العودة   منتديات المصطبة > الأقسام الأسرية > عالم حواء والزواج

عالم حواء والزواج قسم خاص للمرأة، عالم المرأة، زواج، ثقافة زوجية، مشاكل الزواج، عادات وتقاليد


1 
عصفورة الجنه

السلام عليكم

لكل اخواتي البنات وسط حالة عدم الامن اللي بنعيشها لازم ندور على وسيلة حماية

ربنا خير حافظ ولازم ناخد بالاسباب

لاقيت ناس بتقول يشيلواسكاكين!!!

وطبعا ده غلط لان سهل تتاخد من وتستخدم ضدك وممكن لو اتفتشتي تتحاكمي عليها

فهنشوف هنا وسائل بسيطة وفتاكة ولايمكن الشك فيها بتاتا

1- خلطة الفلفل:

3 معالق شطة تكون ناعمة

3 معالق مطحون فلفل احمر ارنؤطي

3معاالق فلفل اسود

كوباية خل

كوباية ميا

وتجيبي حلة استالنس تكفي الموضوع ده وغالبا هتحتاجي حلتين

مضرب استالنس

قمع

البسي جوانتي ونضارة علشان تحمي نفسك من الحرق

واخلطي المواد الجافة مع بعضها ثم ضيفي عليها المواد السائلة واخلطي

وبعدين بالقمع املي ازايز سبراي (بتاعة البرفان)

وخالي في شنطتك اتنين احتياطي علشان لو اكتر من حد اتعرضلك

وبعد ماتخلصي اغسلي ايديك والادوات بالميا السخنة والصابون

الرش يكون على العين والانف لازم لازم علشان يجيب التاثير التمام

2-طريقة بخاخة الربو : جميلة جدا

اشتري بخاخة ربو وفضيها

وامليها الاتي:

معلقة فلفل

معلقة شطة

وكملي ميا

وليها قوة اندفاع هايلة

هتسبب للخصم اذى بالغ

3-ممكن استخدام المبيدات الحشرية البيروسول

وشوية ملحوظات صغيرة:

1- الادعية اليومية مهمة ليشملنا الله برعايته

2- بلاش اللبس الضيق او الملفت

3-بلاش الكعب العالي خالص لان طبعا في اي كر وفر سهل ان اللي لابساه تقع

4-تعاملي بمنتهى الهدوء مع الموضوع علشان ماتستفزيهوش لانه بيكون منفعل جدا جدا فتعاملي بهدوء وبخدعة ومباغتة

5-خلي تصرفك قوي وسريع ...يعني بلاش تفكير في انك هتاذيه لانه تجرا وفكر ياذيكي فيستاهل

6-خالي معاكي اتنين في الشنطة احتياطي

7-لو اضطريتي تستخدمي ادك لسبب ما فلتكن ضربتك موجهة للاماكن القاضية زي الوجه وتحديدا عضم الانف

والراس

8- بلاش لبس دهب او الحلى الكتير

وربنا يحفظ المسلمين والمسلمات


5 
eslam

اكل دة ولا اية انا مش فاهم حاجة ع العموم الكلام جميل بس اهم حاجة الفعل ربنا يصونكم يا بنات من الكلب الضالة اللى فى الشارع



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.