العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

حبيبي متدين اوي.. !!

كاتب الموضوع: روفان، فى قسم: منتدى النقاش الجاد


1 
روفان





السلام عليكم ورحمه الله وبركاته



انهارده عايزه أتكلم معاكم فى موضوع مهم اوى ومختلف


بالله عليكمـ مش الكلام ده بيحصلـ



كثيرا منا بيسمع الجملهـ دى









حبيبي متدين اوي..

ودي اكتر حاجة مخلياني احبه


بيصلي على طووول..و لما يشوفني بكلم ولد..بيزعقلي

ولما بيلاقيني لابسة لبس ضيق..بيزعل مني

ولما يعرف اني خرجت بعد الجامعة..بيقلب عليا جامد

ومش بيصالحني الا لما اتأسفله..و اقوله ..خلاص مش هعمل كده تاني

حبيبي متدين اوي

مش بيسمح لحد انه يضايقني بكلمة

ومهتم بيا اوي

ولما بكون تعبانة شوية..مش بيعرف ينام بالليل

وبيتصل بيا كل 5 دقايق عشان يطمن عليا

حبيبي متدين اوي

وعدني انه اول ما يتخرج ..هييجي يتقدملي على طول

ومش كلام بقى وخلاص زي كل الشباب مابيعملوا

لا..ده غيرهم كلهم

ده متدين اوي

وعمره ما ضحك عليا

بيقولي كل حاجة في حياته

وانا بردو بقوله كل حاجة في حياتي

لان احنا خلاص هنتجوز

هو بس هيخلص جامعة وييجي يخطبني من بابا

ماهو خلاص في اخر سنة

يعني هااانت

يعني حبيبك ده متدين؟

آاااااه طبعا

امال ازاي بيكلمك

وهو اصلا الكلام بين الولاد والبنات حرام؟

ازاي متدين وهو بيقف معاكي في الجامعة؟

ازاي متدين ومش خايف عليكي و صاينك ؟

هو اللي بيصلي ويصوم ده بقى اسمه متدين؟

امال اللي بس اسمه مسلم في البطاقة ده بيعمل ايه؟

أمال ازاى حاجج بيت ربنا يجى اربع مرات واكتر وبيكلم بنت ؟

لا بس حبيبي متدين

بصي .. ربنا حرم العلاقات اللي زي العلاقة دي

البنت ليها انها تقعد معززة مكرمة في بيتها

وربنا بيرزقها باللي تستاهله فعلا


اللي بجد واخدها درة مصونة وهيحافظ عليها طول حياته

اللي لما يخطبها مش هيعمل معاها حاجة وحشة

مش هيقف معاها في حتة لوحدهم لانه خايف عليها وخلوتهم دي هتبقى حرام

هيتقي الله فيها..لانها هي اللي حمت نفسها بحجابها وأدبها

اللي هيشجعها تحفظ قرآن وتصلي

اللي هيطلع ولاده ناس تجاهد في سبيل الله وتخدم الامة

اللي هيرضي ربنا فيها في كل حاجة

هو ده اللي متدين

هو ده اللي تستاهليه

مش اللي يخليكي ترخصي نفسك ابدا ابدا

واللي هيجيلك بعد كده يطلعلك بأي حجة انه مش هينفع يتجوزك

يا اما بقى هيختفي من حياتك فجأة وانتي تنهاري وهو ولا شاغله

يا اما هيقولك بابا غصبني على بنت عمي



يا اما هيقولك بس اصل انا مش جاهز دلوقتي استني شوية عشان لما اجي لباباكي اشرفك

والشوية دول مابيخلصوش

يا حبيبتي والله ماهو ده اللي هينفعك

اه هو بيبقى في وجهة نظرك كويس وانتي حباه جدا

لكن ليه

وانتي لو هو بردو اللي مكتوبلك هتبقي في بيت باباكي زي الملكة وهيجيلك بردو

مش ان انتي لو قعدتي في البيت مش هتتجوزي

لا بالعكس انتي هتتجوزي ..ومش اي جوازة كمان

جوازة بجد تستاهليها

حبيبتي ربنا يرضى عنك..بلاش ده..بلاش

ومش عايزاكى تستعجلى الصبر مفتاح الفرجـ

وربنا هيعوضك والله

لأن من ترك شيئا لله عوضه خيرا منه


فى امان الله

فى انتظار ارائكمـ



3 
Wana Maly

عندك حق والله يا روفان
بس للأسف احنا فى زمن غريب
البنت لو محبتش ومش مشيت مع اى واحد تحس ان فيها حاجة غلط او انها مش حلوه وتكره نفسها وتكره عيشتها لكن لما تخرج وتمشى مع واحد تبقى فرحانة ومبسوطة سواء هيتجوزها او مش هيتجوزها المهم انها خارجة معاه والإسم بيحبوا بعض وربنا يسهل بقى ع الجواز لما ربنا يريد

وبعدين لو جينا نبص من ناحية الدين
هو مين دلوقتى عارف ربنا كويس ومتدين بجد إلا من رحم ربى

وطبعا مش كلهم كده نهائى طبعا فيه بنات كويسة جدا جدا ومحترمين وربنا يبارك فيكم ...


4 
روفان

اقتباس: المشاركة الأصلية كتبت بواسطة إسلام لمين هعيش؟  مشاهدة المشاركة
راجل محترم بجد فى منى هههههههههههههه تسلمى يا روفان


هههههههههههههههههههه مني مين مش فاهمه

نورتني يااسلام


5 
روفان


اقتباس: المشاركة الأصلية كتبت بواسطة wana maly  مشاهدة المشاركة
عندك حق والله يا روفان
بس للأسف احنا فى زمن غريب
البنت لو محبتش ومش مشيت مع اى واحد تحس ان فيها حاجة غلط او انها مش حلوه وتكره نفسها وتكره عيشتها لكن لما تخرج وتمشى مع واحد تبقى فرحانة ومبسوطة سواء هيتجوزها او مش هيتجوزها المهم انها خارجة معاه والإسم بيحبوا بعض وربنا يسهل بقى ع الجواز لما ربنا يريد

وبعدين لو جينا نبص من ناحية الدين
هو مين دلوقتى عارف ربنا كويس ومتدين بجد إلا من رحم ربى

وطبعا مش كلهم كده نهائى طبعا فيه بنات كويسة جدا جدا ومحترمين وربنا يبارك فيكم ...

عندك حق والولد نفس النظام مش بيحس انو راجل كدا وكفائه غير لما يرتبط ويعمل فيها سيد السيد لمجرد انو يتحكم في حد مش اكتر ماهو لو راجل بجد كان خاف عليها ورفض انهم يخرجوا او انو يعرضها لموقف بايخ الحب مش عيب لكنه التصرفات ال بحجه الحب ال عيب

وال بينرفزني ال تقول دا محترم ومتدن لاء هو مش كدا خالص وانتي بتخدعي نفسك وبس

نورتني يامصطفي وربنا يهدينا كلنا


6 
عيون حائره

كلام سليييييييييم مليون في الميه
المتدين بجد هو اللي هيخبط علي الباب مش اللي يدخل من الشباك زي الحراميه
وتبقي غلطانه اوي اللي تعمل كده في نفسها واللي تساعده علي كده
وفعلا تبقي بتخدع نفسها
موضوع مهم جدا يارورو
تسلم ايدك


8 
بنـتـ يا فلسطين كـ

فرحانه اوى ,, إني شفت بنت جدعه وفاهمه الحياه كويس ,, بجد موضوع مهم كتير ,,يا بخت والدك فيكي ,, بتمنالك كل خير ,, وووو إلى ألامام


9 
I'm JuSt Me

ههههههههههه فعلا الكلام ده بيتقال كتير بس ده كله كلام فاضى , والبنت عشان بتحبه بتحب تبرر لنفسها ولغيرها
واصلا لو كان متدين ماكنش كلمها ايه التخريف اللى البنات بقوا فيه ده
ودلوقتى بلاقى البنت بتكلم ييجى 10 ولاد والله , تقفل السماعه مع ده وتروح للتانى حاجه نيله والله


10 
S α ү з D

طيب ومين دلوقتى مش × علاقة حب ؟!!

كتير اوى لكن قليل اللى معملش كده
لكن الغالبيه العظمى
اه × علاقة حب


ليه اتكلمتى من ناحية الولد بالأخص ونسيتى البنت !!
لما نتكلم على أرض الواقع وبعدنا عن الشعارات اللى بتتقال بس وتنفيذها يعتبر شئ نادر
اغلبنا عايش قصة حب
وبيحب سواء ولد او بنت
يعنى احنا منظرناش لموضوع الدين قبل ما نعمل كده ليه
الحب عموما غريزه وشئ لا ارادى
يعنى احنا ممكن نتكلم ونقول ونعيد ونظهر اننا ملايكه
لكن هييجى لحظه كل اللى قولناه او نسبه كبيره منه هيتناسا
لمجرد اشباع غريزه او رغبة الحب

مبدأياً الحب مش حرام والا مكنش ربنا زرعه جوانا

ثانياً احنا عندنا عقل ربنا ميزنا بيه عن كل المخلوقات
يعنى انتى هتحبى اه
لكن فى حاجات ممكن ترفضى فيها والقرار راجعلك
لو بيحبك فعلا مش هيطلب يخرج معاكى فـ مكان عام
ويمسك ايديكى ويقعد معاكى غير لما يكون فى بينكوا حاجه رسميه
ده لو بيحبك بجد

انما دلوقتى بقى الحب مقابلات وخروجات وكلام موبايلات
انتى اكتر واحده هتبقى عارفه هو بيحبك ازاى
وهيظهر من تصرفاته مش شرط انه من الاول ييجى يتقدملك
ممكن ظروفه مش سامحه
ممكن عاوز يقف على رجله عشان لما يجيلك ويخبط على بابك يكون فرصته كويسه ان اهلك يقبلوا بيه
يبقى منقولش متدين ومتدينه واحنا بندور على الحب من خرم ابره

الكلام منطقى مقولتش حاجه
لكن تنفيذه بقى نادر الحدوث

ممكن نحب بعض اه ولو انا بحبها بجد هستنى لما الفرصه تسمح وتكون فـ اقرب وقت واروح اتقدملها

لكن لو قضيها الناس لبعضيها
يبقى نعيش فـ التليفون ونخرج ونقعد × كافيهات
ونقلب من الجامعه وندخل سينما وناكل ايس كريم ونشرب عصير
والعمليه روقان × روقان

منحرمش الحب
لكن نعقله



شكراً عـ الموضوع



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.