العودة   منتديات المصطبة > الأقسام الأسرية > عالم حواء والزواج

عالم حواء والزواج قسم خاص للمرأة، عالم المرأة، زواج، ثقافة زوجية، مشاكل الزواج، عادات وتقاليد

هو انت تطول اساسا ؟؟؟؟

كاتب الموضوع: gO Away، فى قسم: عالم حواء والزواج


1 
gO Away

السلام عليكم ورحمة الله وبركاته




هو انت تطول اساسا ؟؟؟؟





عبارة تحمل بداخلها منتهى الانانية والغرور والتكبر والغطرسة



لما انسان يقول لغيره معلش انا مش عايز اعرفك ولا اكلمك تاني



نلاقي الرد سريع وجاهز هو انت تطول اساسا



لما انسان يقول لغيره انا مش عايز اشتغل معاك



نلاقي التاني يرد هو انت تطول اساسا




لما انسان يقول لغيره معلش انا مش عايز اسافر معاك




بردو نلاقي نفس الرد الجاهز



مع العلم ان دي حرية شخصية اي واحد من حقه



يرفض انه مش يكلم الانسان ده او مش يشتغل معاه




او مش يسافروا سوا او مش يتعامل معاه




لكن رد الفعل بيكون غريب جدا


هو انت تطول اساسا



طيب ده على اساس ايه يعني انك احسن منه وهو ادنى منك



ما كلنا واحد ومفيش فرق بينا الا بالتقوى فقط



ياترى هل انت من مستخدمي هذه العبارة ؟؟؟



ليه بنجرح غيرنا بيها لانها صعبة بجد وخصوصا لو اتقالت بجدية ؟؟؟



هل دي انانية ام احساس بالنقص ؟؟؟



انا مش هنكر اني قلتها يجي اربع مرات كده


بس بهزار طبعا لاني مستحيل اقولها بقصد


والحمد لله عمرها ما اتقالت ليا بجد يمكن مرتين وبهزار بردو


2 
BaNoTa ZaMaLKawYa

ياترى هل انت من مستخدمي هذه العبارة ؟؟؟
تؤ خالص بحس انها تكبر


ليه بنجرح غيرنا بيها لانها صعبة بجد وخصوصا لو اتقالت بجدية ؟؟؟

فعلا بتبقى ناس مريضة نفسيا



هل دي انانية ام احساس بالنقص ؟؟؟
ممكن نقول تكبر وعند


نايس توبيك تسلمى.....


3 
gO Away

ههههههههههههههههه
مرسى ليكى ع المرور
بس ع فكره هى مش تكبر
لانى بقول الكلمه دى عادى
بس بهزار طبعا
ههههههههههه
نورتى


4 
lora love

لا لو بجد
يبقي غرور جامد اوي من اللي بيقولها
و عدم احترام لمشاعر الشخص اللي قدامه
لان زي ما انتي بتقولي هوه مش احسن منه عشان يقوله كده
بس يمكن هوه بيداري جرحه او انكساره انه مش مرغوب فيه
ورا الكلمه دي عشان ميبانش قدام نفسه حتي انه ضعيف
و شكرا ليكي علي النقاش الرائع ده


5 
sanyoreta

هى صح بتتقال كتير
بس بينى وبين اصحابى بتبقى طبعا بهزار عمرها ما كانت جد
حتى لو حد مش عاوز يتكلم او اى حاجه معايا
دى حاجه ترجعله هو حر بس عمرى ما هاقول الكلمه دى
شكرا ليكى على المناقشه الحلوه دى



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.