوتهم النبى والصحابة وعائشة وامهات المؤمنيين

اما الآن فقد تبدل حالنا واصبح قدوتنا تامر حسنى وعمرو دياب وحماقى رضى الله عنهم !

والبنات حدث ولا حرج جنات واصالة شرين وغيرهن الكثير !!!

اصبحنا نتغنى بهؤلاء المطربين والمطربات فلاتنتظر منا غير ماترى الآن

اٍسأل الله أن يردنا إلى دينه مردا جميلاً


4 
Tawfik

اقتباس: المشاركة الأصلية كتبت بواسطة ➸★sεηίόя sαyεđ ★➸  مشاهدة المشاركة
الصورة دى شوفتها ومقسومة نصين
من فوق عمرو خالد
ومن تحت عمرو دياب


هقولك وده اتكلمنا فيه كتير قبل كده بس طالما نقاش انا بحب النقاش
قبل كده كان فى مبادئ وكنا ماشيين عليها
يعنى البنت مينفعش تلبس شئ ملفت
ولا تلبس شئ يظهر حاجه من جسمها
لان احنا مجتمع شرقى
امشى مع الموضه بس مش بالشكل ده
مش من فوق حجاب ومن تحت شارع محمد علي
بس جه علينا وقت والمبادئ اتجزئت
وطالما المبادئ اتجزئت يبقى توقع اى حاجه
اقلها ان الموضة دخلت فـ الحجاب
دخلت حتى فـ العباية
تلبس عباية مخصرة ومجسمه
بس اللى بسأل عنه ومحيرنى

اللى بتعمل كده "" الا من رحم ربى طبعا "" بتدور على ايه ؟؟
عريس مثلا
ولا عشان تظهر للناس مفاتنها
ولا عشان تتسبب فـ فتنه
ولا عشان تثير الشباب
ولا عشان تتعاكس وتسمع كلام حلو


ولا عشان ,, ولا عشان ,, ولا عشان ايه !! O_o

احنا لو هنلوم حتى هيكون على مين
على الاهل
عليها
على الناس اللى بتقلدهم


ولما نسأل الاجابه هتكون ايه
عشان الموضة
ولا عشان المظهر
ولا عشان لفت النظر


ولما نشوف ده كده

هنقول ايه

انا مبقتش عارف
بس بقول يمكن ييجى يوم والناس تاخد بالها

اخر حاجه عاوز افهمها والاقى ليها رد

لما بتلبس كده وتلاقى الهدوم ظاهره معالم جسمها
مش بتغير على نفسها من غيون الناس ؟؟
مش بتخاف من ربنا ؟؟
مش بتخاف على اهلها لما يتقال عليهم اصله بيت ...... واللى فيه ......... !!


ربنا يهدى وشكراً عـ الطرح

أتفـــق معاك فى كتير من النقــط
الى كنت هاوضحهــا فى رايى للموضوع دا

بس اركــز على موضوع الاهل والبيت
ازاى اصلاً يرضوا على بناتهم يبقوا بالمنظر دا
صدقنى الاب او الكبير ان ماغرش على بنته او اختــه البنت مش هاتغير
وهاتقول عادى وموضـــة وزيى كتير

وان معظم العرب مش هاممهم غير المظاهر والفلوس والثروة اى كان على حساب ايه
سلبيات عولمــة ماااشى ام الغرب المسلم همهم العمل والجد والتقرب لربنـا مش هايهمهم الحاجات دى

وان غير المسلمين فى الخارج بيطبقوا منهج الاسلام
يعنى اسلام بدون مسلمين يعنى ناس مش هاممها مظاهر كدابــة او اى كلام من الى بحصل دا مابالك بالمسلمين نفسهم هنــاك..

شكراً لمرورك


5 
Tawfik

اقتباس: المشاركة الأصلية كتبت بواسطة رحلة مشتاق  مشاهدة المشاركة
اخى الكريم توفيق بداية اشهد الله انى احبك فى الله

ومن الناس اللى انا سعيد جدا بتواجدها فى المنتدى

وتقريبا فكرة الموضوع نفس فكرة نقاش كان قريبا " افتخر انى يهودى "

مش هطول عليك بقى الكلام وهقولك كلام كبير واعيش الحلم

الموضوع باختصار انه ضاعت القدوة بيننا كانو سابقا قدوتهم النبى والصحابة وعائشة وامهات المؤمنيين

اما الآن فقد تبدل حالنا واصبح قدوتنا تامر حسنى وعمرو دياب وحماقى رضى الله عنهم !

والبنات حدث ولا حرج جنات واصالة شرين وغيرهن الكثير !!!

اصبحنا نتغنى بهؤلاء المطربين والمطربات فلاتنتظر منا غير ماترى الآن

اٍسأل الله أن يردنا إلى دينه مردا جميلاً



أحبـك الله الذى احببتنى فيــــــه
القلـــــــوب عند بعضهــا والله يا محمد ..

كلامك صح واتتفق معاك ان نقطــة ضياع القدوة والاخلاق والدين

والى يخلى دول قدوة فى افعاله وتصرفاته بالشكل دا يستاهل الى يجرالو
بس زى ماكل حاجه فى الدنيا ليها ايجابياتها وليها سلبياتهـا

كل حاجه بالعقل مش توصــل درجة الحب للشخصيات الى زكرتهـا

ان واحدة تعمل فى نفسهــا كدا

والجدع الى يعمل الى هوا عوزه ويستمتع بحياته

ومايغضبش ربنـــا :)

شكراً لمرورك الطيب


6 
ابو الوليد النبوى

سبب ما تتجه اليه بناتنا او بالاصح بلادنا
اننا نصبنا اناسا لا يرتقون ليكونو سفهاء بل هم ادنى من ذلك نصبناهم امراء علينا
وجعلناهم قديما قادة التنوير بل وقادة الدين احيانا
مثل(قاسم امين مجرد المراه من حيائها الرجل الذى دعا ان تجتمع النساء مع الرجال بدون محرم الذى دعا بعمل المراه بدون ضوابط_و سعد زغلول وصفيه زغول وهدى شعراوى وغيرهم ممن استوردوا لنا من الغرب افكار هدامه مع الافكار الحديثه فخلطوا لنا السم بالعسل
اما فى اوروبا المسلمه لا تسمع لمثل هؤلاء لان امثالهم هناك ليسوا على دينها ولا تسمع الا لقول ربها وقول نبيها

هذا رايي ولكم حق الاختلاف
شكرا على الموضوع الحساس جدا


7 
وعد الغرام

انا شايفه من اول الاسباب الاهل

مفيش اعتراض منهم فــ الاول

معنى ان البنت كده الاب والام مش شايفين
الاب والام مش موجودين
الاب والام مشغولين
الاب والام مطنشين
او عاطينها الحريه الكافيه
ودى من اسوء انواع التربيه بيكون فيها البنت ف سن مراهقه عايز تظهر كل مفاتنها
وفــ الاخر هيه لى خسرانه بعيدا عن خساره الدين
فى خساره تانيه اسمها خساره السمعه

ودى حاجات معنويه

فى حاجات بتحصل فعلا زى مثلا التحرش!
البنت لو متسيبلها ف اللبس هتدور عــ لى اصعب وتعمله

تفكر بقى تصاحب ولد وتروح ديسكو مثلا

تحت شعار احنا عطين لها الحريه الكافيه

تبتدى تتأخر بره

هيه مش محتاجه تكذب وتقول كنت بذاكر مع صحبتى لان لى مش هيعلقلها عــ لبسها مش هيعلقلها ع خروجها وتأخيرها

انا فــ موضوع ما ... اعترضت عــ النقاب ومازلت معترضه

الحجاب بيقول ما لا يصف ولا يشف

وكل لبس البنات لى مش بيعجب هوه لى بيصف الضيق يعنى

تلاقى واحده لابسه طرحه بعيدا عن نص شعرها بره منزله قصه
ممكن تلاقيها لابسه برموده

او رقبه البلوزه واسعه والطرحه لورا:d

معلش سؤال بس مغصوبه تلبسيه؟؟؟
طيب لما انتى مش مغصوبه ليه مش بتحترميه

بنقول الوجه والكفين
مش حته من الرجل وحته من الرقبه ...

البنت لى بتصون نفسها اوى
ربنا بيسر لها امورها
اهلها مش هيتعزبوا بسببها
ربنا هيسهلها معاها دايما

هتلاقى واحد فــ الاخر والله يقدرها ويشيلها جوه عيونه


فــ الاول والاخر مفيش لوم عــ البنت
البنت طايشه مراهقه فراحنه بجمال انوثتها ف عز شبابها
والتوعيه وحدها مش كفايه لو التوعيه مش جابت نتيجه لازم تتغصب انها تحترم دينها
وتحترم البيت لى خارجه منه ده لو بيت محترم


سورى بقى للاطاله

ناااايس

ميرسى...


9 
بنوته من المنصوره

الموضوع دا مهم اوي
بس مش كل البنات كده
في شريحه كبيره بقت كده وبتدور علي الموضه وخلاص
وفي ناس لسه عنهم قيم ودين
بالنسبه للبنات اللي بتقلد الموضه وخلاص
بتكون الاسره والتربيه ليها دور كبير اوي في كده
بيكون اهمال من الاسره وقله دين
كل واحد مشغول في وادي
ودا طبعا بسبب
الحاله المعيشيه اللي فرضت علي الناس تشتغل اكتر من مهنه وتتلهي عن ولادها
وعن دينها طبعا
انا بنت ذي اي بنت بحب البس شيك وبهتم بمظهري
لكن كل حاجه ليها حدود
مش لازم علشان ابقي شيك البس ضيق ياعني
لا في لبس شيك ومحترم
واللي تتحجج وتقول مفيش لبس محترم وشيك
تبقي عاوزه تكشف نظر
لان كده يبقي استهبال
متابعه الموضوع
ميرسي علي التوبك


10 
ملكة بكبريائى

بص اولا احييك موضوع هادف وجميل
ثانيا
بص اولا مش كل البنات كدا ومش كل الولاد بيبقوا مش كويسين صوابعنا مش زى بعضها
ولكن دلوقتى بجد البنات بقت تلبس كدا وتدعى انها محجبه
واصخم من كدا
وبقينا نقلد الغرب فى لبسهم وحركاتهم وكل شىء
ودا غلط طبعا بس تعمل ايه بنت بتفسد بنت وهكذا واحده تشوفها لابسه جينز ضيق جدا وبدى قصير
وطرحه لا تعتبر طرحه من الاساس
وتقول لصحبتها ايه يابنتى البسى الجينز هيهبل عليكى والكلام دا
كل واحد بيفسد الى جمبه وللاسف بنخدع للفشل دايما وشيطانا بيقودنا
احنا العرب كدا اصبحنا متخلفين وبقينا نقلدهم فى كل شىء خلاص اى موضه تطلع لازم نعملها
حتى لو فيها فساد للنفس ورخص للبنت

ربنا يهدى الاحوال بجد

تسلم ايديك على التوبيك



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.