العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
وعد الغرام

مممممم
مساء الخير

كنت متردده انزل اول موضوع ليا دلوقتى
بس يعنى نجرب...

من كام يوم نجحت :) واتخرجت :) وكلت جاتو ولسه مش جالى هدايا :( مش عارفه العيب منين الحقيقه بس يلا مش مشكله

مااااا علينا

انا خلصت وعندى حماس رهيب للتكمله ف دراسات عليا
واخد سنه تربوى
مش اوقف حياتى زى اى انسان اتخرج وقعد او اتخرج ودورع شغل بمقدار شهاده تخرجه

فــ الاول قولت لما اخلص هاخد شويه كورسات

بس لما خلصت فعلا قولت وليه مش اخد سنه تربوى او اكمل دراسات عليا

اى كان دبلومه او ماجستير او دكتوره اى كانت المرحله لى هقف عندها



او حتى لو فشلت يكفينى شرف المحاوله فــ حاجه قليلين جدا لى بيتجرئوا انهم ياخدوا الخطوه دى او يخضوها كــ تجربه

ماااا علينا بردو

انا فكرت ف الموضوع فتره كنت كتومه مش قولت لاى حد خالص
درستها فــ خيالى وتوقعت لى ممكن يحصل
او النتائج بتاعتها
حطيت قدامى 50% فشلانا جاى اهبط ف السريع وماشى مش قاعد s13.gif
و50% نجاحانا جاى اهبط ف السريع وماشى مش قاعد s05.gif

فكرت وجبت اخر الموضوع فــ خيالى
تعبت تفكير

خدت قرار انى افتح الموضوع لبعض الاشخاص لى يهمنى رأيهم واسمع الاراء
هههههههههههههه وياريتنى ما فتحته


وفى ناس عرفت عن طريق الصدفه
والله مش طلبت رئيهم بس انت تلاقيهم بلاجبار كده يفحموك برأيهم
ياجماعه الله يبارك لكم خليكم ف حالكم لو عايزه اسمع كلمه فــ تكون كلمه تشجعنى
مش تدفنى فــ الارض كدهـــ

ماااااااااا علينا بردو


قولت اصلا اصلا اصلا
دول مش هيفكروا فــ مصلحتى
وكمان وكمان وكمان
مش عايزين مصلحتى
المهم
حطيتهم بلاك ليست وفضلت اعارض فيهم

انتم طموحكم ميت ومدفون علشان كده عمركم ما هتبقوا احسن هتفضلوا واقفين محلك سر من فتره معينه ف حياتك وانتم واقفين محلك سر
دى حريه شخصيه ليكم
كل واحد ودماغه بقى

ندخل بقى عــ اهلى انا جاى اهبط ف السريع وماشى مش قاعد s13.gif

فــ الاول كنت مسيطره عــ مامتى علشان بدأت احطلها كل لى ممكن يحصل لو فكرتى نجحت وربنا وفقنى فــ لى عايزه اعمله
وكانت مقتنعه

سيبتها يمكن 5 او 6 ساعات


قعدت مع اخويا شويه وانا مش موجوده

هههههههههههههه لقيتها معاهم

انتى يا ستى مش كنتى مقتنعه اصــــــــل ملوش لزوم

سمعتيها منين الكلمه دى!!

اصل اخوكى

تعالا يا اخويا فيه ايه
ايه لى يضرك لو عملت دراسات او تربوى او غيره

اصل يا وعد ملوش لزمه
اصل انا مش عايزه تترمرمطى
اصل الدراسات العليا صعبه

اقعدى اتعلمى اكتر فــ الطبيخ واهتمى بلبيت اكتر
وفكرى فــ انك تتخطبى وتتجوزى بقى ويبقى عندك اطفال:)
روحى الجم والعبى رياضه
كلى واشربى والبسى ونامى واخرجى لما تزهقى :)

قولتله بلنسبه لميعاد الموت حددته ولا احددلك انا الميعاد الماسب لياانا جاى اهبط ف السريع وماشى مش قاعد s13.gif
ههههههههههههههههه انا كنت وقتها بحاول اتكلم بس الكلام واقف
اصل هقول ايه ولا ايه ولا ايه

هقول انا عايشه لنفسى مش ليكم
ولا هقول انا لازم يكون ليا طموح وهدف
ولا اقول مش هرتاح ولا احس بطعم للراحه غير لما اتعب شويه
ولا هقول مش عايشه البس واكل وانام وانظف وارتب ولو زهقت اخرج شويه وخلاص!!!!


ممممممممم المفروض تشجعنى!!!
المفروض مش تهبطنى كده

والكل ماشى ع نفس الاسلوب ده الا انا
لسه عند موقفى المتواضع

ناس قليلقين هما لى بيحفزونى
اخ من اخواتى
دكتور عندى ف الجامعه
واحد قريبى


المهم يعنى انى لسه مش مستقره عــ قرار

مش ده المهم دلوقتى

فى مصيبه أدميه بتحصل والله لما يبقى فى ناس بتهبط فــ الانسان كده!!
تبقى دى مصيبه ادميه

طبعا ده موقف هوة مش بسيط
بس فى اصعب منه
فى مواقف صعبه بجد وبتبقى محتاجه قرار

ده لو انسان شخصيته ضعيفه شويه هيضيع بين الناس دى

هيفضل واقف محلك سر

مش عارفه يعنى هيه الناس دى متعرفش تقول
عدد 1 بلتوفيق + عدد 1 ابتسامه انا جاى اهبط ف السريع وماشى مش قاعد s05.gifملهاش اى معنى

ههههههههه ولا لازم يفيدونا بخبرتهم المعدومه لى مفيهاش اى واقعيه ولا تجارب!!

اسئله بسيطه:-

1- حصلك موقف قبل كده حسيت ان الناس بتهبطك؟؟؟ احكى الموقف لو ينفع؟؟

2- أيه رئيك فــ الشخصيات دى؟؟

3- لو صادفك موقف ولقيت الناس بتهبطك بطريقه مستفزه هتتصرف ازاى؟؟؟


شكرا للقراءه
يارب يعجبكم و يفيدكم بحاجه

ميرسى...



2 
Abd-ElrhmaN Hassan

1- حصلك موقف قبل كده حسيت ان الناس بتهبطك؟؟؟ احكى الموقف لو ينفع؟؟

اه حصل
في البيت عندنا انا عاوز اخد التويفل في الانجليزي من الجامعه الامريكيه خلال الدراسه عشان اقوي نفسي اكتر في اللغه
في الاول كان الكل موافق ومشجعني جداااااااا
الا لما اتكلموا من دكتور كدا قربنا قلهم لا ملهوش لازمه ومش هيفيده وهو بيقول كدا عشان مش عاوزني اكمل بعد الكليه
بس انا عمال ازن لحد دلوقتي لحد مااخد الاوكي


2- أيه رئيك فــ الشخصيات دى؟؟

الشخص ده سلبي ومعندوش طموح يااما مبيحبش الخير للي قدامه


3- لو صادفك موقف ولقيت الناس بتهبطك بطريقه مستفزه هتتصرف ازاى؟؟؟

لا ااقل حاجه من عصبيتي لاني شخص عصبي جدا ههزقهم وامشي او ممكن اضربه



فكرة الموضوع لذيذه
تسلمي
وحاولي وكافحي واجري ورا هدفك لحد لما توصلي ربنا يوفقك


3 
نهر العطاء

1- حصلك موقف قبل كده حسيت ان الناس بتهبطك؟؟؟ احكى الموقف لو ينفع؟؟

لا ماحصليش
بالعكس انا م فتره كدا قررت اني اخد قرصات انجليزي بدل انا فاضيه كدا
لاقيت اهلي بيشجعو الفكره اكتر منا مشجعاها اصلا ^^


2- أيه رئيك فــ الشخصيات دى؟؟

ناس معندهاش طموح
هما شايفين ان البنت موش لازم تكون ناجحه فـ شغلها
لا شايفين ان الدبلومه او الماجيستير دول مالهمش لازمه
فـ اعتقادهم إن البنت فـ الاخر مالهاش غير بيت جوزها
وإن الحاجات دي موش هاينفعوها بـ حاجه !

3- لو صادفك موقف ولقيت الناس بتهبطك بطريقه مستفزه هتتصرف ازاى؟؟؟

أحاول اقتعهم بوجهه نظري

لو ماقتنعوش براحتهم انا هانفذ اللي فـ دماغي

لان دي حاجه خاصه بيا انا مش خاصه بيهم


ربنا معاكي يَ وعد
فرحتلك اوي ع النجاح الف مبروك
وتفكير جميل اوي منك انك تكملي دراسات عليا
بالتوفيق ليكي ان شاء الله


4 
شهد الثورة


1- حصلك موقف قبل كده حسيت ان الناس بتهبطك؟؟؟ احكى الموقف لو ينفع؟؟
ممم لاء الصراحه محصلتليش قبل كدا بس حتى لو حصلى مش هسمع كلام حد ^_^ و هنفذ اللى فـ دماغى بردو

2- أيه رئيك فــ الشخصيات دى؟؟
اكيد طبعا الشخصيات دى مش بتبص لادام ابدا ومش يهمها المستقبل


3- لو صادفك موقف ولقيت الناس بتهبطك بطريقه مستفزه هتتصرف ازاى؟؟؟
مش هاخد بكلامهم و اللى فـ دماغى هعملو
مهو انا لو عندى حلم لازم اسعى وراه و احققه


ثانكس ع التوبيك


5 
حنين الذكريات

1- حصلك موقف قبل كده حسيت ان الناس بتهبطك؟؟؟ احكى الموقف لو ينفع؟؟

لا ماحصليش

2- أيه رئيك فــ الشخصيات دى؟؟

شخصيات مستفزة ومش عندها حاجة غير انها تعمل كده وما بتحبش تشوف اللى قدامها ناجح

3- لو صادفك موقف ولقيت الناس بتهبطك بطريقه مستفزه هتتصرف ازاى؟؟؟


هأكمل ومش بهتم لكلامه ومش هيقدر يهبطنى مهما استفزنى لاأنى واحدة عنيدة اذا حطيت حاجة فى دماغى لازم أحققها



6 
just 7oOoDa

اسئله بسيطه:-

1- حصلك موقف قبل كده حسيت ان الناس بتهبطك؟؟؟ احكى الموقف لو ينفع؟؟

كتير اووى :d

ابسطها .. لما كنت فى الثانوية الكل كان بيقولى انت موش هتجيب مجموع

انت هتضيع فى علمى وكمان رياضة :)))

اهلى واصحابى الكل بيقولى كده ..

كنت محاط بكمية من الاحباط ملهاش مثيل

.. بس قدرت احوال الطاقة السلبية دى لطافة ايجابية وذاكرت كويس

ودخلت هندسة واهو خلصت اعدادى ومستنى اخش القسم اللى انا عايزه :d:d

2- أيه رئيك فــ الشخصيات دى؟؟

ناس سلبيين جدا وموش بيتقدموا فى حياتهم

3- لو صادفك موقف ولقيت الناس بتهبطك بطريقه مستفزه هتتصرف ازاى؟؟؟

هحاول استفاد من احباطهم ده


7 
♥ Only U ♥

اوووووووعي وشك ايه الحلاوه دي بجد توبيك جامد يا وعد
عجبني جدا بجد
واذا كان ع الهديه متزعليش اجبلك احلي هديه بس تيجي القاهره وع اتفاقنا فكراه
نكلم جد بقي
كلامك حلو اوي وطموحك عجباني وربنا يوفقك ان شاء الله
انا عن نفسي عكسك تماما يعني بمعني اصح
اهلي هما اللي بيقنعوني اني اكمل دراسات عليا وانا اللي رافضه
لاسباب كتيره هقولهالك
اولا لاني تعبت من قعدتي لوخدي بدون اهلي في مصر زهقت بجد نفسي اقعد مع امي وحشتني اوي
ثانيا كليتي متعبه والقسم اللي انا فيه(كيمياء) بيحتاج شغل عالي وانا تعبت بجد في الاربع سنين دول
ومش قادره اكمل حاجه تاني بمعني اصح استكفيت
ثالثا وده الاهم ان حبيبي مش هيرضي بكده مش انانيه منه لاء
بس هوا ليه وجهه نظر وراي مقنعه بيه وبصراحه حابه اكمل حياتي معاه
وغير كل ده شايفه اني حتي لو كملت هقعد كده كده في البيت مش هكمل واشتغل
يعني كملت ولا مكملتش كلها واحد
هتقولي عليا سلبيه ههههههههههههه
بس بجد انا شايفه ان راي صح والحمد لله مقتنعه بيه
واللي خلاني اقتنعت بيه اكتر حبيبي

ولو انا مكانك وشوفت ناس زي كده بيحطموني وانا عاوزه اكمل مش هيهمني راي حد
وهحاول اقنعهم وامشي رايي لاني شيفاه في مصلحتي
ومتحوليش حد يحبطك بكلامه
واعملي زي ما بيقولوا ودن من طين وودن من عجين
انا عملتها مع اهلي لما اقنعوني اني اكمل ههههههههههههههههه
معلش بقي طلعنا في دي يا وعد مختلفين ههههههههههه

تسلمي يا قمر ع التوبيك الجميل



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.