العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

البس يا شعب عشان خارجين

كاتب الموضوع: 5Lik Fe 7aLk، فى قسم: منتدى الشعر والخواطر


1 
5Lik Fe 7aLk

ايوه البس يا شعب عشان خارجين

خارجين فين ولمين مش عارفين ...!

قالولنا حريه عداله ونحترم القوانين

قولنا ماشى ومعاكم مكملين

قالوا هنجيب العيش والميه والمجارى لكل المصريين

قولنا كويس بدل انتوا فاهمين

قالى اقف معايا يا صحبى دا شفيق ضد الدين

قولتله وانا معاك انا بحب رسل الله المنزلين

ولما وصل للحكم ضرب المعارضين بالجزمه وقالك الى يخالفنى يبقى عدو الدين

قولت ماشى ياريس بنحبك وهنفضل معاك مكملين

واول قرار اخده قال طظ فى القوانين

محدش له سلطه فوق الاخوانيين

لاء ياريس الكلام دا كان زمان

ايام مبارك وواعوانه الهمام

عايز تبقى فرعون لا يا حبيبى دا عدى وقته وفات

دلوقتى انا الوحيد الى معاه كل السلطات

دلوقتى احنا فى حريه وهنفضل فى حريه لاخر الزمان

شعب اخوان شورى اخوان رئاسه اخوان حكومه اخوان .. كله اخوان فى اخوان ويسقط الميدان

ميدان اه خليه فى كوزه لحد ما نعوزه

المرشد قال المرشد عاد ونفذ يا مرسى يا غلبان

الشاطر يقول ويقول وانت هتعمل ايه يا دلدول؟

قولت هموت وهدوس ع الفلول

ليه الفلول مش مصريين؟ ولا عشان هما مش اخوانيين؟

خايف عليك يا صحبى لتلزق فى الكرسى

وقتها بس هنطلع بثوره وهنحرك 100 كرسى

لو فاكر انك بجماعتك هتبنوا دوله الاخوان

يبقى انسى يا مان دلوقتى الشعب مبقاش جبان

ولا هيضحك عليه بزيت ولا سكر ولا حتى بباكو لبان

هتودينا لفين وهتجيب حق الشهدا منين

وانت ياعينى حا يلا غلبــــــــان

ملكش فيه ولا تدخل فى قراراتى انا الرئيس

انت مين....!

انا الشعب الغلبان .. مكبوت بقالى 100 سنه وطهقان

هتوعدنى تانى مش هصدقك

خلاص انا فهمت اللعبه ومش هتعبك

كل الى هعمله هقوم بثوره عليك

وزى ما جبتك من الشارع بردو همشيك

انا الشعب بقى انت مين.....!

والبس يا شعب عشان خارجين...



2 
هاجر الميماوية

يااااااااااربى بجد روووووووووعة يا محمود والله انت استاذ
بجد انا سعيدة جدآآآ بكلامك ده
ولازم الموضوع ده يتقيم
وانا فى انتظار ثورة مصر الثانية


5 
هاجر الميماوية

هههههههههههههه بنورك يا باشا


8 
أحبُكَ ربى

هههههههههههه والله وعرفتوا الثورة اهو الله يرحم

بس لو عايزين تنجحوا ابقى خدى العيال بتوع التحرير من غيرهم هتروحو وترجعوا ع الفاضى

بقولك ايه البس انت بقى عشان مليش نفس اخرج اصلا

وياريت اصلا متتكلمش باسم الشعب اتكلم باسمك او باسمك مجموعتك


9 
5Lik Fe 7aLk

اقتباس: المشاركة الأصلية كتبت بواسطة أمير روما  مشاهدة المشاركة
هههههههههههه والله وعرفتوا الثورة اهو الله يرحم

بس لو عايزين تنجحوا ابقى خدى العيال بتوع التحرير من غيرهم هتروحو وترجعوا ع الفاضى

بقولك ايه البس انت بقى عشان مليش نفس اخرج اصلا

وياريت اصلا متتكلمش باسم الشعب اتكلم باسمك او باسمك مجموعتك


يااااااااااه بقى انا متكلمش باسم الشعب ما انت بقالك 10 سنين الشعب يريد الشعب يريد

لا ياحبيبى هتكلم بالى انا عاوزه

وحاجه بسيطه اوى

انا ولا ليا مجموعه ولا ليا جماعه ولا ليا تيار

زى ناس

تانى حاجه مش عجبك الكلام مكنتش ترد فيه وتقول الكلام الى مش بيجيب همه دا

ووفر الكلمتين دول لاى موضوع


10 
أحبُكَ ربى

اقتباس: المشاركة الأصلية كتبت بواسطة м α н ṃ o μ ḑ  مشاهدة المشاركة
يااااااااااه بقى انا متكلمش باسم الشعب ما انت بقالك 10 سنين الشعب يريد الشعب يريد

لا ياحبيبى هتكلم بالى انا عاوزه

وحاجه بسيطه اوى

انا ولا ليا مجموعه ولا ليا جماعه ولا ليا تيار

زى ناس

تانى حاجه مش عجبك الكلام مكنتش ترد فيه وتقول الكلام الى مش بيجيب همه دا

ووفر الكلمتين دول لاى موضوع

هههههههههههه ياواد ياجامد بتخضنى والله يامحمود

شرير يعنى مش اى كلام

انت مش عجبك تعليقاتى احذفها وريح نفسك



Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.