العودة   منتديات المصطبة > الأقسام الترفيهية > المهيسون فى الأرض

المهيسون فى الأرض إفتكاسات وتهييس "بدون زعل"، شوية فرفشة على شوية نكت على مقالب مضحكة

معلومات هامة لتثبيت البنات

كاتب الموضوع: Mofeed، في قسم: المهيسون فى الأرض


1 
Mofeed

في مؤتمر في سويسرا لبحث كيفية تثبيت
البنات تقدمت ببحث في تأثير حركة العين
الشمال عند الولد على عملية التثبيت و
توصلنا في البحث إن البنت أول حاجة
بتلاحظها في الولد حركة النني و عدد شعرات
الرمش لذلك لابد أن تحرص على تدريب عضلة
النني من أربع إلى خمس ساعات يومياً مع
إتباع نظام غذائي محدد علشان تعرف تثبت ..
البنـــــــــــات

( مش عايز أتوهكم و أدخل فى متهات ولذلك
هشرحلكم بالبلدي)

يعني أول ما تشوف البت تروح يا معلم
مشغل العضلة الشمال للنني و تغمز غمزة 2
قدم و نص بزاوية ألفا 27 درجة و تروح
قايلّها ( لوسمحتي ممكن دقيقتين من وقتك؟)معلومات هامة لتثبيت البنات bandana.gif
أول ما تسألها السؤال ده-:

اللي هيحصل كالأتي

الإحتمال الأول

انها تقول ( نعم ) و ده
بنسبة 65% و هيترتب عليه اللي هنقوله بعدين
....



الإحتمال الثاني



انها طبعا تقول ( لا ) و
ده بنسبة 80 % و محدش يسألنتي إزاي و
هيترتب عليه اللي هنقوله بعدين برضه... و
في طبعاً آخر إحتمال بنسبة 100% إن هي
هتبصلك بقرف و مدام بصتلك بقرف يبقى انت
مفهمتش موضوع العضلة...

ونرجع للإحتمال الأول

انها تقول ( نعم ) ترد انت تقول ( نعم الله
عليكي) هتقولك ( خير) قولها ( خير ان شاء
الله) و تشغل العضلة بس اتوصى و إتّك
عليها شوية هتقولك ( مال عينك ؟) قولها
( خناقة) و بكده تصعب عليها تروح هيا مكلماك
و تظبط يا معلم وهتعيش بس ابقى عرفني
على بنت خالتها .....

الإحتمال الثاني



انها تقول ( لا ) في الحالة
دي بقى عايزة تتكلم بس هي بتتقل و مدام
تقلت يبقى خرشمت و موضوع العضلة صعب في
الحالة دي ، إذن مفيش غير موضوع أنا كنت
عرضته في مؤتمر تاني في السنغال الشرقية
لأن الطريقة دي أثبتت فعالية في تثبيت
البنات السود و اللي بيتقلوا اللي هي
( طريقة 325 جنايات) تقولها بستهزاء و انت
بتبتسم إبتسامة ساخرة ( ايه التقل ده انتي
حاطة في جيوبك ظلط ؟ ) طبعاً هي ممكن
يغما عليها من دمك الخفيف يا خفيف ، فا
هتروح انت مدي ميزد كول للإسعاف بالموبيل
بتاعك ، هما طبعاً مش هيفهموا حاجة من
الميزد ده لكن هي هتفوق و تروح مرمية في
حضنك بمجرد انها شافت الموبيل معاك ويسلام
لو بكاميرا

و بكده انت بدأت تحط رجلك على طريق
التثبيت بس اغسلها الأول وبلاش تحط رجلك و
هي معفنة و خطي برجلك اليمين وابقى قابلني
لو إتعرفت على أي بنتمعلومات هامة لتثبيت البنات birgits_giggle.gif



3 
الرومانسيه الحزينه

ايه شغل العضلات ده
ههههههههههههههههههه
لاء بس فعلا خفيف

تسلم ايدك ياجميل
ونايش توبيك


5 
شمس الحياة

يخرب عقلك هههههههههه ايه التثبيت ده لا واضح انك خبره او تقريبا ما تعرفش اى حاجه


7 
bono

الميزد ده لكن هي هتفوق و تروح مرمية في
حضنك بمجرد انها شافت الموبيل معاك ويسلام
لو بكاميرا

و بكده انت بدأت تحط رجلك على طريق
التثبيت بس اغسلها الأول وبلاش تحط رجلك و
هي معفنة و خطي برجلك اليمين وابقى قابلني
لو إتعرفت على أي بنت

ههههههههههههههههههههههههه
ايه العضلات الجامده دى
كل ده تهيواااات وبعد كده صحييت من الحلم ههههههههههههههههه
نايس توبيك تيمووووووو



Powered by vBulletin® Copyright ©2000 - 2021, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.